حاضر هارغي

ارغي ياعم الأمور

حاضر ياسيدى هارغى بس ماتزقش...

بحاول ارفع من معنوياتى واقول الدنيا ربيع والجو بديع ودلوقتى الفجر أذن ولازم اقوم اصلى .. الساعه دلوكيت 4ونص الفجر

بس معرفش ليه برده حاسه ان انا مخنوقه

بيقولوا ان شهر الربيع بيحصل خمول وانا عندى كسل ونوم فظيييييييييييييع

يعنى تقريبا انا نايمه طول اليوم ودلوقتى سهرانه صوح وعماله اقول لنفسوياتى قومى يابنتى روحى نامى عندك مسؤوليات الساعه 8 الصبحيه

مسئوليات ايه؟؟ مااخرها هاقوم عشان النت برده

اهى ماما عماله تزعق فيه ومش عارفه بتزعق ليه بس والله لها حق

ايه الرغى ده كله

مش انتم اللى عاوزنى ارغى... واصدعكم .. يالا اسمعوا بقه واشجيكم

انهارده يوم السبت وكان امبارح الجمعه ورغم انى لابشتغل ولا الايام بتفرق عندى للدرجه بس بحس بزهق اليومين دول وكأنهم اجازة

الاقامه اذنت........... عاوزة اقوم اصلى

اهو هاجوم والله

معلش بحب لهجة الصعايده اوى وخصوصا لما بكون في الحاله اللى انا فيها دى

الخمول والكسل واخد مجراه معايا اليومين دول

يعنى هو صحيح شهر الربيع بيعمل كده؟؟
انا فعلا بلاحظ الموضوع ده كل شهر ربيع

وكمان خلى موضوع الروائح اللى فيه ده على جنب

عندى حساسيه ضد حبوب اللقاح وكنت افتكر لما كنت بنزل بدري المدرسه او الدروس او الكليه واتعب واقعد اعطس بالنص ساعه متواصل

يالله كانت ايام

ولا الحقن اووووووووووف منهم لله وتحت الجلد واضرب
وكل الناس تستمع بالروائح الجميله والورود المفتحه وانا اكون تعبانه لا بشوف ولا عارفه اتنفس من كتر الحساسيه واكرهه
واقعد اصبر نفسي واقول معلش مانا ارق من الورد عشان انا عندى حساسيه من ارق حاجه في الدنيا وهى الورد
هههههههههههههههههههههههه

واحيانا افكر فيها واقول سبحان الله كل شئ حلو وله ضريبه

يعنى شهر الربيع ده اجمل الشهور (بس من بعيد لبعيد) لكن رغم كده ممكن يكون فى ناس عندهم حساسيه منه زى حالاتى او يضرب فيه رياح الخماسين والتراب واللون الاصفر والتعب

حاجه صعبه
مفيش حاجه كامله فى الدنيا دى

انا هاقوم اصلى بس مش عاوزة انام.. يمكن ارجع ويمكن اكلمكم في حته تانيه

تصبحوا على الليل