العروسة الصينية .. هل تصبح الحل لأزمة الزواج في مصر ؟

اذا كنت ترغب في الزواج ولا تمتلك امكانيات مادية , اذا كنت قد تجاوزت السن وتخش ان يفوتك القطار ؟ هل تملكتك رغبة متوحشة والكبت يطاردك ؟ هل تعاني من ارتفاع " المهور " ومغالاة الاباء في متطلباتهم ؟ هل " زهقت " من رغبة " خطيبتك " في امتلاك وشراء كل شئ ؟ .. الاجابات علي هذه التساؤلات هي حلول وضعتها الصين لترغيب الشباب في الزواج من صينيات , لثبت للجميع انها تستطيع توفير كل ما يحتاجه العالم , وانها لا تعرف المستحيل.. انتشرت في الفترة الاخيرة بعض الاعلانات علي شبكة الانترنت للترويج لعرائس صينية بمواصفات جيدة وباسعار زهيدة وبدون شروط و متطلبات , تلعب علي وتر الازمة التي يعانيها الشباب في الزواج , وتخاطب الغريزة لديهم , رافعة شعار " تزوج باقل التكاليف وبالمواصفات التي تريدها ".. فكرة غريبة علي المجتمع المصري , ولكنها ليست غريبة علي مجتمع رأسمالي (الصين ) هدفه الاول السيطرة علي اسواق الشرق الاوسط وامتلاك زمام التجارة والصناعة فيها , ولكن هل هناك خطوة من انتشار هذه العرائس ؟ وهل شبابنا سينخرط في هذا التيار ليصبح المجتمع " هجين " وخليط بين الفرعون المصري و النمر الاسيوي ؟ وكيف سيصبح مستقبل الاجيال القادمة في حالة " التطبيع " المصري الصيني ؟

وبعد استطلاع اراء الخبراء عما قد يحدث في المجتمع في حالة انتشار هذه الفكرة وتطبيقها , وتأثيرها علي العنوسة في مصر , وطرح عليهم تساؤل " هل تصبح الزوجة الصينية هي الحل لازمة الزواج في مصر ؟

فهل تسطيع العروسة الصينية ان توقف قطار العنوسة بالنسبة للشباب ؟ هل هي نوع من الغزو الاقتصادي الجديد تحاول من خلاله الصين التي تعتبر اكبر دولة صناعية وتجارية في العالم , اختراق الاقتصاد المصري ؟ بعد ان فشلت في اغراق الاسواق المصرية بغشاء البكارة الصيني , وهو سلعة مرفوضة دينيا واخلاقيا ومجتمعيا , وتساعد علي نشر الذيلة , ام انه نوع من الاحتلال لفرض سيطرة منتجات " صنع في الصين " ؟ فبعد ان انتشروا شباب وفتيات من الصين حاملين فوق اكتافهم بضائع صينية يجوبوا بها القري والنجوع في محافظات مصر , ومن خلال احتكاكهم بالشباب وتعاملهم مع الفتيات من خلال عمليات البيع والشراء , اكتشفوا ان مشكلة الزواج هي الشاغل الاول الذي يؤرق عدد كبيرمن الشباب المصري , وانهم يعانون الكبت , بسبب تأخر سن الزواج لظروفهم الاقتصادية الصعبة , وبسبب مغالاة الاسر المصرية والفتيات ايضا في متطلباتهم , مما يجعل الكثيرين غير قادرين علي الزواج , فقرروا توفير عروسة صينية لكل شايب مصري , فرفعوا شعار عروسة صينية لاتكلفك سوي 1500 جنيه .
ناقوس الخطر

ففي ظل الهيمنة الصينية التي تخيم على حياتنا وأسواقنا ومنتجاتنا التي اصبح جميعها مصنوع في الصين , فهل جاء يوم الذي تقوم الصين بتصدير عرائس صينيات للمواطنين لتوفر للشباب في بلدنا مصاريف الزواج من شبكة ومهر وبيت وحفل زفاف , فهل تقضي العروسة الصيني على " سوق " البنات في مصر وتزيد من معدلات العنوسة بين الفتيات التي هي في ارتفاع دائم ؟ .. فقد انتشرت في الفترة الاخيرة بعض الكليبات التي تروج للزوجة الصينية ومميزاتها لترغيب الشباب في الارتباط بالصينيات , ويلعب الكليب علي وتر العنوسة وتأخر سن الزواج , وعلي رغبات الشباب وشهواتهم التي تملكت منهم خاصة مع الظروف الاقتصادية الصعبة التي تعيشعها البلاد , حيث يبدأ الكليب بأسئلة عما إذا كنت تشعر برغبة في الزواج وظروفك لا تسمح؟.. أو أن العمر قد مضى وتشعر أنك قد كبرت في السن ومازلت تبحث عن بنت الحلال ولم تجدها ؟ , بعدها يبدأ المتحدث في شرح مميزات الزوجة الصينية في أنها قليلة الكلام وقليلة الأكل، فتوفر في الطعام وأيضاً قليلة الحجم وبالتالي لا تأخذ حيزاً في الشقة لو كانت ضيقة، وبالتالي فإنك لن تهتم بإقامة عرس أو الحصول على شبكة بالآف الجنيهات؛ لأنهم في الصين لا يهتمون بالذهب أو المال ولا تحصل على نفقة عند طلاقها وليس لها أهل سيأتون لزيارتها فبالتالي ستتخلص من حماتك ومشاكلها , مما يعني ان الزوجة الصينية سلعة جيدة و " بيعة وكلها منافع " !

كما انتشرت علي صفحات الفيس بوك إعلانات عن دخول العروسة الصينية لمصر لسد حاجة الشباب غير القادرعلى متطلبات الزواج بأقل تكلفة ممكنه، حيث تصل العروسة بـ"الدليفرى" حتى باب المنزل بتكلفة تتراوح من 1200 جنيه حتي 1500 جنيه فقط , وذكرت الإعلانات إن الزوج يستطيع أن يختار مواصفات العروسة الصينية من حيث الشكل والقدرات، مع العلم أن جميع العرائس الصينيات يجدن فنون الطهى والأعمال المنزلية المختلفة، وغالباً ما يكون حجم العروسة صغير وقصيرة للتوفير على زوج المستقبل عند شراء الملابس.

كما وضعت الاعلانات عبارات لجذب الشباب من خلال وضع مميزات الزوجة الصينية بانها لا تشترط سناً معيناً للزوج، كما أنها تقبل بأى رجل، وذلك لأنها زوجة مثالية ومطيعة ولا تناقش زوجها فى أى شئ كما أن صوتها لا يعلو ولا تنطق إلا بأمر من زوجها على خلاف الزوجة المصرية التى تشتهر بارتفاع نبرة صوتها وبغضبها المتكرر، بسبب وبدون سبب، كذلك لا تشترط الصينية شبكة ولا مهر ولا شقة ولا فرح .

هذه الفكرة الغريبة تدق ناقوس الخطر في المجتمع المصري , فقد استغلت الصين ازمة الزواج في مصر وارتفاع نسبة العنوسة وتحاول ادخال الزوجة الصينية, بمواصفات تجعل كل شاب قادر علي الزواج باحداهن , مع ترحيب الشباب بالفكرة , وفي ظل الظروف الاقتصادية الصعبة , ومع تفاقم ازمة الزواج في مصر , فان النتجة ستكون مجتمع متفكك , تنهار فيه القيم , وتزداد فيه نسبة العنوسة , بالتالي تكثر حالات الانتحار بين الفتيات المصريات , ففي أخر إحصائية صادرة عن المركز القومي للسموم اكدت إقدام 2700 فتاة مصرية على الانتحار كل عام بسبب العنوسة , وكشفت دراسة حديثة صادرة عن المركز القومي للبحوث الاجتماعية والجنائية أن نسبة غير المتزوجين من الشباب من الجنسين بلغت بشكل عام حوالي 30%، وبالتحديد 7. 29% للذكور و4. 28% للإناث .

ترحيب واستنكار

رحب عدد كبير من الشباب بفكرة الزواج من عروسة صينية رافعين شعار " التغير مطلوب " واعتبروا انها ستكون سببا في " خفض " اسعار وتكالف الزواج في مصر , واكدوا ن الاباء سيدقون ناقوس الخطر من عدم الاقبال والطلب علي بناتهم مما يجعلهم عرضة للعنوسة , فتكون النتيجة التيسير في المهر والشبكة وغيرها من متطلبات الزواج .. فيقول محمد نشأت طالب ان العروسة الصينية هي فكرة جيدة لحل ازمة الزواج في مصر , فالشاب عندما يتخرج من الجامعة يظل يبحث عن عمل وان وجد , فإن عائده يكفيه بالكاد , مما يجعل العمر يتقدم به ولا بستطيع الزواج , وعندما تتيسر اوضاعه ويفكر في التقدم للزواج من احدي الفتيات يصطدم بواقع مرير ممتلئ بالمتطلبات والمغالاة في الاحتياجات , ويجد الفتاة التي تقدم لزواجها تضع شروطها التي تعتبر " تعجيزية " بالنسبة للكثيرين , اما الزوجة الصينية فهي غير مكلفة , وليس لديها اي شروط واية متطلبات , كما انها قليلة استهلاك الطعام , ولديها رغبة ان تعيش في اي مكان .

ويحذر احمد جمال حاصل علي بكالريوس تجارة الفتيات المصريات من هذا الغزو الصيني الذي سيقلل من فرص زواجهن , ويجعل العنوسة شبح "عملاق " يطاردهن , والسبب في ذلك " المظهرية " الكاذبة التي تملأ حياة معظم الفتيات ,قائلا "خلي البنات تخلل فى البيوت علشان اهلهم بيشرطوا ..

وسيد علي مدرس تخرج من الجامعة منذ 5 سنوات وعمل مدرسا باحدي المدارس الخاصة , فله تجارب كثيرة في الإقدام علي الزواج وفشلت جميعها , فهو مرتبه لايتجاوز 500 جنيه واستطاع بمساعده والده ان يجد شقة صغيرة مكونة من غرفتين وصالة , وكلما تقدم " لخطبة " فتاة انهالت عليه " سيل " من الشروط والمتطلبات , ويبدي " سيد " رغبته الشديدة في الزواج من فتاة صينية مادامت لاتغالي في الشروط , وهذا يمثل صفعة كبيرة لاغلب الفتيات المصريات " المتعجرفات " .

اما شيماء صادق طالبة فعبرت عن استيائها الشديد مما اسماه البعض العروسة الصيني مؤدة انها فكرة غريبة نوعاً ما على المجتمع المصري، ولكنها ليست غريبة على الصين التي تصدر لنا كل شيء من الإبرة للصاروخ، ومن يريد الزواج من صينيات فليذهب ولكن حياته الزوجية ستفشل لاختلاف اللغة والعادات والطباع والتقاليد ولن تستطيع الصينية التكيف مع الشاب المصري .

وتتفق معها سارة سعيد تعمل سكرتيرة باحدي الشركات الخاصة في ان العروسة الصيني لن تصلح مع الشاب المصري الذي يريد ان يأمر فيطاع , وتقول بتهكم "بضاعة الصين كلها مضروبة.. ياريت ما تطلعش العروسة كمان مضروبة , وقد تنشر أمراض جديدة في مصر"، ولذلك تنصح نهى الشباب وتقول لهم "خلو بالكم"

مؤشر غير ايجابي

أرجعت الدكتورة سامية خضر استاذ علم الاجتماع بجامعة عين شمس زيادة نسبة العنوسة في مصرإلى تفتح المرأة على المجتمعات الغربية وميلها لتحقيق استقلالها المادي والمعنوي إضافة لسعيها للتحرر الاجتماعي هذا إلى جانب تفضيل فئة منهن العيش خارج الروابط الزوجية التقليدية، مشيرة إلى خروج المرأة للعمل وتحملها مسؤوليات مهمة جعل سن الزواج يتأخر اضطرارا أو اختيارا أو يفوتهن قطار الزواج نهائيا, وشددت علي ان سلوكيات وتعاملات الفتيات مع الشباب اصبحت تتسم بالعدوانية والندية , ولم يعد الخجل الذي خلو من الضعف موجود في سلوكياتهن , ولم تعد الرقة المعهودة عن الفتيات متوافرة لدي معظمهن , كما ان مغالاة الاباء في المور المادية المتعلقة بالزواج له دور كبير في زيادة نسبة العنوسة , مما يجعل الشباب يرحبون باي بديل , حتي وان كان صيني .

وتعتبر الدكتورة سامية هذه الفكرة بانها حل مؤقت لازمة الزواج في مصر , ولكن انتشارها يعتبر مؤشر غير ايجابي قد يضر المجتمع بعد ذلك , معددة مميزات المرأة الصينية من خلال تعاملها المباشر معهن اثناء رحلتها العلمية الطويلة الي الصين واليابان , قائلة انها تأكل قليل جدا وتتسم بالبساطة في ملبسها ومظهرها , وتتميز بالاناقة والنظافة المبالغ فيها , كما ناها طباخة جيدة , والدليل علي ذلك المثل العالمي القائل " خادمة تايلاندية وطباخة صينية وزوجة يابانية " , كما انها مديرة جيدة لزوجها وتتمتع بالاخلاص والوفاء غير المتناهيين , وتتسم بالرضا والقناعة , ولديها قدرة علي تحمل الصعاب , والعيش في احلك الظروف .

وتلفت الدكتورة داليا الشيمي استاذ الاجتماع الي ان العروسة الصيني هي فكرة تأتي نتيجة العولمة الثقافية , لان دول شرق آسيا خاصة الصين تبحث جاهدة كيفية دخول مجتمعات دول العالم الثالث ويحتلوا اسواقها ليحققوا رواجا اقتصاديا واجتماعيا وثقافيا , فعندما توغلوا في الثقافة المصرية و تفقدوا الأحوال والأوضاع التي يعيشها الشباب وما ينقصهم وما يأملوا في تحقيقه , فوجدوا قبل ذك ان اهم مشكلة يؤرق الفتيات في مصر والعالم العربي هي غشاء البكارة , وان المصريين يربطون عفة الفتاة بغشاء البكارة , فحاولوا ادخال غششاء بكارة صيني الي البلاد , وعندما فشلوا تطرقوا الي مشكلة اكبر هي ازمة زواج الشباب , فكانت النتيجة محاولة غزو نسائي صيني لشباب مصر , لاعبين علي وتر الكبت الذي يعانيه الشباب , والكثير من الشباب في مجتمعنا أصبحوا يروا أن مثل هذا النوع من الزواج من جنسيات أخرى أبسط وأسهل ليتفادي ما يخوفه من الأوضاع الاقتصادية الصعبة من صعوبة الحصول على شقق وضعف المرتبات وارتفاع المهور لكنه في واقع الأمر فكر خاطيء لاختلاف الديانة والثقافة , مؤكدة أن غالبا ما تنتهي هذه الزيجات بالفشل , ويندم الشباب بعدها , ومن هنا ياتي دور الأسر المصرية منذ بداية تربية أولادهم أن تعتمد تربيتهم على القيم والانتماء والهوية الشرقية التي تخلق لديهم الفكر السليم لاختيار شريكة حياتهم.

غزو اقتصادي جديد

الدكتور محد السعيد استاذ الاقتصاد يصف فكرة العروسة الصيني بانها نوع من الغزو الاقتصادي الجديد , فالصين دولة رأسمالية كبيرة وتعداد سكانها يتجاوز المليار و300 مليون نسمة , فعندما تقدم علي خطوة فانها تعلم جيدا ابعادها وفوائدها ومنافعها , فتوريد عرائس الي مصر , هو الباب الخلفي للسيطرة علي الاسواق المصرية واسواق المناطق المجاورة في الشرق الاوسط , فمعني ان يتزوج شاب مصري فتاة انه يتعلم منها كل شئ , خاصة ان هؤلاء العرائس لديهن خبرة بك انواع الصانعات اليدوية , ومكوثها في مصر يعني انها سوف تعمل وتساعد زوجها بصناعات جديدة , مما يضر بالصناعة الوطنية , وخطوة تلو الاخري ومع مرور الوقت نجد الاسواق المصرية قد غرقت بالمنتجات الصينية , واختفت الصناعة الوطنية مما يؤثر علي الاقتصاد المصري , كما ان الزوجة الصينية تستطيع ان تعمل وتساعد زوجها ولا تحمله اعباء اضافية وتكاليف ليس لها فائدة , علي العكس من الزوجة المصرية التي لايهمها سوي المظاهر , " والفشخرة " والنفاق الاجتماعي , فالصينيات لديهن قدرة كبيرة علي العمل في اقسي الظروف والدليل علي ذلك انتشارهم في المحافظات النائية لبيع المتجات التي يصنعونها , لذلك اطلق عليهم البعص " النمل الابيض " لانتشارهم غير المحدود في مصر.

اما عن راي الدين فان الدكتور طه ابو كريشة الاستاذ بجامعة الازهر وعضو مجمع البحوث الاسلامية - يحذر الاسر المصرية من المغالاة في الشروط والمتطلبات , وعدم القسوة علي الشباب المقبلين علي الزواج , ويطالبهم بان ييسروا ولا يعسروا , اعمالا بحديث الرسول " اذا جاؤكم من ترضون دينه وخلقة فزوجوه " , حتي لا يدخل بناتنا في منافسة غير متوازنة مع الصينيات الذين سيكتسحون " سوق " الزواج في مصر في حالة دخولهم الي مصر , وسيساعدهم علي ذلك الظروف الصعبة التي يعاني منها الشباب الذي يرغم في الارتباط والاستقرار , ولا يعترض الدكتور ابو كريشة علي الزواج من صينيات ولكنه يؤكد علي ضرروة ان تكون مسلمة او من اهل الكتاب , اما اذا كانت ليست من اهل الكتاب وليس لها ديانة , فلا يجوز الزواج منها حتي تدخل الاسلام وتصبح مسلمة , ولكنه يخشي من عواقب انتشار هذه الظاهرة في المجتمع .

أيه رأيكو؟؟؟
الواحد ابتدى يحس أنه بقى صييينى
العروسة الصينية .. هل تصبح الحل لأزمة الزواج في مصر ؟ Icon_sad

لاحول ولا قوة الا بالله

رأيي ايه بس؟؟؟؟؟

خلى اهالى البنات يفرحوا

وعلى فكرة الحكايه دى مابقتش في مصر بس

وفى رجاله كتير اتجوزا فعلا صينين وكمان بنات اتجوزوا رجال صينين

ولاتعليق
.........................

ليه ديما بنحكم علي التجربه بسرعه وقبل مانشوف النتيجه
مش ممكن تنفع ونشوف جيل جديد افضل من الي موجود
وبعدين العروس الصينيه مش بتكلف كتير مش في الفرح والمقدم والشبكه
لا دي بتوفر كمان في حجات كثير تلاقي لبسها صغير واكلها صغير وكلمها اقل وملهاش كثير في نكد ستات مصر
وبعدين ده هيسهل للشباب الزواج وكمان الي اتجوز ومحتاج للتغيير ممكن يجمع مع مراته زوجه صينيه
وكمان دول شطرين جدا وليهم صفات كثير حلوه
ليه بس الحقد بتاع الستات المصريه ههههههههه

طب يالا ورينا شطارتك واتجوزلنا واحدة صينية
واحكى لنا على رد الفعل يابطل
والنبى ما هتلاقوا زى الزوجة المصرية
هى صحيح ساعات بتكون نكدية
بس خفة دم متلقيش زيها
روح وحلاوة ما بعدها
شاطرة ولهلوبة وبتعمل من الفسيخ شربات
هو أنت متجوز والا بتدور على عروسة وبتشاور عقلك؟؟؟

شفتي انت فهمتيني غلط انا بتكلم عن العولمه ولا انت ضد العولمه هههههه
وبعدين الفكره قيد البحث يعني داخل المختبر
وممكن تنجح وممكن تفشل
انا اخر حاجه شفتها ان مدينه دمياط بكل مافيها من تجاره اخشاب والموبيليه ومنتجات اتصدرت الي جميع دول العالم
وعلي اعلي مستويات من الجوده
بيشتكي اهلها من انتشار الموبيليه الصيني شفتي وصلو لحد فين لدمياط
ومش عارف هيوصلوا معانه لحد فين بس دي مشكلتنا وبندفع الثمن

sixm2005 كتب:: بس دي مشكلتنا وبندفع الثمن

صح انا مع الجمله دى جدااااااا قلبا وقالبا

اسمحولى هارجعلكم تانى

أأأأأه أنت كده هتفتح علينا فاتحة ربنا يستر
أم عبد الرحمن هترجع تانى بتقولك
وبرضوا أنا وغيرى من اللى هيولعوا من تصرفات البلد الغبية
أحم أحم اللهم اجعل كلامنا خفيف عليهم يامخ
أجدع بلد وأجدع ناس
بس أحنا للأسف أتولدنا وراضعين لبن عقدة الخواجة نعشق أوى بتاع بره
وكأن بتاع جوه ده كوخة متفهمش ليه
طب أقولك حاجة عرفتها
بتوع الصين دول ولاد اللذينة بيجيبوا منتجاتهم من عندنا ويحطوا عليها تكت صنع فى أى بلد الا أيجيبت
هههههههههههههه
ولاد لذينة واحنا يا فرحتنا نجررررى الله هات وجيب
مش بقولك خايفة نتقلب صينيين
ياأخى الفاضل دول بيروحوا لحد البيوت الساعة 12ص وتخبط وتقولك فيه ماما أو بابا أنا فيه بيع؟؟؟
يالهوتينى ليه هى حبكت
لا وأيه مش بس كده
دول بيجوا واحد وواحدة الواحد جاى يحلق لبابا والواحدة لماما
ههههههههههه
أنا العمارة اللى ورايا كلها صينيين عاملين الدور الأول مشغل تخيل
وتقولى دى مشكلتنا وبندفع التمن
ااااااااااه كفاية احسن أنا عندى عيال محتاجينى أربيهم
وسك عالمشروووووووب

وأبقى طمنى علييييييييييك
أنما مقلتليش يا مخ أنت متجوز والا أيه نظامك
عندى ليك عروسة مجرية أنما أيييه قشطة
ههههه
موبيلات بقى ها

لاحول ولا قوة الا بالله
سياسة الاغراق وصلت العرايس
طيب ده برضه تبع اتفاقية الجات
ولا اتفاقية المغات .. على وزن التبات
والنبات والخلفه صبيان وبنات ، يعني في خلال سنين مثلا حتلاقي المصريين عينيهم ضيقه وشعرهم سايح ولونهم اصفر ، والله زمان يا جنكيز خان ، بصراحه لازم المصريات يلحقوا نفسهم ومن دلوقتي احسن العملية فيها اغراق ، يعي الحلول موجوده وده من واقع الحياة احسن العملية تبقى اخص من الصيني ويبى تاخد عروسه وواحده عليها هديه ، ممكن تكون اختها مثلا أو بنت عمها
والحلول دي تتلخص في الآتي :
اولا : رجوع الواقعية للبيت المصري وبلاش تقاليع والنبي .. انا سمعت ان جهاز البنت بيكلف ابوها الاف وجوزها مئات الالاف وحتى الجهاز اصبح فيه مثلا 12 فوطه مش عارف ليه مع ان امها متجوزه بفوطه واحده .. ده علىسبيل المثال لا الحصر .. لأن العملية دي مش تنطبق على الفوط بس دي انسحبت على لايات السرير بالدسته والمخدات والاطباق والأطقم وكأن العريس والاعروسة داخلين سباق في تخزين السلع والمحلات عمالة تبيه ايش طقم المونيوم وطقم تيفال وطقم اجل بالميناوطقم استانلستيل وطقم صيني .. لأ طقمين او ثلاثه ، بذمتكم ده شئ واقعي ، ده اللى محتاجه البيت ولا هو تخزين وخلاص ، والمصية ان في مصر الحاجه مولعه نار والناس بتولع على الشباب اكتر واكتر وكأنهم في سبا مع الشيطان ، وبيقلوا للناس ما تتتجوزوش ومشوها عرفي .. يعني الواحده لازم تدخل بعشرين طقم وصيني وملامين وكريستال ، وامها اصلا متجوزه بحله نحاس وطشت غسيل ومعلقتين .. يا ناس خليك واقعيين .. والله اللى بتعملوه في مصر ما بيعملوه في امريكا ، وانتم والحمد لله على فيض الكريم .. مابلاش فقر وعنظة ..
ثانيا : الحكومة زم توفر للشباب فرص للسكن لأنه اول عائق امام الشاب للزواج مش مشروعات لسكن الشباب يوصل فيها الشقة لسعر الشقق الفندقية ويعدي المائة الف جنية بمراحل طيب شاب لسه متخرج حيججيب منن ولو دفع كل شهر الف جنيه ولا 800 زي ما بيقولوا حيعيش حياته منين وكم يتبقى يه
ثالثا : اهم حاجه بأنه حتلاقوا فيه فرق بين الصينين والمصريات ايه ، اولا لا حماه تنكد عليك عيشتك ، تسمم حياتك ، وتقعد صفراوية كده مش طايقه نفسها وكأنها مدياك جوهرة ، وبنتها اصلا ما كانت تنفع لا في جواز ولا دياولوا والحما التانية قاعده لمرات ابنها كأنها مدياها الديك الرومي والحيلة والنيلة وعماله تتشرط وتقولك حتاخد ابني مني ، طيب خليه قاعد جنبك ، والنبي زي ما لقوا حل لمشكلة الشباب وجابو لهم عرايس صينيات ، حيحيوا مشكلة البنات برضه ويجيبوا لهم عرسان من تايوان ولا من كوريا ، ومفيش حد احسن من حد

ياناس

شويه رحمة ، وشويه عقل ..وشويه واقعية .. اللى بيتعمل ده غلك ومش حتلاقي من الصين جايين ، لأ حتلاقيوا بعد كده العرايس اللىجايين من القمر ارخص من بتوع مصر .. والناس بعدكده تقعد تشتكي بعد كل اللى بيحصل ويقولك الحاجه غالية ومش عارف ايه ،
مشوها فوطتين وملايتين سرير وبعد الحواز يشتروا اللى عاوزينه
ده لو مش عاووزين المصريين يبقوا احفاد جنكيز خان وهولاكو ومش شايفين اكمن عينينهم ضيقة

مصطفي باشا
كلامك رغم أنه ممزوج بالفكاهة لكنه حقيقة في كل جوانبة
سواء لغلاء المهور والتكاليف في جواز المصريات
أو في بنات الصين التي فعلا لو أخذ هذا الموضوع المجري الفعلي لحلت المشكلة
لكن سيكون علي حساب المصريات
ووقتها لن ينفع الندم
وخد دي بأه
جاءت صينية تبيع أدوات داخل عمارة مصرية وهذا يحدث هذه الأيام
تحمل الصينية علي ظهرها شنطة بها البضائع التي تريد بيعها
فضحكوا معها البنات في العمارة
فقالت لهم ضاحكة
عندي عرسان ليكم صيني عسل
ومسلم كمان
فالامر قد يكون نكته اليوم
لكن قد يكون واقع غدا مثل كثير من الأمور
دمتم لنا سالمين

للأسف الكلام ده صحيح 100%

كنت بقول الاول البنات مابتصدق تلاقي عرسان (وزمن ال7 او ال8 عرسان في يوم واحد ده ولّي)

وخلص خلاص

والواحده صعب ترفض عريس مناسب جاى ليها والاهالى اللى عندهم بنات لازم تتنازل ولازم تسهل الامور كتير والاهالى اللى عندهم رجاله بيقولوا على نفسهم (معانا الجوكر) ههههه

بس انا لقيت ان كلامى طلع عبط اوى بالتجربه الدنيماركيه الامريكيه العمليه

هاقولكم ازاى ونتحسر بقه:
الاول انا بقالى فترة بلعب انا دور العروسه اللى بيجيلها العريس
(صحيح مش لايق عليّه) بس ماعلينا

طبعا ابرورتى مستغربة عليّه كلمة عروسه دى

المهم

حطيت نفسي في الجهه التانيه

طبعا مقصدش ان انا بقيت عريس واتحولت هههههه لا....
اقصد بقيت اروح مع اخويا لما كان بيخطب وعريس للبنات اللى بيعملوا زيي عروسات ههههههههه

طبعا ببص فى وشهم وشكلهم وبفتكر نفسي والدور المتخفي اسكت واضحك
المهم لقيت ان الاهالى فعلا مستصعبين الامر على نفسهم وعلي اللى جاى لهم

مانكرش ان اخويا مش لقطه مليون في الميه بس برده عريس مناسب جدا واانكرش برده ان ليه تحكمات انا نفسي ارفضها لو عريس وجايلى بس برده مش مستحيله
المهم هو كان يتمنى ويحب يرتبط بواحده مابتشتغلش مثلا عشان البيت والاولاد وعلم جرا.....

الأهل اللى عندهم بنت لسه صغنونه يعنى عندها 22 سنه او 23 .. المهم معدتش ال25 تلاقيهم متأنزحين اوى ويقولوا هايجي اللى احسن منه وفي ناس تقول مش مهم مفيش نصيب المهم جالها فلان الفلانى ويتباهو بالمراكز والناس اللى جت لبنتهم

ويروح عن البنت شباب كويسه جدا عشان (مثلا) مش عاوزة تطول طرحتها شويه وتقول متزمت او عشان عاوزها تسيب الشغل او تشتغل شغلانه فيها اوقات اقل وتقول لا ده مستقبلى وناس تقول .. لا ده كبير عنها وهى لسه صغيرة والفرق بينهم ممكن لايتعدى الـ8 سنين

وفي ناس تقولك.. مهره وفلوسه اللى عاوز يتجوز بيهم قليل وكمان ده ناوى يتجوز بعد سنه ونص وسنتين واحنا عاوزين نخلص .. احنا عاوزين اللى يجي يكون جاهز يشييييييل
صدقونى الكلمه دى اتقالت لنا فىمره.. تخيلوا نفسية البنت تكون ازاى؟؟؟
وحاجات كتير اوى

انا كل ده بكلمكم على الحاجات دى بعد نقطه مهمه جداااا
وهى نقطة التفاهم والقبول
يعنى يكون حصل تفاهم بين الطرفين والحاجات دى هى اللى توقف الموضوع

وفى موضوع جديد عند العرايس ظهر

وهى موضوع (الذمّه الماليه)

في ناس بتقول من حقها تدور على نفسها ويكون لها فلوس خاصه وكمان لها شغل خاص وحياة خاصه امال كل حاجه تتاخد ؟
طب ازاى ماهو فى الاخر بيكون بيتها وفي اولادها وغصب عنها بتضطر لما بيتها يحتاج تحط فيه من مجهودها ووقتها وفلوسها ليه .. عشان نقول هايبقي فى ذمه ماليه منفصله او بيت معين مشترط المعيشه فيه او حاجاتى وحاجاتك.. بعد الجواز صعب

طب ماهى نفسها مش بتئتمن نفسها معاه ورضيت بيه؟
في ناس تقدر تتصرف وتحل المعادله دى وتلتزم بيها

انما هى مش قاعده ولا اساس.. ولا كمان شروط بتتحط فى بنود لان فى حاجات كتير بتتغير فى الجواز

وفي حاجات للاسف ماتنفعش فى الزمن ده لان فى شباب محتاجين بنات تشتغل ويساعدوا بعضهم وهكذا

طولت عليكم .. اسفه.. لكن حبيت اوريكم اكتر من عينه

وخلى الشباب يقولوا عاوزين صينيات احسن وساعتها لهم حق
واوعى ياابرورتى اسمع اللى بتقوليه في سرك ده

(ان الشيطان يعظ)
هههههههههههههههههههههههههه

وحياتكم انا شايف ان الزواج وخصوصا في الايام الحلوه دي مشروع فاشل بكل المقاسات
غرامه وفلوس وتكاليف وارهاق للعلتين وبعدين يادوب كام شهر وتلاقي الحلوين بنهم مشاكل ويحدث الطلاق
ودي حاجه كترت اوي الايام دي
بس مش عارف مع الصينيه هتكون التجربه فشله ولا ايه

أنا شفت مقطع فديو يامختار
علي الزواج من المرأة الصينية
أذا وجدته سأضعه في الموضوع إن شاء الله
يقول إنها
مرنة
لاتأكل كثيرا
تعمل بالريموت
قطع غيارها متوفرة
غير مزعجة
فيمكنك أن تجعلها صامته
وممكن أن ترمجها بكلمات معينة
في الحاله دي
الزواج بها مشروع جميل
وخاصة بيقول عليها هدية
خلاط

اه كده الكلام
وانا في انتظار الفيديو ياريس

ههههههه والله لو عملولها أيه
الست هى الست أينعم مفيش ست تفوق الست المصرية
لكن فى الآخر اسمها ست
هتاخد لك يومين حلوين وبعدها هتغنى
بكرة النكد بككككككرة
هههههههههههه
البلدى يوكل يا مختار أنت وباهى
عاوزه اقعدكم على شزلونج واشغل لكم موسيقى
واطلع اللى جواكم تجاه زوجاتكم ههههههه
تفتكروا هلاقى حاجة؟؟؟
ههههههه
نورتونى والله وتعليقاتكم على موضوعاتى بتثلج صدرى وبتنعنشنى
بانتظاركم دايما
وكل سنة وانتم طيبين

» الزواج في مصر على مر العصور
» نصائح للمقبلين على الزواج
» كيف نحمي الزواج من الانهيار؟
» خاتم الزواج ينطق بقصايد حب أبلغ من الكلام