وركبت مع سواق تاكسي وتعالوا اعرفوا القصة!!!

من غير مقدمات كتير القصة كلها اني اتعزمت عند احد اقرابي وكان المشوار لازمله روكبه
واسهل واسرع روكبه في بلدنا بعد مترو الانفاق هو التاكسي
المهم ركبت انا واولادي واقالربي مع سواق التاكسي
صدقوا اني فكرت يوم كامل في حال سائقي التكاسي في مصر دول بيسمعوا بلاوي الدنيا كلها لا ومش بس كده ده ممكن الركاب كمان يدخلوهم في حوارات عائلية وسياسية واقتصادية وطلاق فلان من فلانه وتعب الجارة اللي جانبي ومتعرفش يا اخويا الدوا ده بتاع ايه كده؟؟
وكله علي كله ولما تشوفه اوعي اياك تقوله!!
خليها مفاجأة
الراجل طالع عينه في محاربة السيارات اللي امامه """"قصدي يعني كان بيسوووووووووووق"
اصل عوزة اقولكم ان من اجمل الاماكن تمتعا بالسواقة هنا في بلدي الغالية مصر
المهم لاقت صاحبنا ده بيتكلم عن حركة كفاية وانه مع التغيير وانه مش شايف ان البلد بيتصلح حالها بل من سوء لاسوء
فالصراحة حسات انه معاه بكالوريوس اقتصاد وعلوم سياسة فتتطفلت وسألته هو
حضرتك خريج ايه؟؟؟
الراجل ساب السواقة والمعارك اللي قدامه ولف وراه وبصلي اوي بأستغراب شديد!!!
خريج !!!انا ولاه مؤاخذة تعليم حر
انا سكت شوية ورجعت اسأل نعم؟؟؟
حضرتك قولت تعليم حر؟؟؟؟
قال اه يا مدام
سألت لتالت مرة هي في كلية بألاسم ده انشأت حديثا ولاه انا قديمة اوي كده؟؟
قال يا مدام الواحد لازم ياخد من الدنيا كل اللي هو عوزة
يعني يتعلم اللي علي كيفوا وياكل علي مزاجه ويتجوز اللي تعجبه ويعمل اللي يريحه ويتعلم اللي ينفعه من وجهه نظره هو مش اللي مكتوب ومفروض عليه انه يقرأه ويتعلمه؟؟؟
الصراحة يا جماعة انا ذهولت من كلام الراجل ده
والتزمت الصمت طول الطريق وكان ده في المرحلة الاولي من المشوار
ووصلت عند قرابي واخدت سهرتي هناك وكانت قعدة عائلية جميلة كلها ضحك وتهريج وحان موعد الذهاب
بمعني اننا لازم نروح بردو بتاكسي
بس المرة دي بقا انا اللي جبت سواق التاكسي المعرفة يعني اتصلت بيه وقولت احسن من غيره وكانت نظرية خاااااااااطئة بكل المقاييس
المهم جه الراجل مشكور لحد المكان اللي انا فيه واخدنا وبدأ تشغيل الريكوردر اليدوي والرغي للركب
اصل مراتي النهارده عملتلي ملوخية اللي كنت طلبتها منها من يومين عشان تصالحني ها يا ام نورا !!
انتي معايا ؟؟
اقول اه
يكمل
اصل احنا كنا متخنقين من يومين عشان هي اصلها بتسمع كتير لسافتها والبت دي هتخرب عليها وهي مش حاسة
ها معايا يا ام ادهم؟؟
اقول امممممممممم
بس اصل الحكاية ان البت دي كل لما بتيجي عندنا بتشائم منها مع اني عارف ان الاسلام قالنا ان التشاؤم حرام !!
بس البت دي يا ساتر يارب عليها
عينها وحشة وما تصدق تشوفنا كويسين وتفضل تقر وتنئ وحاجه اخر قرف ولله
ربنا ينتقم منها ومنها اشكالها
انا عارف ان الدعوة علي الناس حرام !!
بس مع ااشكال دي الدعوة عليها حلال اويوربنا يقبل يارب
معايا يا ستاذة؟؟
اقول ايوة ايوة
وكنت من جوايا بموت من الاندهاش من التناقض العجيب اللي في كل كلامه واد ايه هو عاوز يبين انه تقي وبيعرف دينه وانسان صالح
بس فيه ناس وحشة مش منها لله بأه لا ...ده لازم يدعي ويولول زي الستات بالظبطت
حاجه غريبة
!!
كنت بدعي ربنا ان المشوار يخلص بسرعة وانزل من التاكسي ده حتي لو مش عند البيت
بس للاسف اولادي كانوا ناموا من كتر الرغي ووجع الدماغ بتاع اخينه وكنت مضطرة استحمله لحد ما ننزل عند البيت
واخيرا وصلت وفتحت الباب ونزلت بالفعل وهو عمال يكمل كلامه يا سيدي خلاص وداني وقعت من مكانها
وهو ابدا وفي اخر اقواله السديدة
طيب بأه نبأه نكمل الكلام بعدين اوعي تنسي انا وقفت لحد فين لأعيدك من الاول
يالهووووووووووووووي من الاول ؟؟!!!!
وهو مين قالك اني هركب معاك تاني اصلا
لا اول ولاه اخر
ماله البيت وقعدة البيت ""سترة ""
ولاه انتوا رأيكم ايه؟؟؟؟؟؟

ليالي واضح انك مستهدفه من جهات امنيه
وانا شايف ان السائق الاول للتكسي كان مخبرات وكان بيحاول يجمع منك معلومات
واكيد السائق التاني رغم معرفتك بيه لكن هو بيشتغل في امن الدوله بعد الدوام بتاعه
وهو كمان بيستدرجك في الكلام
والكلام بيني وبينك اصل في واحد في المنتدي بلغ عنك وقال انك بتتكلمي كلام كبير
وانت عرفه الناس دي مش بتلعب
انا بنصحك تخليكي في البيت وتربي العيلين بتوعك وبلاش خروج خالص
اما عن المنتدي فاممكن تكتبي كلامك بحبر سري عشان محدش يعرف خالص ويمسك عليكي حاجه
وفي النهايه سلميلي علي شبرا الخيمه

هههههههههههههههههه
الظاهر انت اللي مصلتوه عليه يا حاج ولله
وبعدين اشمعني يعني شبرا الخيمة
ما اسلمك علي مصر كلها يكون السلام اكبر
مخبراااااااات ؟؟؟؟؟؟؟؟؟
يا لهويييييييييييييييي
يعني ممكن يتهموني اني عبيط لدولة اجنبية؟؟
يا دي النييييلة
قولن اقعد في البيت احسن

انا ابلغ عنك لاااااااااااااااااا
طيب ده انا عملتلك تمثال تقديرا لمجهودك الي كتبتيه في موضوع ياكدا النسوان يابلا
وانا عارف مين بلغ عنك اصل في حد موجود معانا في المنتدي وبينقل كل اخبرنا الي
CIA

مين بينادي
سمعت صوت من بعيد ناداني
سواقين تاكسي
انا اقولك شوفي اولا بلاش تنزلي مع حد من قرايبك
وثانيا بلاش تركبي التاكسيات البيضا لأنها عامله زي الفراخ
البيضا يعني مش بلدي ، التاكسي الاسود اللى هو مفتوح من
كل حته ده كويسه وبيدخل تراب للركاب ، واذا رايحه زي ما
بيقولك مختار يبقى احسن تركبي توك توك وهو شغال الله ينور
هناك وما ادراك ما التوك توك تحطي ادهم قدام عند السواق وادي دقني
لو عرف السكة ونورا بأه قعديها معاكي ورا برضه دي آنسه
اما حكاية المخابرات فده مش طريقهم شبر الخيمة دول عندك في القبة
وانتي عارفه السكة بأه ، بس طريقهم وان واي روحه من غير رجعه بعيد
عنك وعن الاوللاد وابوهم ياشيخه سيبك مخابرات ايه هو حد فاضي لحد
الناس مش عارفه تعمل ايه في موضوع العقوبات بتاعة الفيفا مش لما نحل
مشكلة ميدو الأول ونشوف حيروح فين ؟ ال مخابرات أل

هههههههههههههه
حلو دي التوك توك
ولله جرات ريقي علي كتابة يوميات صاحب اول توكتوك في مصر !
ايه رأيك في العنوان ده؟
لو عجبك قولي وانا انزلك حكايتة
وبالنسبة للمخابرات احنا والنبي يا بية طول عمرنا حطين الحيط ومشيين عليه
قصدي يعني ""مشيين ورا الحيط عشان ما نتشافش اصلا لاه من الناس ولاه من الحكومة ولاه من اصحابنا البوعدا دول
اي والنبي يا بيه صحيح ان فيه في المنتدي دي واحد تبع الشر برة وبعيد ...المخابرات دي؟؟
والنبي يا بيه امانة عليك يا طلعني برة المنتدي المتراقب دي ...يا امتا بجأه
تمشي العضو العميل دي
والنبي يا بيه احنا مش اد الناس دي
ههههههههههههههه
ويجعلك مصباح للتيهين