سؤال خفيف وبرئ .. وصغير..للناس الطيّبه؟!

موضوع جديد واحب اشترك فيه
وبعيدا عن الشاي والقهوه والمياه الساخنه وجو البوفيه ده ادخل في الموضوع
اي راجل بيكون في حياته ام اب اخوه زوجه وكمان اصحاب
في زوجات بتقوم بادوار كتير في حياه زوجها مثلا بتعمله زي امه او حتي زي بنته بس قليل من الازواج الي بتحاول تصاحب زجها وتكون له صديق فعلا
تعرف اهتماماته وتشاركه فيها وتدخل في عالمه وتدخله في حيتها بس مش في مشاكل كل يوم الي انتم عرفنها لانها مش بتتحل وده بيخلي الراجل يبعد عن كل الكلام ده
انا اعرف زوجه صديقي من اول يوم زواج وهي عرفه انه بيحب الكوره والان اصبحت اهلاويه زيه وبتروح معاه الاستاد وتشجع بحماس ومعندهمش مشكله الشاي ولا القهوه
افضل علاقه زوجيه من وجهه نظري هي العلاقه الي بتكون فيها صداقه بين الزوجين
وده راي ممكن يكون صح او لا

اقتباس :

sixm2005 كتب:

موضوع جديد واحب اشترك فيه

يسعدنى ويزيدني شرف مشاركتكَ فى موضوعي وأشكرك للمداخله الفعاله

اقتباس :

وبعيدا عن الشاي والقهوه والمياه الساخنه وجو البوفيه ده ادخل في الموضوع

خلاص نبعد عن الكافيه الكبير ونخليه في المول نشربه افضل

اقتباس :

اي راجل بيكون في حياته ام اب اخوه زوجه وكمان اصحاب
في زوجات بتقوم بادوار كتير في حياه زوجها مثلا بتعمله زي امه او حتي زي بنته بس

.. دى نقطه ذكيه من ردود فعل المرأه تجاه زوجها من خلال معاملتها ليه ولكنها مجرد نقطه بس من عدة نقاط كثيرة

اقتباس :

قليل من الازواج الي بتحاول تصاحب زوجها وتكون له صديق فعلا
تعرف اهتماماته وتشاركه فيها وتدخل في عالمه وتدخله في حيتها بس مش في مشاكل كل يوم الي انتم عرفنها لانها مش بتتحل وده بيخلي الراجل يبعد عن كل الكلام ده

شوف أنت أثرت نقطتين من أكثر المواضيع أهميه فى الحياة الزوجيه وحال استمراريتها اول نقطهى هى صداقة الزوج والزوجه بينهم والموضوع ده بالذات شرعت فعلا بالكتابه فيه لكن لم تسعفنى بعض الظروف وبصرف النظر عنها الا انها نقطه فى غاية الاهميه بالطبع كنت هاكتبها من ناحية المرأه فى مصادقة زوجها كما كتبتها انت من ناحية الرجل
ومام قولنا انها صداقه فى اطار الزواج اذاً فالزواج هى شركه وبالتاتلى يجب ان تكون الصداقه من الطرفين لبعضهم البعض وليس من طرف آخر
بنحتاج اوى المعنى ده فى بيوتنا وهو ان يكون فى صداقه ومشاركه للاهتمامات بين كلاهما ومعرفة ميول ورغبات كل واحد فيهم وبالتالى بيولّد الكلام والحديث بينهم ثم الاتفاهم فالإنسجام وهنا هاتعالج القضيه دى قضيه تانيه أكبر وأصعب منها بنعتبرها آ’فه كبيرة فى حياتنا الزوجيه واللـ أثرتها كذلك فى موضوعك وهو السكته الزوجيه او موت الحديث بين الازواج وبعضهم لأن الامور اقتصرت فقط على عرض المشاكل والازمات بين الزوجين فبدأ كل منهما يمل ويتجنب الكلام مع الاخر حتى مايشوف جانب الغضب والعصبيه او الزهق والمجادله وماشابه من الاخر
نقطتنان مهمتان فى نظرى جدا اشكرك كل الشكر عليهم

اقتباس :

انا اعرف زوجه صديقي من اول يوم زواج وهي عرفه انه بيحب الكوره والان اصبحت
اهلاويه زيه وبتروح معاه الاستاد وتشجع بحماس ومعندهمش مشكله الشاي ولا القهوه
افضل علاقه زوجيه من وجهه نظري هي العلاقه الي بتكون فيها صداقه بين الزوجين
وده راي ممكن يكون صح او لا

تحياتى لهذه الزوجه وعشمى ان يكون الزوج له نفس افعال هذه الزوجه هنا هاتكون المشاركه أفضل وأجمل وصحيح لا هايحتاجوا لقهوه ولا شاى .. انما لو كان هو بيفضل القهوه مش الكورة كانت هاتعمل ايه الغلبانه دى؟؟

اعتقد ان رأيي من رأيك sixm فى ان علاقة الصداقه بين الازواج علاقه ناجحه جدا ومن مقومات الحياة السعيده
أشكر لكَ مداخلتك واسعدنى كتير حوارك الثري ونقاطك التى اثرتها واتمنى ان يزيد من هذه القضايا والموضوعات فى منتدانا الحبيب

تحياتى وامتنانى لشخصكَ الكريم

والله انا ماكنتش عارف ان كلامي مهم كده
ردك علي كلامي اضاف له قيمه كبيره وفهمك واقتناعك بوجهه نظري وشرحك ليها كانت بالنسبه لي شرف كبير
وتقدير لكلامي
وانا من الان منتظر موضوعك عن الصداقه في الحياه الزوجيه
ويكون لي الشرف بالمداخله ان شاء الله
بس كنت حابب اضيف معلومه ان مش كل الرجاله بتروح المقاهي والله في ناس من البيت للشغل ومن الشغل للبيت
وحتي الشاي والقهوه مش مشكله كبيره في حجات كتير اكبر ممكن نتناقش فيها في موضوعك القادم ان شاء الله

sixm2005 كتب:

والله انا ماكنتش عارف ان كلامي مهم كده
ردك علي كلامي اضاف له قيمه كبيره وفهمك واقتناعك بوجهه نظري وشرحك ليها كانت بالنسبه لي شرف كبير
وتقدير لكلامي
وانا من الان منتظر موضوعك عن الصداقه في الحياه الزوجيه
ويكون لي الشرف بالمداخله ان شاء الله
بس كنت حابب اضيف معلومه ان مش كل الرجاله بتروح المقاهي والله في ناس من البيت للشغل ومن الشغل للبيت
وحتي الشاي والقهوه مش مشكله كبيره في حجات كتير اكبر ممكن نتناقش فيها في موضوعك القادم ان شاء الله

انا اللـ شرفنى وجودك ورأيك اللـ \ى فتحلى ابواب كتير من الافكار والمعلومات .. وان شاء الله يكون موضوعاتى عند حسن ظنك دائما ويارب يسعفنى الوقت والظروف ان ابحث كويس فى موضوع اللـ احنا بصدده واشرع بالكتابه فيه ومن دلوقتى هادعوك دعوه خاصه اليه لإستماع رأيك القيم فى الأمور الزوجيه خاصه والمواضيع الاخرى عموما

شاكرة لكَ مشاركتك sixm
تحياتى وتقديري

باهي كتب:

صافي
سأقول لك موقف حدث معي فد يسعدك لأنه من خلال موضوعك
لي قريبة زميلة دراسة ومثقفة وبها بعض الصفات التي تعجبني
مثل ثقتها بنفسها ونظافتها
ولما تتكلمي معاها تحسي إنك مع البرنسيسات بتاعة زمان
تقابلنا في مناسبة فرح عائلي
فقلت لها إيه رأيك؟
لي صديقة في المنتدي عايزة تعرف رأي الأزواج
لوأرادت زوجاتهم الجلوس مثلهم علي المقاهي
ضحكت وقالت إيه يعني
أنسي أننا في فرح وأطلب لنا شاي وبلاش شيشة المره دي
وشوف أحساسك
وأنضمت زوجتي للجلسة وطلبت شاي فعلا والكل كان سعيد بما فيهم أنا
بس لماخلص الفرح رجعت لرأيي الأولاني أنه ما ينفعش
ولو عرفت صاحبتنا أني غيرت رايي هالتخرب الدنيا
ههههه

المهم ان الموقف اسعدك ولو لدقايق باهى وده شئ جميل ان اسعدكم انتم التلاته بطريقه غير مباشره

بس عتابي عليك انك ماطلبتلى شاى معاكم

على العموم الف هنا...
ونرجع لموضوعنا الاساسي ... بالتأكيد كانت كلمة القهوه او الشاى هو كنايه عن خروج الرجل من المنزل وبصفه يوميه لمدة ساعات .. قد يحتاجه البيت فيها فى تلك الاوقات او قد يكون الامن مستتب به

اما مكان (الكافيه او قعدة القهوه)
بالتالى هو مكان اجتماع الرجال والاصدقاء ببعضهم البعض وتفضيل هذه الجمعه عن جلوسه في البيت او حتى اتخاذ بعض السكينه والهدوء خارج البيت بكل مواضيعه ومشاكله

وسؤال الاخر وهو اننا نبدل الادوار وتخرج المرأه هىّ بدل الرجل وتجتمع بأصحابها أو تجلس كل يوم وبنفس تلك الساعات خارج بيتها حتى ولو كان معاها الاولاد فكنت بعطى مساحه للتخيل ان بدّلنا الادوار كان شكل البيت او الظروف هاتكون عامله ازاى..

اعلم تماما ان الفكرة بالتالى واضحه.. اشكرك باهى لزيارتك العديده التى تسعدنى وتضيف لمواضيعى كثير

تحياتى وتقديري

أنا أوافق علي كلام النبع الصافي حبيبتي
إنه ليس المقصود بها المكان إنما المقصود ألا يأخذ المكان الرجل عن أهله أياا كان المكان

fatfota كتب:

أنا أوافق علي كلام النبع الصافي حبيبتي
إنه ليس المقصود بها المكان إنما المقصود ألا يأخذ المكان الرجل عن أهله أياا كان المكان

وانا اوافقك على كلامك الملخّص ويعتبر عندى زبد الحديث فتافيت السكر ... تسلمى ياجميل على كلامك الحلو حبيبتى

نورتينى