مسلسلات توت كوم ::::::لومة والمعلم سلومة

ظهرت في الاونة الخيرة علي فضائياتنا العربية هوجة وموجة جديدة وغريبة ايضا من مسميات الدراما العربية
وهي مسلسلات توت كوم
او سيت كوم
او نص كم
المهم لازم يكوم فيه كم امال هنطلع للناس كده!!
المهم
النهارده انا حبات اعمل مسلسل ونشترك كلنا في كتابة حلقاتة سوا
واسم المسلسل """"""لومة والمعلم سلومة""""
وهو مش من المسلسلات الطويلة وال50 جزء وال100 جزء
لا لا هو صغير وعلي اده بس المهم اننا كلنا لازم نشترك فيه
وانا هبدأ بنفسي كتابة اولي حلقاته
الحلقة الاولي..
المعلم سلومة :
صاحب اكبر واقدم محلات الكرشة ولحمة الراس واللي من غير راس في مصر كلها .
والواد لوووووووومة ::
صبي المعلم وايده اليمين بس بيحلم في يوم مش بعيد يتحرر من قهر معلمه واخد مكانه
المعلم سلومة
لا درس ولا دخل مدارس بس ايه لا تقولي دكترو في الطب ولا هفي حتي
والا مهندس كهربا ولا مية
ده دخل مدرسة الحياة واتعلم فيها ازاي يلون ويتلون ويرسم ضحكة صفرا وحمرا وخضرة كمان
ازاي يحلف بالله ان البضاعة دي سليمة والكبدة صح الصح ..وان الحيوان لسه مقتول حالا والكبدة دي خارجه من بطنه
وان اللحمة مش حميري ولاه فراني دي جاية من عالم تاني
والواد لومة :
خرج من تانية ابتدائي اه ولله هو فيه حد لاقي
واحد متنور كده اليومين دول الواد زي المنشار طالع واكل ..نازل واكل
ما فيش حد في الحارة الا بيخدمه لومة عشان يطلع منه اي مصلحة وهي نوايا تسند الزير
والست ام بلاليكة...
دي بقا صاحبة البيت اللي فيه المعلم سلومة
الست دي من ستات اسكندرية المربرابين اللي متربيين علي الغالي والنبي
ومش اي اي ولا زي زي
ودي بقا عمرها ما دفعت مليم في حتة لحمة ولاه حتة كرشة من المعلم سلومة ما هي صاحبة البيت وهو مستأجر عندها
بتاخد فلوس الايجار بس بتاخدهم كرشة وفشة وممبار
وولازم دلوقتي نقول سلام
ونقفل الحلقة بالتتر كمان
ونخلي كاتب تاني يكمل الملحمة الست كوم
اللي اتمني انها تنول رضاكم واعجابكم

والله القصه دي بتفكرني باتنين عرفهم واحد اسمه ادهم والتانيه نوره
المهم قصه جميله بس انا مش هكمل انا هحكي قصه تانيه خالص وبعدين ممكن اكمل معاكم تاني
هي قصه من قصص بني اسرائيل
وهي بتحكي عن امراه فقيره بدون عائل وتعمل بالغزل وكان عندها مغزل قديم طوال الليل تقوم بعمل الغزل وفي الصباح تبيعه داخل السوق وكانت دائما تشتكي من ضيق الرزق والفقر
كانت المراه تقوم بعمل البيت بعد الرجوع من السوق وفي الليل تقوم بعمل الغزل وفي يوم من الايام وهي تعمل شاهدت غراب كبير يقترب منها وينظر اليها وهي تحاول ابعاده دون جدوه
واقترب اكثر من المغزل وبعد ذلك التقط المغزل بمنقاره وطار وبعدها صاحت المراه علي الغراب دون جدوه
وجلست تندب حظها العثر وبختها النحس ثم ذهبت الي نبي الله سليمان وكان سيدنا سليمان يعلم لغه الطير
وقصه له الحكايه ثم اتبعه ذلك بان الله ظلمها وان الله غير عادل فهي فقيره وليس لديها غير هذا المغزل وبعد هذا ياتي الغراب ليسرقه هذا ليس عدلا
وبعد ان انتهت المراه من شكوها لسيدنا سليمان دخل عليه عشر رجال وكل واحد يحمل في يده ١٠٠ دينار وقال احدهم
جئناك بهذا المال لنتصدق به فقال سليمان ولماذا اتيتم معا قالو هي قصتنا احكيها لك
كنا في مركب في عرض البحر والامواج شديده وندعو الله السلامه وهبت الرياح فصدم القارب بصخره فوجدنا ثقب يدخل منه الماء ولم يكن معنا شيء لنسد به هذا الثقب ودعونا الله اذا انجانا من الغرق سنتصدق كل منا ب ١٠٠ دينار
وبعد هذا الدعاء وعلي الفور وجدنا غراب يحمل مغزل في فمه ويلقي به علي المركب فحمدنا الله ووضعنا المغزل في الثقب ونجونا من الغرق والموت
وجاناك لنوفي بعهدنا لله
فضحك سليمان والتفت للمراه وقال لها تفضلي هذه ١٠٠٠ دينار لكي لقد تاجر لكي الله في البر والبحر وانت تقولين ان الله ليس عادل وبكت المراه من هذا الموقف وقالت لا ان الله عادل لا يظلم احد واستغفرت الله ورجعت الي بيتها ومعها ال ١٠٠٠ دينار وظلت طوال حياتها تحكي قصتها وتردد ان الله عادل وليس بظالم
وانتهت القصه علي ذالك واتمني ان تنول اعجابكم ان شاء الله

انتي بتجري ريق الناس لحمة وكوارع ومش عارف ايه
كده الناس حتقول عليكي اقطاعية هو فيه حد دلوقتي بيروح
هناك عند الناس مروجين اللحم والكلام ده وبعدين استني
جاي لك اكمل بس اعرف الأول ليه حق في اللحمة ولا لأ

لالالا استنينى ليكى قاعده مخصوص وكمان فنجان قهوه عليه العجب

يعدل المخيخ بس وأرجعلك سريعا

بس قبل ماانهى مشاركتى بهدى تحيه كبيرة للسيد مختار على قصته لانى استمتعت بيها بشكل كبر جدا حقيقي شكرا ليك

ليالى انا راجعالك حالا

واد يالووووومه

نعم ياست ام بلاليكه

انا جايلك اهو رهووان

تعالى يامنيل والنبي لأنيلها على دماغك ودماغك معلمك النصاب ده

طب وانا مالى بس ياخالتى

لو ماطلعتش والنبي لأنزلك

خلاص انا طالع هو احنا لسه هانستني شهرين على ماتوصلى

.......

هاه هاه.. نعــ .. مم.. ياخاااالــــ تي.. هاه ..

وكمان مقطوع نفسك وانت شبه السنارة ايه ياواد المصارين اللى انتو باعتنهالى الاسبوع اللى فات ده؟؟؟؟؟؟

مالها بس ياخالتى مش كلتيها كلها ؟

خالتك دبب .... دى مش مصارين العجل اللـ شفته مدبوح امبارح

طب ازاى بس نبعتلك ممبار من اسبوع وفات ولسه دابحين عجل امبارح بأه

انت بتستغبانى ياوله؟؟؟؟ الممبار اللى كلته ده بتاع حمار دبحتوه فى مسقط البيت بتاعى هه.. بتاعى ياوله

ياستى احنا مابندبحش الا القطط فى مسقطك وبعدين المعلم سلومه اللى يدشدش الطوبه اللى على راسه تفلقها نصين لو سمعك هايزعل بالاوى منك ياخالتى

يزعل ولا ينفلق وانا مالى الممبار ده بتاع حمير وانا بقولكم كده

الهى اعدم المعلم لو كان حمير

يبقي هاتعدمه وتعدم روحك باذن الله

وانا مالى بس ياست الحاجه

ماانت اللى بعتهولى... هو فين اللى مايتسمى

قاعد تحت بيهش دبان وبيعاكس الزباين.....

تعالى ادامى اما وريته وفرجت عليه الحته ماتكونش بلاليكه بنتى تعالى

طب بالراحه مش كده البيت هايتهد من خطوتك وهاروح في ايديك ياست

مانا مش هاخليك تسبقنى وتهرب ياجبان

ياستى ماهو على ماتنزلى يكون معلمى روح بيته ونام وضاعت عليكى مصارين العجل الجديده

يالهوى...... وانا اللى بقول انك عبيط طلعت متنور والنبي ليك حق

أجرى قوله الست ام بلاليكه عاوزاك ومستحلفالك يامعلم الحمير

وجب........

ودلوقتى منتظرين مصير المعلم سلومه بعد ماأكلت الست بلاليكه تلاته كيلو ممبار لوحدها الاسبوع اللى فات واكتشفت انه مش من بطن عجل.......
ده من حاجات تانيه خالص

حد ناوي يكمل......