حبوب الصراحه

امته حسيت ان عدى عليك وقت واخد فيه
حبوب الصراحه

انا الصراحه وبكل صراحه في حالتى دى
حاليا واخده اقصى عدد ممكن الواحد يوصل له في جرعات الصراحه القصوى وبأقوى مفعول


يعنى ممكن تقولوا 1000


او 3000

اضربوا اى رقم



وقت التوهان واللف في دايرة مقفوله
حوالين مركزها ومش لاقين مركزها برضو وزغلله في قاع المخ الاوسط ..


(هو فيه مخ اوسط؟؟!!)



طب عديها..



المهم .. وصفر تركيز والحاله جيم ميم
عين كاف الف.. يبقي دى ايه؟؟؟؟؟؟؟؟



دلوقتى احذرووووووونى!.......



ليه؟؟


يعنى انا حاليا مصيبه وخطر على كل
اللـ موجودين..



لان لو حد واقف في وشي دلوقتى ممكن
اقوله حقيقته وبكل صراحه .. ولا عزاء للوقاحه حاليا



لا ياصافي ان شاء الله ماتوصلش
للوقاحه


بس هى يظهر جرعة الحبوب الصريحه زادت
عن حدها شويها ومجننه المخيخ الايسر والابطن



ودلوقتى لو حد ادامى هايقبل صراحتى
فيه ولا اروح اعوض راسي ساعتين نوم؟؟؟؟؟


ماهو طبيعى واحده مطبقه تقريبا اربع
خمس ايام ونص النص مانامت ولا داقت طعم الراحه عاوزينها ماتكون صريحه


ده انا هاكشف المستور كله..


انا بقول احسن مااكشف المستور ارغى
وارغى احسن ماقع بلسانى واعترف بكل شئ يابيه


الصراحه انا دخلت المنتدى ياسيادة
الريس مبارك... (حد جاب سيرته دلوقتى)


ايوة ماهو الاعتراف ماينفعش الا
بأسمه عشان الواحد يقر ويعترف في السريع..


المهم دخلت المنتدى وقريت مواضيع
مهمه على الاخر والمشكله ان وقفت على جمله فى الوسط هنا وهنا واعيد وازيد فيها
والاقي الدايرة اياها...


انتم نسيتوها..



أى..



طيب هاقول اهو حاضر ياباشا..



الدايره المقصوده هى الدايرة
المقفوله وبلف حوالين مركزها وهى مالهاش لا مركز ولا قاع ولا قرار من اساسه



المهم اقرا الجمله يهديكى يرضيكى
ياجمله .. برضو مش راضيه تقع فى وسيط المخيخ وتتفهم



طب كده ياست الجمله هانم الموضوع
هايضيع عشان سيادتك


ارجع تانى اعيد وازيد والمحصله سالب
صفر مع مرتبة الشرف...


طب اعمل ايه يافندم يرضيك ياحسنى
بيه.......



احنا ايه اللى خلانا نجيب السيرة دى
بس ..



ماحنا ماشيين عدل واخرنا سجن المنتدى



هو بالحق فيه سجن للمنتدى ولا معتقل..


ولا الحكومه هاتضربنا في الشوارع



يووووووووووووووووووه ياحبوب الصراحه
ماتخليكى منمقه شويتين وخلينا في سجن المنتدى ارحم



انتى اخرك ايه يعنى؟؟ جمله ضاعت من
موضوع..




طب الموضوع عموما بيتكلم عن ايه؟؟؟
والله ماعرف


طب اى موضوع تقصديه هاتودينا في
داهيه مع حبايبك في المنتدى


والنبي كللللللل المواضيع




طب اهدى بقي وروحى في اى ركن نامي
ساعه او اتنين وفوقي لاحسن دى مابقتش حبوب الصراحه دى بقت حبوب هلوسه



أخبار البلد ايه.. عجبانى السياسه فى
التوقيت ده بالضبط..



آيوة سياسة المنتدى انتم فكرتم في
ايه.. انتم مستغنيين عنى...



خلينا في المنتدى وصحابه وحبايبه ..
وقعّت على موضوعين تلاته في المنتدى وانا بالحاله الحلوة الامورة دى وياعالم كتبت
ايه والمصيبه بقى لما تظهر الحقيقه الرائعه للأنا



ياترى وقعت منى فين؟؟؟


هنا ولا هنا..



والنبي حد يدور معايا.............



على العموم لما اصحى محدش يقولى انا
عملت ولا قولت ايه عشان الاحراج بس


ولو لقيتوا الانا.. خبوها.. ولو حد
عاوزنى اديله حبيتين صراحه قبل ماانام يقولى عشان ابعتله على فاكس المنتدى وياريت
يقولى هايستعملها امته؟؟



اسلم عليكم ياحلوين

اوعى من قدام صافي الساعة دي
محدش يكلمها احسن تفتن علينا كلنا
وتودينا سايجون بالاس طبعا كلنا
عارفين سايجون بالاس سبع نجوم
كويس ان لسه محدش ضربها
اذا كان لوحدهاحتوقل كل حاجه
مابالك لو البنت دي اخدت لها قلمين
حتقول على كل حاجه
عموما اللى عنده بضاعه يرميها أو يشربها
واللى معاه لب اسمر أو سوبر يحافظ عليه
لأن التسالي حتغلى اليومين اللى جايين
اقولك بصراحه
مش بتقولي حبوب الصراحة
والله ما فاهم حاجه
بس بصراحه
حلوة الصراحة
بس انا ماعرفكيش لو اتمسكتي

والله انا خايف ان تكون حبوب الصراحه اشترتيها من مول المنتدي
انا عارف البضاعه الي فيه ممكن تكون مغشوشه ومضروبه
او تكوني شربتي حبوب الشجاعه بدل حبوب الصراحه
اصلهم شبه بعض تمام
والاقبال عليهم ضعيف جدا وممكن يكون تاريخ الصلاحيه منتهي
علي العموم الواحد هينتظر انتهاء تاسير الاقراص ويشوف
هي الصراحه ولا حاجه تانيه

ياعم الحاج مختار
هو كل مصيبة بأه حتقع على دماغ المول ، بالشكل ده البلديه والتجارة حيقفلوه ويشمعوه
بالشمع الاحمر وبعدين هو كل واحد شرب له حجرين ولا اخد حبتين وداخ وقال انا
جدع يعني ضروري يكون جايبها من المول ، ولا اقولك صحيح يمكن اشترتها من
قسم الممنوعات شكلها حبة ابوصليبة او النجمة بتاعة الفوقان ، بس ده خلي بالك
موجود على الجدول وما بنبيعه الا في حدود المسموح وهي تقريبا دماغها مش
مضبوطه ومهزوزة وتقريبا الحبة دي عدلتها شويه ، ولا باين عوجتها اكتر بس
المول اسم الله عليه دي احسن بضاعه هناك صحيح ما عليهاش تواريخ صلاحية
وبعدين حنحط عليها تاريخ صلاحيه ليه ما كل شويه حنشيل التاريخ ونحط تاريخ
جديد فقلنا بلاش تواريخ احسن وخليها كده بس تقريبا القسم بتاع الممنوعات ده
خاص بالهرش في الدماغ وهو ده اللى خلاها تعمل كده او تقريبا زودت الجرعة
شويه على الحد المألوف قلبت معاها بصراحه عشان تعرف بس ان كل حاجه
مهما كانت موجوده في المول بس كل واحد يختار القسم اللى على قد الجرعة

بصراحه وبدون اقراص انا واخد علي خطري من المول
ولا تنزيلات ولا عروض ولا حتي هدايه مجانيه زي اي مول
ده بخل ولا دي سياسه المول
حتي الاعلانات مش وضحه ومش كفايه ياريت تعمل عرض لاول عشر زوار للمول
هدايه جوايز اهو اي حاجه تشجيعيه
عشان نعملك سمعه كويسه
اما حبوب الصراحه مش بتهمنا ولا تفرق معانا اي حبوب والي عايز يجرب يجرب
الواحد عنده مناعه من اي حبوب

ليه ياجماعة تفتحوا معانا
الواحد عايز يتكلم لكن قافل .... ورايط.......1
يعني عايز تعمل إيه ؟؟
أنا ياعم ما قلتش حاجة
انا إ لي قافله وإلي رابطه بتوعي
ياعم مال دول ومال أمن الأشي بتاعكم
طيب بلاش أنا مش قافل ولا رابط
برضه ما ينفعش واخطر علي البلد
طيب أنا أيه ألي جابني عنكم
برضه ماليش دعوه
طيب حاسب أبعد عني
شكلك كده أيدك كبيره وأنا مش مولف علي كده
تهديد بس
طيب ليه
تعبت
ربنا يسامحك ياصفي
انا فكرت الكلام صح عملت روحي لي حق التعبير
دا انا ماليا حتي حق السكوت
أستني
عايز أيه تاني
تروح تنتخب في مجلس الشوره
طبعا النجمه والهلال
لا لا ما تعولش هم
انت روح بس علشان المنظر وكله بقدرة قادير هايكون نجمة وهلال
ياااه هي الساعة كام
الحمد لله كان حلم مش ولا بد
من باب الاحتياط بعد تحية البلد نقول
تحيا جمال بيه وعز بيه وحسني راحت عليه
أنا لساني فالت ولا خدت حبايه زياده
معلش عدولي دي أنا مش ناقص

شربتلكم تلات فناجين قهوه وجيت مصحصحه وزى الفل وابص ياخواتى الاقي موضوع وبأسمى كمان واسمه حبوب الصراحه

أكيد الحكومه......... اقصد حكومة المنتدى يعنى هى اللى اتجبّرت عليّه وأخدت أسمى وكتبت الموضوع ده

شكلهم عاوزين يودونى في داهيه

ده مش أنا يابيه والنبي ده هما

انا مش معاهم خالص انا معاكم وتحيا الامة العربيه.....

هو لسه في أمه عربيه

او اتحاد عرب من اساسه

والنبي فين العرب اصلا

أصلا أصلا

انا من هنا ورايح معرفش حد زى مصطفى كده

وكمان عشان تكمل ............ مول خواطر ده لازم يتقفل بالشمع الاصفر

ده غير الشمع الاخضر........ خالص

هو احمر ولا أخضر..


شكله اسود بلاك

يالليالى بتعملى فينا كده ليه... رغي ايه بس ياحبيبتى ماحنا بمخنا كويسين على الاخر

شكلها ياأستاذ مختار قلبت حبوب هلوسه.... وعمار ياعرب


الواحد مش عارف بالضبط هو مكانه فين.... بينام فيتن وبيقوم فين... وامته يخرج بره

والله انا خايفه اخرج التحرش بقى على أعلى مستوى من الشباب

مع ان لا فيه بطاله ولا مخدرات ولا كبت ولا فلوس.......

أقصد ولا عيشه

يووووووووووووووووووووه ........ اقصد الدنيا حلوة يامصر

مين اللى بنا الاهرامات...............

شكلهم الصين.....

ومين جابولنا الامراض


......

حكومة...... الصين

معلش مشوها الصين............

ومن دلوقتى سلام ياناس ياحلوين... لو حد شافنى مايقولي انا قلت وعدت ايه ... هاروح استخبى فى القطن بتاع المستشفيات اللى تحت فى البدروم على مايجوا يعبوه تانى اكون لقيت مكان تانى ادور عليه

قمر يا صافي بجد خلاتي للمنتدي روح حلوة بموضوعك ده
استمرى
واعملي نفسك مش وخدة بالك
واشربي كل حبوب الصراحة مرة وحدة وتعالي
مستنياااااااااااااااكي

انا موافقه لو هاتشجعينى وتاخديها معايا

بس ماقلتليش اشرب ايه بالتحديد


حبوب الصراحه ولا القهوه.......


ماتخليها قهوه ونصحصح اكتر....

مين ده الي مش عجبه المنتدي
النبع الصافي
كده من شويه حبوب ده اسمو كلام ماله المنتدي بتقولي شوارعه مش نظيفه
اه احنا كده ديما بنشوف بس الوحش طيب شوفي عيش المنتدي
ولا هتتكلمي علي المسامير ومالها المسامير ولا اصدك علي الظلط ده حتي النعام بياكل ظلط عشان الهضم يعني صحي جدا
هو كده الناس مش عجبها حاجه خالص وبعدين انت مش عرفه ان المنتدي له سياسه جديده
اه والله واسمها ودن من طين وودن من عجين
يعني ممكن اي حد يتكلم برحته والمنتدي مش هيعمله ولا هيعمل اي حاجه
وده الجديد
وبعدين انت عيزه بعد كل السنين دي تتغير سياسه المنتدي
لا ده ولا حتي في المشمش
انا فاكر الكلام ده من ايام ماكان المنتدي منتدي فرعوني وكان رايسه رمسيس الخامس عشر وهو كده عادي
شوفي العيب مش في المنتدي اكيد العيب فينا احنا مش فهمين صح وانا شايف ان المنتدي يغيرنا بناس تانيه احسن

هو انا اتكلمت ولا قولت

ده المنتدى زى الفل
انا بس أخدت حبيتين وكتبت قبل المفعول مايخلص لكن انا حلوة وزى الفل دلوقتى وهاشيل اربع ضروس عشان المسمارين اللى زى السكر جم تحتهم وطبعا أسنانى هما الى غلطانين فى جناب المسمارين..

(( وياريتهم ياسيد مختار مسمارين والله كنا قدرنا على شيل الضروس وخلاص)) ماخُفِيَ كان أعظم

يوووووووووه على الحبتين وسنينهم


بقول ايه يافندم.... عليّه وعلى أعدائي....


تحيا المعتقلات..... وسلام لأتحاد الطلبه

النبع الصافي
انا شايف ان كلامك المره دي كلام كله تجني علي الحكومه والله حرام
شفتي حكومه سيبه الشعب بتعها يشرب قهوه وكمان نسكافيه ياه ده منتهي الحريه
وطبعا النسكافيه محتاج يالبن ياكرايمه منتهي الرفاهيه
الواحد مش عارف انت ليه مفتريه علي الحكومه ده انت عيشه حيات رجال الاعمال
وبعدين الواحد لازم يحس بالاخرين فين المشركه
نسكافيه يا ده افتره
طيب شوفي الناس الي وقفين امام مجلس الشعب وكل راتبهم ٩٩ جنيه
انا طبعا شايف ان ٩٩ جنيه كتير عليهم لكن الحكومه بتعتنا كلها كرم وطبعا تحب شعبها يعيش حياه كريمه
وروحي اي منطقه عشوائيه وانت تعرفي انك من الراس ماليين دول يادوب بالكاد عيشين
ورغم كده الحكومه عمله معاهم احسن واجب وكل يوم بتاخدكام واحد منهم تنيمه عندها في اي قسم شفتي هكومه زي كده
طيب ايه رايك في المياه شفتي حكومه بتوصل لشعبها الميه لغايه البيت وكمان بتنوع في طعمها علشان الناس ماتشعرش بالملل
ولا المرور حل مشكله الاسر تماما الست في البيت والراجل في الشارع ولا مشاكل ولا اي حاجه
ولان في ازمه في السكن المرور حلها تماما الناس نصهم في الشارع والنص التاني في البيوت وبعدين يغيرو الوضع
ودي افضل طريقه لحل مشكله البطاله
البطاله اه صح هي كمان اتحلت الواحد يركب اي مواصله وهيرجع اخر اليوم وسلملي علي التوكتوك

[quote="sixm2005"]

اقتباس :

النبع الصافي
انا شايف ان كلامك المره دي كلام كله تجني علي الحكومه والله حرام
شفتي حكومه سيبه الشعب بتعها يشرب قهوه وكمان نسكافيه ياه ده منتهي الحريه
وطبعا النسكافيه محتاج يالبن ياكرايمه منتهي الرفاهيه

يظهر صحيح انا طلعت قويه ومفتريه اخص عليه انا لازم ابوس ايدي ورجلى وراس الحكومه على التضحيه الكبيرة اللى بيضحوها لينا فى النسكافيه المغشوش الرائع ده اما البن وماادراك ماللبن .. تخيّل عشان يمدّنونا شويه عملوا ايه؟؟؟ غيروا اللبن لبودرة سيراميك ونشا وشرش البن ياااه يااه على الطعم ويااه على التغذيه ويااه على الامانه والتضحيه

اقتباس :

الواحد مش عارف انت ليه مفتريه علي الحكومه ده انت عيشه حيات رجال الاعمال
وبعدين الواحد لازم يحس بالاخرين فين المشركه
نسكافيه يا ده افتره

بصراحه انت ليك حق يامختار انا لازم اعيد حساباتى مع الابله نظيرة وطنط الحكومه او احسن اروح اتسجن انما اعيش كده زى رجال الاعمال انهب واقتل واكل حق الغلابه ويترفع عليه قضايا واطلع منها زي العسل والشهد المكرر يبقي عيب عليه والله ..

اقتباس :

طيب شوفي الناس الي وقفين امام مجلس الشعب وكل راتبهم ٩٩ جنيه
انا طبعا شايف ان ٩٩ جنيه كتير عليهم لكن الحكومه بتعتنا كلها كرم وطبعا تحب شعبها يعيش حياه كريمه

يااااااه 99 يعنى زى عدد اسماء الله الحسنى دول طلعوا طماعين اوى دول يجيبوا كيلو لحمه ويتبقي منهم كمان... تبتر على النعمه... وكمان من صدقة الحكومه انها بتاخد ضرايب وميه ونور وكهربا وحتى عدد الانفاس
والله كرم مابعده كرم

اقتباس :

وروحي اي منطقه عشوائيه وانت تعرفي انك من الراس ماليين دول يادوب بالكاد عيشين
ورغم كده الحكومه عمله معاهم احسن واجب وكل يوم بتاخدكام واحد منهم تنيمه عندها في اي قسم شفتي هكومه زي كده

بصراحه...... ام ... وانت عارف قلب الام .. مفيش زي قلب الام وهى امنا .. بتاخدنا فى حضن أقسامها ايه الكرم ده احنا مانستاهله ابدا..

اقتباس :

طيب ايه رايك في المياه شفتي حكومه بتوصل لشعبها الميه لغايه البيت وكمان بتنوع في طعمها علشان الناس ماتشعرش بالملل

لا اوعى بقي تكلمنى على الميه وجمال الميه وخصوصا فى القليوبيه ولا امراضها والله احنا بنتدلع الناس عندها الايدز والطاعون واحنا لسه عندنا التيفود والميكروبات الجرثوميه بذمتك دى امراض.. ولاّ على راي المسلمانى الامراض دى قدمت من زمان..
مفيش اجمل من الميه وطعامة الميه مرة لونا ابيض ناصع مره اصفر ومرة .. ولا ريحتها.. ماقولكش..

اقتباس :

ولا المرور حل مشكله الاسر تماما الست في البيت والراجل في الشارع ولا مشاكل ولا اي حاجه

وحياتك الراجل فى الشارع والست فى الشارع

اقتباس :

ولان في ازمه في السكن المرور حلها تماما الناس نصهم في الشارع والنص التاني في البيوت وبعدين يغيرو الوضع
ودي افضل طريقه لحل مشكله البطاله

صح.. بس احنما مابيتمر فينا...
ولا مقدرين المجهودات..

اقتباس :

البطاله اه صح هي كمان اتحلت الواحد يركب اي مواصله وهيرجع اخر اليوم وسلملي علي التوكتوك

هو يادوب يركب المواصله ويضيع اليوم كله..

انا ايفه ان فناجين القهوه والنسكافيه عملت شغل معاك سيد مختار.. اصل انا بعرف اظبطهم كويس..
ربنا يسترها علينا بقي..

منورنى والله