الخواطر مول - Khawater Mall

الف مليون مبرووك على المول يا استاذ مصطفى
الفكرة جميلة بجد
و عامة انا اول واحدة هتدخل
و نفسي اشتري كل حاجة
كفاية انه مول المنتدى
و كل اللي موجود عندكم في منتهى الجمال
لكن اكتر حاجات عجبتني
الامل و السعادة و الصدق
اللي ماليين المنتدى
انا دلوقتي هاتفرج وراجعة تاني
ومتنساش الخصومات

فكرة رائعة وان شاء الله يكون لنا زيارات كثيرة للمول طالما ستكون انت المدير له دعني ابدأ الشراء واطلب منك وبما ان الصبر مر كما يقولون هل عندكم صبر ما يكون مر مو لازم يكون حلو بس مو مر مثل الصبر اللى طال اتمنى للمول التقدم ولكم كل الخير والحياة الجميلة

شمس البادية كتب:

الف مليون مبرووك على المول يا استاذ مصطفى
الفكرة جميلة بجد
و عامة انا اول واحدة هتدخل
و نفسي اشتري كل حاجة
كفاية انه مول المنتدى
و كل اللي موجود عندكم في منتهى الجمال
لكن اكتر حاجات عجبتني
الامل و السعادة و الصدق
اللي ماليين المنتدى
انا دلوقتي هاتفرج وراجعة تاني
ومتنساش الخصومات

الحمد لله الأمل والسعادة والصدق موجودين ومتوفرين
ومش في المول بس دول موجودين في كل نفوس الاعضاء
وانتي منهم طبعا لكن لو عاوزه وبخصم يص الى 95%
قولي عاوزه من كل نوع قد ايه واحنا جاهزين وفيه قسم
دليفري كمان
تؤمري ياشمس
خصوصا انك اول زبونة

وردة كتب:

فكرة رائعة وان شاء الله يكون لنا زيارات كثيرة للمول طالما ستكون انت المدير له دعني ابدأ الشراء واطلب منك وبما ان الصبر مر كما يقولون هل عندكم صبر ما يكون مر مو لازم يكون حلو بس مو مر مثل الصبر اللى طال اتمنى للمول التقدم ولكم كل الخير والحياة الجميلة

فيه ناس تقول الصبر مر
وناس تقول الصبر جميل
وناس تقول الصبر مفتاح الفرج
الصبر اللى عندنا في المول مش اي صبر
ده مستورد من المانيا يعني مفيش غش
وحطينا عليه شويه سكر ومش حيكون مر
باذن الله بس اصبري مفيش يأس مع الحياة
ولو عاوزه شويه صبر موجود بس لو عاوزه
صبر كتير .. استني نشوف حد من اخوانك
الاعضاء يبيع لنا شويه من صبره

جميلة كتب:

الحياة عبارة عن تجارة في كل امورها حتى علاقاتنا مع الله فهى تجارة ايضا واتمنى ان نكون من الكسبانين فيه
مبـــــــــــــــروك لخواطر مبعثرة المول

وانا اثق تماما ان كل عضو وعضوه من اعضاؤنا لديهم مايبيعونه ومايشتروه لبعضنا البعض

يكفي اذواقهم الرفيعه ... واحترامهم... وصفاء سريرتهم..

وانا كمان عندى الكتير حتى ابيعه وعندى احتياجات كتير أحب ان اشتريها من مول المنتدى

أحتاج الكتير من الوقت عشان اكرسه للمنتدى واحتاج الكلمات حتى افي جماله وجمال كتاباته.. فهل لديكم الكلمات والوقت ام ثمنه غالى؟؟؟

هانتظر معك وجود الاخرين مديرنا العزيز حتى اري ماهى بضاعتهم وما يريدون منى ومن بعضهم كذلك وبالتأكيد لى عوده حتى ارى مايعرضه لنا مول خواطر مبعثرة


تحياتى وبكل التوفيق

هو فيه اجمل من كلامك جميلة ومع ذلك فيه كلام جميل
وكثير من اعضائنا ان لم يكن كلهم كلامهم جميل
ومش حذكر حد بالاسم بس اعتقد ان فيه ناس كتير
عندهم كلام جميل وجميل جدا حتلاقيه ده اضافة
لكلامك اللى قلنا عليه وكمان لو عاوزه ه متوفر
وبسعر التكلفة

طبعا البال وروقانه حيتباعوا بالمتر ياباهي
مش بيقولك فلان ده باله طويل يعني بيتقاس بالطول
يبقى طبيعي يكون بالمتر انت بأ÷ عاوز كام متر
ولا محتاج تحط عندك استبن بدل فاقد اقولك فيه
عندنا علبة فيها شريطين روقان بال كل واحد
منهم متير ينفعك المترين دول تمشي نفسك بيهم
لحد ما حد من الاعضاء يورد لنا شويه روقان بال
انت عارف انه شاحح في السوق اليومين دول والناس
ماشية وشها مكفهر ومكشرة تقولش واكلة كشري
اناعارف روقان البال حتى مش عند العطار لكن عندنا
منه العلبة دي مشي نفسك بيهم لغاية ما تفرج
وفيه ورق ملون بمبي وزهري وسماوي والوان
فاتحه كلها للى بالي بالك عشان كل واحد محتاج
يفتح صفحة جديدة يقول واحنا نقوله حيكون لونها ايه
ويقول لنا برضه عاوز يفتح صفحات جديدة مع مين
ومع كام واحد العر عندنا اعتبارا من ورقة واحده
بيضا ناصعة لغاية كرتونة ورق الوان ومشكل كمان
تأمروا ..

الف مبروك يااستاذ مصطفي علي المول
بس اسمحلي انا شايف ان البضاعه مش معروضه كويس وكمان في رفوف فضيه كتير وقسم الاخلاق محتاج توضيب
وفي انواع كتير فيها نقص زي الرحمه والضمير
مش عارف ليه ديما بيشحوا من اي مول
ممكن لانهم غلين او لان الموجود في الاصواق صنع في الصين ومش اصلي
ياريت ياعمنا توفرلنا ولو علبه او شويه في كيس
وكمان تعمل حسابك علي علبه تست للزباين

باهي كتب:

الله أكبر ياحاج
دا أنا ضحكت قبل ما أخد حبه من الشريط
نرجع نسأل تاني هو حبوب ولا سفوف ولا فوار إلي عندك
عموما قالنا من باب العلم بس
لكن احجزلنا كل إلي عندك نمشي روحنا بيهم
لأنك فكرتنا بالوشوش المكشرة الي واكله كشري
ربنا يعفينا ويعفيك
وشؤال تاني ياحاج فيه خدمة توصيل للمنازل
شكرأ وأن شاءالله أغدا اللقاك ؟؟

طبعا الدليفري موجود ياباهي
بس قول لنا فين العنوان والولاد
يوصلوا الطلبات في اسرع دليفري في مصر
اماالروقان اللى عندنا في المنتدى بيكون على
هيئة فوار عشان ينعنش الواحد ويطلع من
مناخيره
ولا ايه ياحاج

sixm2005 كتب:

الف مبروك يااستاذ مصطفي علي المول
بس اسمحلي انا شايف ان البضاعه مش معروضه كويس وكمان في رفوف فضيه كتير وقسم الاخلاق محتاج توضيب
وفي انواع كتير فيها نقص زي الرحمه والضمير
مش عارف ليه ديما بيشحوا من اي مول
ممكن لانهم غلين او لان الموجود في الاصواق صنع في الصين ومش اصلي
ياريت ياعمنا توفرلنا ولو علبه او شويه في كيس
وكمان تعمل حسابك علي علبه تست للزباين

والله انا منتظر معاك بنات وستات المنتدى لأنا زي ما انت عارف وراسي
لسه فاتحين وبنكمل الديكور تيجي اماسي توضب لنا الديكورات وبقية البنات
وترص البضاعة بشكل كويس انت عارف هما ذوقهم احسن مننا وحكاية الرحمة
شوف رغم انها مش موجوده عند التجار الكبار خصوصا الجزارين بس حنشوف
حد يجيبها من امريكا ولا اقولك امريكا معندهاش رحمة نشوف بلد كويسه فيها شويه
ونهربهم من الجمارك عشان برضه بتوع الجمارك معندهمش اي رحمة لكن بالنسبة
للضمير فده ما اضمنهوش ولا اضمن الاقيه دلوقتي ياع هو بأه فيه ضمير لكن حنشوف
حد من الاعضاء عنده شويه يبيعهم لنا مع ان الضمير يا اخي العزيز ما يتباع بس على
الأقل يتبرع بيه اهو نحط تستر منه الناس تشمه على الرفوف ، وربك يستر ويجعله عامر

أنا مش عارفه أقول حاجة
لكن ممكن أقول مبروك المحل الجديد

الله يبارك فيكي فتافيت السكر
وان شاء الله المر الجاية تنفعينا
ولو عندك حاجه عاوزه تخلصي منها أو زايده عندك نشتريها منك
اهو اي حد من المنتدى ينتفع بيها ، ومنتظرين زيارتك مرة تانيه

ماشاء الله عليك ياباهي
يعني خلاص حنوزع من الصبر اللى عندك على الاعضاء فيه ناس طالبة الصبر كتير
الصبر على المشاكل والصبر على زحمة المرور والصبر على المواصلات والصبر
على الاسعار اللى كل شوي تولع والصبر على الحكومة لما نشوف اخرتها معاها ايه
والصبر على اللى بالي بالك .. ياترى حيكفي الصبر اللى عندك يارب يكفي

أدوني شوية صبر أخليهم أحتياطي
دا أ نا ساعات الحر بيخنوقني ويلزمني الصبر
وكل إلي قلتهم دول لباهي أحتاج الصبر عليهم
الحاجة المضمونة في الصبر خلولي منها
وأن الفلوس بتاعتي ماكفتتش أصبروا أنتم بأه شوية
مصطفي
حبيت أغير الأسم وأسمي نفسي فتافيت السكر
زي أنت ما سميتني لم أعرف
رغم أني قرات الأسئلة والأجوبة وعذرا لم أعرف
وكذلك أردت أنزال توقيع من جهازي لم أعرف
هل يمكن مساعدتي ؟؟؟
وتصبر عليا لإن لو ما عرفت هااسال تاني
ولذلك نصيحتي خلي عندك شوية صبر أحتياطي
هههه

اكيد فتافيت السكر فيه صبر
يعني حنبيعه للناس من غير ما ندوقه
وخصوصا على اعضائنا اللى زيك
لازم يكون عندنا صبر عشان هما يستاهلوا مننا نصبر عليهم
بالنسبة لتغيير الاسم مفيش مشكلة لكن هو كانم مغلق من الادارة
وان شاء الله افتحه وتغيري الاسم براحتك وزي ما انتي عاوزاه
ولو ما قدرتي اغيره من عندي لكن افضل اني اتركه ليكي تختاريه
وحتى لو ما قدتري لسه حيكون عندي صبر كتير باذن الله اغيره
اما بالنسبة لأضافة التوقيع من جهازك يمكن ذلك من انك تروحي
على كلمة مكتبي فوق وتروحي على باب التوقيع وحتلاقي هناك
اولا انك تختاري وضع توقيعك على مساهماتك وثانيا انك تختاري
تنزلي اي صورة او توقيع من جهازك بطريقة تحميل اي صورة
وباذن الله تضبط وما تقلقي عندنا صبر اكتر من كده بكتير
بس انتي تؤمري ولا يهمك وبالنسب للفلوس مش اشكال احنا
يعني مش ماديين اوي كده وبعدين انتي عضوة متميزة ولازم
يكون فيه تخفيضات كبيرة وهدايا كمان
اشكرك على مساهماتك وزيارتك للمول اللى نتمنى تتكرر

كنت نفسي اوى اوى فى حبة راحه

بس يظهر ان عمرى ماهلاقيها عند حد

او يظهر غليت
او يمكن الرحمه خلصت

ياخــــــــســـــــارة

سامحني استاذي لتأخري عن المباركة عن افتتاح مول خواطر وحقيقي فكرة تستحق التنهنئة والدعم والتشجيع\
والف مليون مبروك
وانا ممكن اجل شرا لحد ما اتفرج عليه من الداخل ااول واقارن اسعارنا بأسعار الناس اللي برة
ههههههههههه

شكرا ياجميلة
علي أهتمامك ببأسألتي وإن شاء الله يكون شرحك واضح كما تمنيتي
وسأطبق بإذن الله
وإلي ما أعرفوش هاأسأل عنه
وشكرا للأستاذ مصطفي للأهتمام
برسالتي

لأ ولسه فتافيت السكر
الصبر بتاعك موجود وما يغلاش عليكي
احنا عندنا كام فتافيت السكر
تأمري ولو احتجتي اي حاجه
ما تترديش انتي من الزباين المهمين
والدفع يوم الحساب بأه
حين ميسرة