الخواطر مول - Khawater Mall

الليالي الدافئة
اتفرجي براحتك
وقارني الاسعار
حتلاقينا ارخص الاسعار
وكمان اجود الاصناف
يعني ولا كارفور ينافسنا

الاخوان بتوع قسم اسماك الزينة والنباتات اشتكوا لي من واحده عضوة
جايه تشتري سمك للزينة ونباتات داخليه للبيت وقالوا لي تعالى الحق دي
مفرجه الناس علينا ، رحت لقيت الست قاعده على الأرض ومعتصمة
وحالفة تلاتين يمين ما تمشي الا لما تشوف مين المسئول عن المول ده
قلت لها ياستي أأمري اي خدمة اي طلبات تحت امرك قالت شوف الراجل
الغتت ده عايز يبيع لى السمك بكام قلت له انت قلت لها السمك بكام قالي انا
قلت لها الجودلن فيش الواحده الكبيرة بعشرة جندي والصغيرة بخمسة جندي
قالت لي شوف يا استاذ تصدق سمكه بعشرة جندي مش استغلال ده والنبي
ده انا بشتري البلطي صابح وبيلعب الكيلو ب12 جندي لأ وايه .. متنظف كمان
مش انتم بتستغلوا الزباين ، قلت لها ياستي ده سمك للزينة وبعدين ده صاحي
وبيلعب اهو وده غير البلطي طبعا قالت لي خلاص مادام ده غالي انا عاوزه
نص كيلو بلطي برضه صاحي وبيلعب ... اقولها ايه دي والنبي .. قلت لها
طيب شوفي حاخليه يعمل لك تخفيض ومادام انتي اول زبونة للقسم نعمل
لك 50 % خصم يالا يا استاذ خفض لها السمك ونزله للنص قالت لي
والله انت زوق يا استاذ وهاتلي 4 سمكات منهم بأه رحت بنفسي واخترت
لها اكبر اربع سماك وقلت لها كويسين دول قالت اه قلت لها اكبر اربع
سمكات في الحوض اهو قالت اه شفتك وانت بتختارهم قلت لها اي خدمة
احطهم لك في بوله ولا حوض صغير وحاديكي الحوض هديه من المول
قالت لي لآ والنبي انا اصلي بتعب ياسي الاستاذ في عمايلهم ياريت تنضفهم
وتخلي بطنهم ولو فيها رزاله وسقالة دم كمان تغسلهم عشان الحق اروح
لجوزي اقليهم قبل ما يجي من الشغل ..

والنبي عندها حق الست ولله مش كفاية موجة الحر اللي نزلة علينا زي القضي المسجعل
وبعدين دا احنا بنقول نأكل ولادنا فراخ وسمك بعد مقاطعة اللحمة لينا ومقاطعة ليها
تيجي الست تغير من ملامح بيتها عشان تحس بتغير الأ بعد الكبت ده
انفجااار كبير ولله يا سادة
المهم انا بشكر الاستاذ الكبير صاحب المول الرائع ده
اللي مقدر موجة الغلاء اللي احنا فيها لأ ولسه يا ما هنشوف
من لا يمت بالغلاء ..مات من كتر الأستغناء
والواجب الجامد ده مش جديد عليك يا كبير المكان
ويجعله عامر

أنا بصراحة مكسوف منك أوي يامصطفي بيه
أنا كنت بعتلك شوية صبر علي إنهم زيادة عندي
لأني كنت باستعمل جرعات صغيرة
لغاية ما قرأت قي الأهرام امس
أن الحزب الوطني سيلجا بدون خجل للمواجهة
مع المحظورة والمعارضين
( يقصدوا الالمستقلين والاخوان وكل من لا ينتمي للحزب الوطني )
ويقولون المواجهة ليست أمنية
فهمت أنهم لو صدقوا في أنها ليست أمنية
تكون شرشحتهم وأخراج القط الفاطس في جد أبوهم
ده إن كان فطس
فأحتجت ألي جرعات أخري من الصبر
عندك يااعم

شوفوا انا ناويه أشترى اطقم كتير ولبس متنوع وروحت لفيت على المحلات قبل فتح المول لقيت مالقيت وخلاص جيبت اخرى من اللف والخروج وتعبت ..

كله عبارة عن ملابس اطفال

انا بقول ان الناس نسيت ملابس الكبار ولا ايه؟؟

كلهم منزل\ين ملابس اطفال وأخر سن نقريبا 5 سنين

عاوزين نبعت للحكومه ونقولها نزلتوا ضرايب على ملابس السيدات الشابات ولا ايه

ماهو يااما ملابس اطفال يااما عبايات للستات الكبار..

طب والشابات حلهم ايه وقعوا في النص واتنسوا ولا ايه

وبعدين الالوان مشكله ... كترت اوى لحد ماكل الالوان دخلت في بعضها ولا عارف الواحد يشترى ولا يعجبه لون معين

الاقي البضاعه عندكم زى بره وابطل اشترى واخلينى في البيت بلا لبس خروج بلا هم ولا الاقي عندكم لبس اطفال وبس؟؟؟؟؟؟؟؟ ولا ايه؟؟

انا معايا فلوس يعنى اللى ناوى يدينى بضاعه تبقي احسن حاجه لأحسن الحال بره المول مشكله كبيرة اوى

معرفش كل البنات دى بتلبس منين..

رغم ان البنات كتروا وزادوا عن الولاد بس مش لاقيين لبس لييهم

يااما نسيوهم

الحكومه نسيت البنات يظهر

اهو يمكن عندها امل تخفف منهم شويه ولا حاجه وتبطل تجيبلهم حاجه عشان مايزحموش البلد


طب خلينا في المول.. ومبروك عليكم المول ومبروك علينا البضاعه

بعيد عن الصينى بس.......

ياعم يابتاع الصبر
الناس خلصوه والله بس اشوفك شويه صبر من عندي
دول خاصين بيه ومش خسارة فيك
كنت شايلهم اصبر على اللى بيحصل معايا
لكن الظاهر مفيش فايده في الصبر خلي
اللى يحصل يحصل بأه كلها محصلة بعضها
خده يمكن ينفعك صبر اصيل والله مش من الصين

صافي
اكيد حنشوف مسألة ملابس الكبار
مع اني موصي عليها والله وعلى آخر موضه
بس يمكن ما طلعتي الدور الثاني عشان الأول ده
خاص بالاطفال اركبي الاسانسير او السلم
المتحرك وتوصلي باذن الله وحتلاقي اللى يعجبك
المول منور والله

على فكرة
فيه قسم جديد
وفيه حاجات جميلة اوي
للرجال
طواقي مزركشة وجلاليب بيضا ماشاء الله وسبح ومساوك وعبابات مذهبة وكمان بشوت ودي عشان العمد بس
وفيه في قسم الحريم اسدال واثواب صلاة وسجاجيد ملونة بالوان زاهية وسبح كهرمان وعقيق وكل اللى تطلبوه
بس تذكره للناس اللى ما بتصليش عشان طول ماهي قدامهم حيصلوا باذن الله ويسبحو ولو انها مش محتاجه كل
ده هي من القلب
وكمان فيه قسم للتمور وما ادارك ما التمور باللوز والجوز والفستق ودلوقتي كمان بالشيكولاته البيضا والبني
ومعمول بالتمر ومعمول بالمكسرات ومعمول له عمل وحاجات كده اللى عاوز يقرب يتفرج الأول ويشتري
يعني ياخد فكره ويشتري بكره يالا يازباين عشان نطلع مصروف الرحلة منكم

اولا حمدالله علي السلامه وعمره مقبوله ان شاء الله
بس كده ماينفعش ياحج مصطفي تبيع حجات العمره علينا ده انا كنت منتظر الهديه
ده كلام ترجع من العمره تبيع الهدايه
انا محضر نفسي ومنتظر
علي العموم عمره مقبوله وكفايه دعواتك ويجعله عامر

ياعم ليه الفضايح دي
بصراحه الحاجات دي مش بتاعتي دي بتاعة واحد كان معايا وطبعا انا بحاول اساعده عشان يلم مصاريف العمرة وانت الادرى بأه الراجل جايب معاه ويه حاجات وعامل تخفيضات كويسه وقلت امشي له البضاعة بتاعتته في المول
اما بالنسبة للهدايا انت تؤمر هي محتاجه كلام يعني
وبعدين برضه حنعمل هدايا لأول عشر مشترون وحنعمل عرض كويس على الحاجات بتاعة العمرة وربك يسهل ونلم له قرشين

استاذي العزيز كيف حالك ازورك في المول اطمن عليك لكن لى سؤال رغم انك تحب القراءة وماشاء الله ليش ما تفتح قسم المكتبة واجي انا اقف ابيع فيه متطوعة وما ابى راتب والله
بس تعلمني اشلون ارتب الكتب والاشرطة واشلون الاسعار يعني اذبح ولا اتساهل وبالمرة اقعد اقرا معاك
اتمنى تفتح قسم جديد للمكتبة وان كان موجود تدلنا على عنوانه والله مول جميل وغلب الافنيوز

عمرة مقبولة وذنب مغفور يا استاذنا
بس انا بألي ساعة بلف في المول ولاحظت انه ما فيهوش اي ترفيه ولاه العاب للاطفال
يعني اسيب عيالي فين انا بأه؟؟دلوقتي
انا بقترح انك تحط للاطفال لعب وتكون بتشتغل بالكوينات يعني بالفلوس الفضة اللي ملية جيب الشعب المصري كله
ههههههههههههههههههههه
وكمان تعملنا عربية فشار وذرة وانا مستعدة اوفرلك العمالة من عندي وبأرخص التكاليف كمان

وردة كتب:

استاذي العزيز كيف حالك ازورك في المول اطمن عليك لكن لى سؤال رغم انك تحب القراءة وماشاء الله ليش ما تفتح قسم المكتبة واجي انا اقف ابيع فيه متطوعة وما ابى راتب والله
بس تعلمني اشلون ارتب الكتب والاشرطة واشلون الاسعار يعني اذبح ولا اتساهل وبالمرة اقعد اقرا معاك
اتمنى تفتح قسم جديد للمكتبة وان كان موجود تدلنا على عنوانه والله مول جميل وغلب الافنيوز

لاياوردة حندبح اعضائنا هما غرب يعني وبعدين قسم المكتبه مفتوح وبجيب كتب واشعار بس انتي مادام متطوعة خلاص ابقى انتي اللى تبيعي الكتب واديكي عندك خبرة كبيرة في الكتب وماشاء الله مثقفة كتير
واللى محدش يعرفه كمان انك مسئولة مكتبة كبيرة وان شاء الله اقولك ازاي تحفظي الكتب وترتبيها ولو حد من اعضائنا مزنوق وما معهوش ثمن الكتاب ابقى خليه يقراه ببلاش وكل شئ بثوابه

الليالي الدافئه كتب:

عمرة مقبولة وذنب مغفور يا استاذنا
بس انا بألي ساعة بلف في المول ولاحظت انه ما فيهوش اي ترفيه ولاه العاب للاطفال
يعني اسيب عيالي فين انا بأه؟؟دلوقتي
انا بقترح انك تحط للاطفال لعب وتكون بتشتغل بالكوينات يعني بالفلوس الفضة اللي ملية جيب الشعب المصري كله
ههههههههههههههههههههه
وكمان تعملنا عربية فشار وذرة وانا مستعدة اوفرلك العمالة من عندي وبأرخص التكاليف كمان

تسيبي عيالك في عيونا وحنعمل لهم قرية طفل ترويحيه كاملة ولو لزم الأمر مدينة ترفيهية بس والنبي خليكي معاهم اوعي تسيبيهم عشان انتي عارفه عيال الناس مش لعبه وبالنسبة للكوين تعالي انتي بس ولا يهمك خليها على حسابنا هو عندنا اغلى منك ولا من عيالك ماحنا حنفتحها سبيل قريب ونقعد انا والمشرفين نشحت على باب المول ونقول رواتبنا والنبي ومن قدم شئ بيداه التقاه
ولا اقولك تعالي نعمل عربيتين فيشار ودرة وكمان لو عاوزه عربية فول بالمرة بأه ومادام حتوفر العمالة مش حنشيل هم
اما بالنسبة للهوت دوج انا اتفقت مع اللى بالي بالك حيقف عليها يبيع سندوتش وياكل التاني وهكذا
مش بقولك حنشحت

اصطبحنا واصطبح الملك لله

استعنا ع الشقا بالله

صباح الفل عليكم انهارده انا عندى حاجات كتير اوى للبيع وللمول وعشان خاطر العيون والقلوب اللـ زى العسل

استلموا البضاعه ومن تحت ايد الضرايب اصلهم مابيحبوش الحاجات دى

عندى ليكم ضحك وفرفشه وتفاؤل وتأمل

وعندى كمان اقبال على الحياه

حد هايقولى بس ايه المقابل اذا كان مفيش حاجه تفرح ولا تسر القلب العليل

::
ياسيدى وستى كفايه وجودك فى الدنيا ضحّك انت نفسك وابسطها ليه تنكد على ذاتك النفسويه طب والله ماحد يستاهل تنكد على نفسك عشانه

ياعم خلينا انهاده شعارنا:
طنش تعش تعيش تنتعش

وانا الصراحه كده وبكل صراحتااان انا عاوزة انتعش والحر جه ولازم نضحك ونفرفش

لاأ نضحك ايه اسمها نكركع ونلعلع

حد هاياخد حبة لعلعه معايا

والمكلضم المكرمش الكشوووووره مايكونش تبعنا خالص مالص انهارده ابدااااااا

تعالوا اضحككم وافرحكم حبيتن يالا عشان اتبسط من فرحتكم

أبدأ بالفيديو اللى زى العسل ده وادعوووووووووولى



والتانى القمر ده وادعولى بررررررده ياخرابي على الجمال والسكر ياناس



قمرات ياناس أحلى حاجه تنسينا الدنيا بهمومها كلتها.....


يالا نكمل سيمفونية الضحك ماهو لسه ماخلصش يانااااااس

انا عن ذاتي لسه مانمتش لحد دلوكيت ومدام لسه صاحيه يبقي مفوقه على الاخر

بصوا على الصورة دى كده:
دول روميو وجولييت القروووود



أحلى قصة حب في الدنيا


إدّيييييييي



دى رقصة العشق الحالمه
(ارجو ان تلاحظوا معايا الورده التى بين فكّي البوووووبي))
الله على الرقه والجنتله



ساعدوني ياناااااااااس عاوزة اوصل الورده للحبيب القصير الضايع المحير
ده أحلى أعلان للرومانسيه العظيمه بالآوووووى



ياخووووااااتى ع الكسوف والله مزّه ياولاد



اخويا لو شافها هايبطل يدوخ على عرايس تانى وهايقول هى دى اللى في الجلب والعجل والكلاوى ياجدعان

ياحلااااااااااااوة




معلش بقه كل واحد ومزاجه وكيفه



حد ليه عندهم حاجه؟؟؟؟؟؟؟؟؟؟؟؟




ده بقي نوع من الاستجمام عشان اللى عاوز يستجم ويرتاح مع القطه المشمشيه مايترددش لما يشوفها متمزجه كده


ههههههههههههههههه




النووووووونه دى بتفطسنى م الضحك



ياواااااااااااااد يااجووووووووون اقصد ياكوووووووووووووول مش بيقلوها كده بردو؟


اما نصيحه اخيرة من الاخ مهمه جودا جودا

ونصيحه منى انا بقى




جيالكم تانى اوعوا تزهقوا مني

ايه جو الرومانسية اللى عاملاه في المنتدى ده

شوفي حنفتح المول تاني من جديد عشان الناس اللى خلصت امتحانات
واكيد عاوزين اغراض السفر والمرح والصيف وحنجيب شماسي وكراسي بحر
وكل الالعاب يالا مين عنده وعاوز يستنفع بكام قرش من الناس المصيفة ؟؟

انا معايا الشمسيه والطواقي والعصاير واللبس والشندوشتات وكل اللى انتوا عاوزينه بس الله يخليكم حد يبيعلى حبة بحر ورمل وشمس

حد يودينى مصيف وحيااااااااااتى

محدش ناوى يصيف السنه دى ولا ايه؟؟؟؟؟؟؟؟