حب وشوية كلام فارغ

قعدوا اتنين ستات من اجدادنا اللى هما بنقول عليهم قرشانات

واحده منهم اتنهدت وقالت للتانية شوفي ياصفية ، حب الايام دي
مالهم ياختي عاملين كده ليه ، فاكره زمان ، صفية اتنهدت اوي
وخدت نفس من السيجارة ام فلتر بني ، وطلعته من مناخيرها
وقالت آه والنبي ما تفكريني ياأم حسن ، على رأي ام كلثوم
حب ايه اللى انت جاي تقولي عليه .. انت عارف قبله معنى الحب ايه
يوه يا ام حسن فكرتيني بالذي مضى ، وابتسمت صفية ابتسامة
لؤلؤية بينت شوية السنان البيض ( الطقم طبعا ) وقالت لأم حسن
عارفه ياختي اليومين دول ، انا سامعه ان فيه في بلاد بره الراجل
يعيش مع الست سنة وسنتين ويخلفوا عيال وبعدين يبقوا يفكروا
يتجوزوا
ام حسن ردت عليها وقالت يالهوي .. معقولة طيب ده احنا ايام زمانا لو كان الراجل شاف كعب رجل الست يبقى لازم يكتب عليها في يوميها ، وانتي تقولي يعيش معاها .. نهار اسود ..
صفية قالت لها شفتي كل ده وما يضحكوش على بعض مش عمالين على باطالين زي عندنا الواحد من دول اول ما يتعرف على البنت يقول لها بحبك ومن اول نظرة ، يخرب عقلك انت لحقت ياواد ، اهم دول سنين ياختي ولا بيقولوا بحبك ولا نيله ، انما احنا رجالتنا اول ما يشوف رجل معزة يجري وراها ويقول شعر وهاتك يا غنى ، يومين تلاته يشوف واحده احلى منها يعيد الاسطوانه وبحبك من اول نظرة ويشتغلوا بأه في سيرة الحب
طيب تصدقي انا سمعت ان فيه راجل قعد مع حبيبته يجي عشرين سنة .. ده في بلاد بره يعني مش هنا .. وخلفوا اربع عيال ودخلوا الجامعة والراج وهو بيموت قال لحبيبته قربي مني عاوز اقول سر قبل ما اموت .. راحت حبيبته وكان عندها ساعتها ستين سنة تقريبا .. قربت منه .. قال لها عارفه فيه سر عاوز اقوله لك من زمان ، ولما قربت اموت قلت مفيش داعي اكتمه ، قالت له قول .. قالها تصدقي اني بحبك
يعني شوفتي رجالتهم مش بيقولوا الكلمة الا لما يحسوها أو يقربوا يموتوا واحنا رجالتنا حافظينها من اول ما العيل يدخل الحضانة ، اول ما يقابل المدرسة بتاعته يقعد يحب فيها .. قال ا يه بيتمرن
ام احسن قالت لها يختي قطعم الشباب واللى بيعملوه .. طب ده على ايامنا كان الراجل يحفى ورا الست عشان يكلمها .. دلوقتي البنات هي اللى بتحري ورا الشباب واسمعى كمان ، موبايلات وانترنت وفيس توك ومش عارف ايه ..
ردت صفية عليها وقالت .. ماهو يختي من قلة الرجالة .. وبعدين هو فيه حد بيتجوز دلوقتي .. شوفي ايامنا كان الجواز ازاي .. سرير وكنبة وقله وصندوق هدوم وخلصنا .. تعالي شوفي دلوقتي اللى طالعين فيه .. طقم صيني للنيش وطقم صيني للنيش من تحت وطقم صيني للمطبخ وفي الآخر تلاقيهم بياكلوا في اطباق صاج وقزاز .. لزمتها ايه الفشخرة دي كلها ، والا الفوط ال ايه لازم 12 فوطة و12 بشكير طيب والنبي انا عرفت البشكير على كبر ، و12 ملاية سرير و12 مفرش ، يانهار ابيض كل ده والدنيا غالية والحالة زي ما انتي شايفاها ، وتقول البنات بتعمل مش عارف ايه .. طبعا مالازم تعمل ماهو تعالي شوفي دلوقتي مين بيتجوز ، يعني البنت لازم يجيلها راجل قد ابوها أو شاب بأه يكون ابوه بيصرف عليه.. اه .. امال حيجيب كل ده منين شوفي الشقة بكام والعفش والدنيا ياختي منيلة بنيلة والناس بتصعبها على نفسها وفي الآخر تقولي حب .. والنبي تتلهي يا ام حسن ال حب ال .. طيب ده زمان الراج كان يجري ورايا 4 شوارع عشان اقوله ياسم .. شوفي الكلمة دي يروح يكتب فيها شعر ويقول لأصحابه قالت لي ياسم ..
دلوقتي الواد من دول بيعرف البنت .. ويقول لها .. لخصي .. هاتي من الآخر .. جواز مفيش .. عرفي ما بوقعش .. حب وهيام وغرام .. راحت عليه .. تقوله امال بتعرفني ليه .. يقول لها بقضى وقتي .. عندي شويه فراغ انما اوعى تكوني حاطه عينك على جواز ولا خلافة .. انا ا يد ورا وايد قدام .. ولسه اتخرج وجيش وشوفي بأه حشتغل ولا حاقعد على القهوة .. لكن حب انا معاكي .. بس من غير مسئوليات
شفتي ياختي الزمن الاغبر .. ولا حب العشوائيات .. اهو كله كوم وده كوم لوحده ..
ردت عليها وقالت لها هو فيه حب عشوائيات ..
قالت لها اه امال .. استنيني الحلقة الجاية اقولك عليه .. وادينا بنقول عن الحب وكلام الحب .. هو احنا لينا سيرة دلوقتي غير الكلام .. ماحنا بقينا ع الرف .. عرفتي ياختي ان عنايات جارتنا اتطلقت ..
قالت لها اتطلقت ليه كفا الله الشر
قالت لها .. قال ايه جوزها مرة كان بيغني الاغنية دي بتاعة عبد الحليم .. مانتب عارفاها .. اللى بيقول فيها ... انا يسعدني تبعد عني وتجرب غيري في هواك ..
راحت الولية ما كدبت خبر ومشيت مع جارها وغبت عن البيت اسبوع ولما رجعت قال لها كنتي فين قالت له مش انت اللى قلت .. يسعدني تبعد عني وتجرب غيري .. قال لها يانهار ابوكي .. وايه اللىجابك يا نحنوحة .. قالت لها سمعتك بتغني وبتقولي خليك هنا خليك بلاش تفارق .. قمت رجعت البيت .. شفت نورت البيت ازاي ..
الراجل ما كدبش خبر .. قال لها خلاص انتي طالق .. وأي دمعة حزن لا

نواصل الحلقة القادمة حديث الحب وشوية كلام فارغ .. من عواجيز الفرح

جميل يا استاذ مصطفي
فكرتني بواحده لعرفها بجد
بتغني عندي حاله ملل
جوزها قالها طب روحي عند اهلك
مكدبتش خبر هي كمان
بس تعرف يا استاذ
وان كان الكلام في اطار كوميدي وسخريه
ولكن ها سخريه الواقع
فهذا هو الحال الان
وربنا يلطف علي شبابنا
في انتظار الجزء الثاني

أسمحلي اكمل انا يا قمر المنتدي
لان كلام العواجيز او الناس الفاضية انا شوفت منهم نماذج من كل لون بحكم درستي
بس انت هنا اخدت الجانب النسائي فقط...
اما الجانب الاخر فهو كمان يهلك من الضحك لو اجتمعوا كبار السن من الرجال علي قهوة مثلا ويكونوا كلهم من منطقة واحدة يعني الكل عارف تاريخ التاني خد عندك بقا
الحاج سعيد :وده كان موظف في السكة الحديد بس ايه كان ولد معجباني الشعر السايح والجزمة الاجلسية والقميص المكوي ولااااااازم المنديل علي ياقة القميص ..وألأ الهيبة تروح
بيقول لجارو المعلم انور افندى :وده بقا كان ولا مؤاخذه تاجر مواشي اد الدنيا بس الزمان غدر بيه
فالحاج سعيد بيقول للمعلم أنور
شوف يا اخويا العيال بتوع الايام دي الواد لا يستحمي ولا يغير البنطلون اللي عليه الا بعد ما الناس تقولوا ريحة بنطلونك طلعت علي عينانا
وقال ايه يسيب شعره طويل وهايش اد فروة الخروف وتيجي تكلموا عشان تنصحه يقولك "فكك"يا عم الحاج مني النهارده ؟؟؟
فكك؟؟ يرد المعلم انور عليه ويقوله
علي قولك يا سعيد يا اخويا :
ديك النهار داخل البيت عندي واكلم في الوالد ""بيصي"" ابني الكبير
ولاه هو هنا يا واد ..يا ابن ....
ولاه هو هنا خالص وكنتفي الاخر لما فاض بيا منه
كنت هقوم افرمه بالحزام لولا الواد ابني ""كرمله ""وده بقا الواد اللي علي الحجر
تعليم امريكاوي في مدارس غالية والنبي اهه ده بقا اللي انا بعرف منه كل جديد للجيل بتاع دلوقت
قالي يا بابا هو مش هيرد عليك عشان مش سمعك اساسا
لانه بيسمع اغاني في "mb4"
رحت سايب كل اللي كان في ايدي وبصتلوا كده ؟؟؟؟؟
انت قولت ايه يا ااااااااااااض؟؟؟؟؟
اه يا بابا دي حاجه كده زي الراديو بتاع زمان
قولت في عقلي """عجبت لك يا زمن""
انا ادفع فلوس عشان العيال تشتري حاجات غريبه حتي ما نعرفوش ننطقوا اسمها !!!!!
بس يا سيدي
انا ما بلاقيش نفسي ألا لما باجي اقعد معاك وألعبك عشترتين الطاولة دول
واسمع اغنيه ""لسه فاكر " بتاعة الست ثومة
الله عليها
واحد شاي علي ميه بيضا وشيشة يا واد يا برقوقه
واستناني في الحلقة الجايه

freska كتب:

جميل يا استاذ مصطفي
فكرتني بواحده لعرفها بجد
بتغني عندي حاله ملل
جوزها قالها طب روحي عند اهلك
مكدبتش خبر هي كمان
بس تعرف يا استاذ
وان كان الكلام في اطار كوميدي وسخريه
ولكن ها سخريه الواقع
فهذا هو الحال الان
وربنا يلطف علي شبابنا
في انتظار الجزء الثاني

ايه يافريسكا هي فيه اغنية اسمها روحي عند اهلك
الراجل كان بيغنيها ، ولا هي ما صدقت
اه يمكن بيغني لها اغنية روح منك لله بتاعة فايزة
يارب يا فريسكا يلطف على الشباب من عمايل الزمن الغريب ده
ان شاء الله نكمل الجزء التاني لسه فيه درر

شاي علىميه بيضا وقهوة على ميه بني وسيجارة بني ودماغي بتاكلني
ايه المواويل دي يا عمنا يارايق انت والله تحفه .. ام بي فور
الراجل كويس انه افتكر الاسم ما قالش ديفدي .. كان قاله زي
اللمبي .. مش عاوز ديفدي .. عندي بطاطين كفاية
ماشي حنكمل .. بس خليكي معانا انا امسك القرشانات
وانتي امسكي قهوة المعاشات
ما عاش اللى يزعلك

هههههههههههههههههههههههههههههه
سير وكلنا ورائك
علي بركة الله
بس اللمبي ده ليه معايا مشاوير كتييييييييييييير
واستنانا جاييين
انا واللمبي

جميل أخي مصطفي أن فتحت هذا الموضوع
وذكريات زمان عن الحب وخلافه
أنت ألقيت حجر في مياه نظنها راكدة
نحن في أنتظار حلقاتك القادمة
ولنا عودة إن شاء الله

خطييييييييير تسلم ايديك استاذ مصطفى ومننتظرين الباقي وطبعا حكاية ليالى جميله كمان

هاستناكم تكملوا

باهي
ام عبد الرحمن

غدا الحلقة الكبرى من الحب
وشوية كلام فارغ

اشكركم لوجودكم ودعمي دائما
وارجوا ان تستمتعوا معي دائما

أستاذ مصطفي
وعدت بإنك بكرة ستكتب الحلقة الكبري عن الحب وكلام فاضي وواضح انه عدي 70 بكرة
سلامتك
مشغول ولا نسييت

أستاذ مصطفي
وعدت بإنك بكرة ستكتب الحلقة الكبري عن الحب وكلام فاضي وواضح انه عدي 70 بكرة
سلامتك
مشغول ولا نسييت

» كلام عايز يتفهم صح