حكاوي زمان

موضوع: حكاوي زمان الأربعاء يناير 14, 2009 8:54 pm

[b]ايام زمان واجيال زمان وناس زمان وجمال زمان..

مفيش احلى ولا اطمع منهم ولا من ذكرهم..

والله حتى ذكرهم ليه مذاق خاص فى ذهننا..
بنشعر ان افكارنا اللى لا بقي ليها طعم ولا لون ولا حياة بتتذوق الحياة لما بنذكرهم ونذكر تعاليمنامنهم ..

ويقولوا على فلان ابن اصول.. وفلانه بنت حلال..

لها عزوه.. او لها بيت بترجع ليها.. او بنت ناس.. لها اصل.. وراجل من صلب راجل..

وبنشير لخبرة وحناكة الرجل او المرأه لما يقول اتعلمت من اجدادي الذي الفلاني..
او نشير اليه بالاخلاق الحميده والاصاله لما يقول اهلى ربوني على كذا وكذا..

تعاليم الاجداد والاهالى زمان..

تيجى تشوف الاباء الايام دي تقول لاولادهم.. معرفناش نربيكم زى مااباءنا ربونا..
وتيجى تشوف الاباء والابناء مايعرفوش (مهما حاولوا) انهم يقلّدوا ابائهم وامهاتهم..

وبيشيروا الى القصص الواقعيه الجميله الى الجده الكبيره.. ام العائله كلها.. ويقولوا عليها هى البركه..
ودائما قصصها بتجمع بحاجات كتير : اول شئ يلفت انتباهك فيها.. الفكاهه الخفيفيه اللى بتخرّج الضحكه من قلبك على شفايفك مباشره.. وبعد دقايق من الضحك وتيجى تسترجع القصه تلاقي فيها مليون ومليون ومليون حكمه على حكمه قالتهالك بطريقه غير مباشره..
ولما تجلس شويّه لوحدك تفتكر تانى القصه تشوف قد ايه الطيابه والبراءه والعفويه بتحكى عن حوار وسيناريو القصه
ولما تروح تسألها عن استفهامات ماقدرتش توصل بفكرك ليها فى القصه تكتشف انك مافهمتهاش بسبب حنكة وخبرة ودهاء وقمة ذكاء القصه باللى فيها..

مش بقولكم.. هما البركه..

ناقصنا كتير عشان نعرف نكون تقليد ليهم..

علمونا وربونا.. فهّمونا حاجات كتير

مكنّاش بنستوعبها ولا بنفهمها وننتقدها وكتير نستهزأ بيها واحيانا نقول ده كان ايام زمان من ايام اسم النبي ده
ونكتشف اكتشاف عظيم.. مع مرور الايام وخبرة الليالى .. ان كلامهم كان صحيح الفين فى الميه.. بس الفرق بينهم وبين الايام فى التعليم انهم بيقدّموا لنا الحكم والنصايح على طبق من ذهب.. واحنا بنرميها تحت اقدامنا..
اما الايام بترمى بينا فى حفرات وثغرات عشان نتعلم الحكم والتجارب واحنا بنكون اتدفنا فى مقابر التجارب ونتعلم بعدها..

علمتك وعلمتنى جدك وجدى جدتك وجدتى كتير .. احلى ايامها اصعب ايامها أخرجت منها كلمات بسيطه صغيره بس فيها المفيد .. ياترى لسه فاكر .. اكيد مفيش حاجه تتنسى.. بس طعم الذكريات وخاصه وهما فيها احلى واحلى.. احكيلنا وعلمنا من اللى علمك اياه جدك وجدتك.. وقولنا مواقف وحكايات ماقدرت الى الان تنساها مهما طال العمر بيك..

وانا هاحكيلكم كلمه من الكلام الكتير اللى قالته جدتى لي انا واقاربي البنات مره من المرات : بتقول البنت ماتاخدش اى طفل فى ايديها وتخرج مهما حصل.. وكانت تمنعنا ان اى بنت صغيره او شابه انها تخرج بطفل فى الشارع .. ومافهمنا وكنا بنزعل كتير وبعد كده اتضح انها كانت خايفه على بنات العائله من عدم الزواج علشان لو حد شافها بطفل يقولوا انها متزوجه ويروح ومايجي يتقدم لها..
كلمه من الكلمات تذكرتها..
واكيد باذن الله وانا معاكم هاتذكر كتير لما اعرف واسمع منكم حكاوي وكلام الاجداد الغاليه..

رحمة الله على كل موتانا امهاتنا وابائنا وبارك الله فى عمر من كان عايش الي الان ..
تحياتى وسلامى للجميع [/b]

موضوع: رد: حكاوي زمان الخميس يناير 15, 2009 12:26 am

تصدقى عندك حق قوى
وكلامك صح طبعا
وفعلا الواحد كل ما يتذكر جده او جدته بعد ما ماتوا بيتمنى انهم يرجعوا تانى ويشوفهم ولعب معاهم زى زمان
بس خلاص
ازفت الازفه
بس كويس ان احنا بنفتكرهم
لان ايامهم كانت حلوه فعلا

موضوع: رد: حكاوي زمان الخميس يناير 15, 2009 9:43 pm

فعلا ياصافى همه كانو الخير والبركة
موضوعك خلانى أتذكر جدى وستى الله يرحمهم
كانو بركة فى البيت
الطيبة بتشع من قلوبهم
والغريبة بقى انهم كانو أيام تربيتهم لأولادهم قاسين أوى
لكن تعالى اتفرجى بقى معانا كانو حاجة تانية خالص
ماهو المثل بيقولك أعز من الولد ولد الولد
فعلا اللى قالها صادق
يعنى كانو ميحبوش اهالينا يضربونا
هههههه واحنا كنا نتحامى فيهم لما نيجى ننضرب
أيامهم كانت أحلى أيام كلها خير وبركة
الله يرحمهم
بس بجد بتمنى يرجعوا تانى وياخدونا فى حضنهم الدافى
ويقعدوا يحكوا لنا ذكرياتهم
والبيضة اللى كانت بستة مليم
وال5ج كانت بتكفى تعمل عزومة أزاى معرفش
حتى أكلهم كان له طعم
يالله
ألا ليت الأصول تعود
موضوعاتك بصراحة جميلة وجديدة وبتعجبنى وبنتظرها
يسلم ايدك وفكرك يا صافى

موضوع: رد: حكاوي زمان الجمعة يناير 16, 2009 9:25 pm

HARRY POTTER كتب:: تصدقى عندك حق قوى
وكلامك صح طبعا
وفعلا الواحد كل ما يتذكر جده او جدته بعد ما ماتوا بيتمنى انهم يرجعوا تانى ويشوفهم ولعب معاهم زى زمان
بس خلاص
ازفت الازفه
بس كويس ان احنا بنفتكرهم
لان ايامهم كانت حلوه فعلا

طبعا ايامهم وذكرياتهم جميله.. تشعر انها قيّمه وتحمل كنوز ملئة بالجواهر الدنيويه..
شكرا ليك ولوجودك بوتر.. بس مش ناوى تحكيلنا حبّه من نوادر الجده العزيزه... مشتاقين نسمع لحكاوى ايام زمان الجميلة..

موضوع: رد: حكاوي زمان الجمعة يناير 16, 2009 9:29 pm

3ashka elwhm كتب:: فعلا ياصافى همه كانو الخير والبركة
موضوعك خلانى أتذكر جدى وستى الله يرحمهم
كانو بركة فى البيت
الطيبة بتشع من قلوبهم
والغريبة بقى انهم كانو أيام تربيتهم لأولادهم قاسين أوى
لكن تعالى اتفرجى بقى معانا كانو حاجة تانية خالص
ماهو المثل بيقولك أعز من الولد ولد الولد
فعلا اللى قالها صادق
يعنى كانو ميحبوش اهالينا يضربونا
هههههه واحنا كنا نتحامى فيهم لما نيجى ننضرب
أيامهم كانت أحلى أيام كلها خير وبركة
الله يرحمهم
بس بجد بتمنى يرجعوا تانى وياخدونا فى حضنهم الدافى
ويقعدوا يحكوا لنا ذكرياتهم
والبيضة اللى كانت بستة مليم
وال5ج كانت بتكفى تعمل عزومة أزاى معرفش
حتى أكلهم كان له طعم
يالله
ألا ليت الأصول تعود
موضوعاتك بصراحة جميلة وجديدة وبتعجبنى وبنتظرها
يسلم ايدك وفكرك يا صافى

اشكرك لمدحك ابرار ياعاشقة الوهم الجميل..
يسعدني ان يعجبك موضوعاتى.. ذلك شرف يوضع على رأسي..
بس ايه رايك تحكيلنا موقف تسعدينا معاكِ فيه لما كنتِ بتستخبي ورا الجده او الجد مخافه من الوالدين وحصل ايه معاهم؟؟
اشكر وجودك الجميل..

» مقدرش احبك زي زمان