انتظرونا في نشر الفضائح قريبا

فضائح
صور
مراسلات
لأشخاص تعرفونهم جيدا
فقط اعطوني مهلة لتجميعها
وسأنشرها هنا على الملأ
لكي يعلم الجميع الحقيقة

قريبا جدا

ليه ياعم مصطفي كده نشره وصور كما
ياخوفي من الي جي
انا علي العموم ممكن اغير اسمي وادخل باسم تاني ياعم
ولا انت تقصد الناس التنيين
اه صح كده كويس وانا تحت امرك ياريس

صباح الفل

انت مستعجل ليه بس
انتظر معانا وتشوف كل حاجه
واللى ما يشتري يتفرج

بس انا قصدي الناس التانيين

هو انت معانا ولا مع الناس التانيين

انا معاكم ومع الناس التانيين والتالتين كمان
بس والنبي تعملنا بروموا للموضوع الاول يعني زي اعلانات الافلام
لزيادة التشويق والمتعة
هههههههههههههه

شوفي
جميل تبقى مع الناس التانيين والتالتين
اصل احنا مش الناس الاولانيين
انا حاقولك دي عبارة عن فضائح
الموسم وكل موسم وهي حصريا لدينا
حنخص بيها المنتدى وهي تخص ناس
تقريبا كل الموجودين عارفينهم باختصار
ومن غير فرقعة اعلامية حتكون مفاجئة
الانترنت بس هي حتزعل الناس التالتين
بس حنعمل ايه هما اللى جابوه لنفسهم
واحنا فضلنا ماسكين نفسنا ونقول بلاش
الفضايح وبلاش نشر الغسيل بي هما
مصممين نعملها فضايح ، وعندنا
وتحت ايدينا كل حاجاتهم خلاص بأه
ننشر ونذيع ، وخلي الناس تنبسط

باين عليك اتمكنت يامصطفى ومعاك مستندات وادله توديهم في داهيه

استر ياللـ بتستر

المهم احنا فى السليم ولاّ العواقب على دماغنا كمان...

انا شخصيا ... هاعتبر نفسي ماشيه على الرصيف... وأكيد الفضايح مابتطلعش على الملتزمين...

يارب سلّم

منتظرين الفضائح واكيد حصرياااااا فى منتدى خواطر مبعثرة

فى انتظار الافتتاح القريب وكله ياخد باله من اسراره

استاذ مصطفي
انا عندي وثائق ومستندات خطيره
تفيدك في الموضوع
بس مش عارفه ابعتها لك ازاي
انت عارف النت متراقب

هكتبوا بالشفره السريه
وابعتهم لك

والله احنا نموت في الفضائح ومنتظرين النشر بفارغ الصبر انت ما تدري استاذي ان شعوبنا تحب الفضائح اكثر ما تحب الاخبار العادية راجع الصحف والمجلات الفنية وغير الفنية وانت تعرف

النّبع الصّافي كتب:

باين عليك اتمكنت يامصطفى ومعاك مستندات وادله توديهم في داهيه

استر ياللـ بتستر

المهم احنا فى السليم ولاّ العواقب على دماغنا كمان...

انا شخصيا ... هاعتبر نفسي ماشيه على الرصيف... وأكيد الفضايح مابتطلعش على الملتزمين...

يارب سلّم

صافي
حتى اللى ماشي على الرصيف
مش حنرحمه ومعنديش خيار
ولا فاقوس الكل حينفضح
وحاخلي اللى ما يشتري يتفرج
والحاضر يعلم اللى غايب
تمشي بأه على الرصيف
على الحبل ما يضرش
على رأي دريد لحام
كله جاي بالتقرير

جميلة كتب:

منتظرين الفضائح واكيد حصرياااااا فى منتدى خواطر مبعثرة

فى انتظار الافتتاح القريب وكله ياخد باله من اسراره

شوفي مش حيكون الانتظار طويل
ما تخافيش حالا وقريبا بس بلاش
تنبهيههم خليهم براحتهم
امال حننشر ايه ؟؟

اماسي كتب:

منتظرينك بشغف ....

جايين حالا وبسرعه
قريبا على الشاشة

رفيدة كتب:

استاذ مصطفي
انا عندي وثائق ومستندات خطيره
تفيدك في الموضوع
بس مش عارفه ابعتها لك ازاي
انت عارف النت متراقب

هكتبوا بالشفره السريه
وابعتهم لك

خلاص ابقى اكتبيهم بالحبر السري
ولو كانوا وثائق كتيرة حابعت لك
ام عبد الرحمن وتقولك كلمة السر
سبع الليل
لما تقولها اديهم لها اصل هي بتحب الفضائح برضه
بس خلي بالك ابقى شمعيهم بالشمع الاحمر عشان
ما تفتحهمش وهي جايباهم

وانا كمان عوزة اتفرج والنبي
يلا حالا بالا

وردة كتب:

والله احنا نموت في الفضائح ومنتظرين النشر بفارغ الصبر انت ما تدري استاذي ان شعوبنا تحب الفضائح اكثر ما تحب الاخبار العادية راجع الصحف والمجلات الفنية وغير الفنية وانت تعرف

طبعا احنا بنموت في الفضايح ولو حاجه كويسه محدش يقراها
اما لو فضيحة تلاقي الناس كلها مفيش ليهم سيرة الا هي نعمل
ايه بأه موروثات حضارية وثقافية

ما تستعجليش اوي كده
مش يمكن نبدأ بيكي
ليه الاستعجال بس
ما تخليكي ماشية على الرصيف
وجنب الحيط

ممكن اعترفلك
انا مش ماشي جنب الحيط
انا جوه الحيط نفسه

خلاص ولايهمك
نبدأ باللى جوه الحيطة
كويس انك اعترفت

هو كده الواحد مايعرفش يهزر معاك خالص
علي العموم انا ولا يهمني خالص

والله ماعارف الناس بتخاف من الفضايح ليه يا اخي
وعلى رأيك هو احنا يهمنا ، مادام في السليم زي اللمبي
انت مادام جوه الحيطة ما تخافش محدش حيسمع صوتك
وبعدين مين بس خلاك تعمل كده وتوقع نفسك مش العصورة
قالت لك بلاش تصاحب الناس الوحشين بتوع الفضايح
وبعدين انت لسه لغاية دلوقتي ما قلتلناش انت معانا ولا مع
الناس التانيين .. اصل احنا الناس التانيين

شوف ياعم الي بيخاف علي راسه بطحه وانت عارف
انا مافيش علي راسي اي حاجه خالص

اكيد مفيش حاجه مانا زيك برضه مفيش حاجه ولعلمك بعد العمرة بقيت سيراميك
يعني مش حتلاقي حاجه تشدني منها ، انا بس عاوز اعلن ان فيه تهديدات جت لي
وهددوني بالقتل أو بالسحل اذا انا نشرت الفضائح ، وقالوا لي حنخطفك وحنقفل
المنتدى وانا لايمكن ارجع في كلامي حاقول وانشر يعني حاقول وانشر محدش
حيقدر يوقفني ولو اتقفل المنتدى وصيتكم الاعضاء وحابعت المستندات كلها
والوثائق لأصحابي اصحاب المنتديات الآخرى عشان ينشروها ويكملوا رسالتي
وفيه نسخة من الموضوع كله عند السيدة جميلة وهي فيها كل حاجه يعني لو حصل
لي حاجه حتنشرها وحتى فيه مخابرات بعض الدول الغير صديقة بتهددني وقالوا
لي يامصطفى يابن عباس لو ن شرت حاجه من اسرارنا يبقى جنت على نفسها
براقش ، ولو اني مش عارف مين براقش دي ، بس برضه ولا خفت من حد
وسأناضل واقاوم حتى تصل كل الفضائح الى مستحقيها زي الدعم بتاع الحكومة
كده ومش حاحرم حد منها ابدا عشان الناس تشوف وتعرف ، انتظرنا قريبا جدا
جدا ومش حاعلن عن يوم النشر عشان انتم عارفين ممكن يضربونا بالشبح او التوم كروز
فيوم النشر حيكون من الاسرار الحربية المعنوية العالمية وحيكون قريب جدا ، .
ودي نهاية البيان رقم (1) الصادر من القيادة العليا للفضائح العالمية ، والله اكبر

عاوزين فضايح سبايسي زى اكلة ليالى يامصطفى ... لحد دلوقتى أحنا منتظرين ورا الباب...