طريقة عمل الزبادي بالصور

الله يكرمك اموسة جربيها بقى
أى خدمة
أخبار الامتحانات ايه طمنينى

أبرار

جميل جدا شرحك لصناعة الزبادي

وكذلك والصور الموضحة

لكن أسمحي لي بصفة أن الألبان ومنتجاتها تخصصي الدقيق

أن أضيف أو اوضح بعض الخطوات وامعلومات البسيطة

أولا يصفي اللبن بشاش أو مصفاة اللبن قبل البدء قي اي صناعة

وكذلك التأكد من أن مواصفات اللبن تكون مطابقة للمواصفات القياسية للبن

وذلك بإجراء أختبارات اللبن في المعامل أما في المنازل بالخبرة وإستلام اللبن من مصادر موثوق منها ..

تانيا تسخين اللبن إلي 90درجة مؤية أي قبل الغليان في حمام مائي

مع التقلييب المستمر حتي لا يحدث أن يلتصق اللبن بالإناء فنشم رائحة الشياط

والحمام المائي أن نستخدم أنائين الداخلي به اللبن والخارجي به ماء أذا أردنا التسخين يكون الماء بين الأنائين ساخن أي يوضع علي موقد وإذا أردنا التبريد يكون الماء بارد

ثالثا تبريد اللبن في حمام مائي كما في التسخين ألي درجة 40 مؤوية أي يكون اللبن داقئ

رابعا يوضع البادئ وهو زبادي اليوم السابق بنسبة 2% أو ملعقة أكل (شوربة ) لكل كيلو لبن تقريبا ويقلب جيدا خامسا يعبأ في العبوات المطلوبة سواء بلاستيكية أو زجاجية وكذلك في الحجم المطلوب .

خامسا توضع العبوات في الحضان وهو دولاب حرارته 40 درجة مؤوية أي دافي ويكون ذلك أما أستخدام سخان (هيتر) للتدفئة أو ماء ساخن أو وضعه في فرن البوتاجاز بعد أشعاله ثم أطفاءه المهم مكان دافئ إلي أن يتماسك اللبن داخل العبوات ويسميعملية التجبن

سادسا ينقل للثلاجة لحين الإستهلاك ويمكن أن يترك للتهويه خمسة دقائق بعد خروجه من الحضان وقبل وضعه في الثلاجة للتهوية

وكلوا بالف هتاء وشفاء

علما بإن للزبادي فوائد كثيرة جدا وكل من يريد أن يسأل عن أي شئ في الزبادي أوفي ا للبن ومنتجاته أنا جاهز ومستعد ويسعدني ذلك

تكنيك ممتاز لعمل الزبادى تسلم ايديكى ياابرورتى الحلوة وكلام الباشمهندس طبعا مفهوش كلام

شكرا ليكى ابرار والشكر اكيد موصول لاستاذ باهى

ههههههههههههه

فكرتينى يوم مادرست طريقة عمل الزبادى فى الكليه وجيت علشان اطبقها فى اللبيت مع ماما وقلت نفس كلام استاذ باهى لها وكان فى تحمس طبعاااااا
وخصوصا نقطة الحمام المائي او التسخين الغير مباشر

قالتلى هو احنا لسه هانجيب اللبن ده كله ونقعد نحطه فى حله وحله كمان فيها ميه وعلى ماتغلى الميه يقوم اللبن ..... دى حكايه يابنتى

اقولها دى ليها درجات معينه وعشان مايضيعش فوايد الحليب ووو

ولا حياة لمن تنادى

تقولى خدى خبرتك من الناس اللى جربت زمان وطول عمرنا بنعمل اللبن كده

قلتلها بأه هى الحكايه كده..... ههههههه صباح الفل

انا متشكرة جدا لدعاءك استاذ باهى وعلى فكرة ياابرورتى

ماما دايما تعمل الزبادى كده لأنه مزاج عندنا حبتين... وبيطلع من ايديها حلو اوووووى