ايه رأيكم فى المكياج

السلام عليكم ورحمة الله وبركاته

البنت من صغرها بتبان أهتمامها بنفسها وبشكلها وتحب دائما تقلد ماما .. وتجيب لعبها عروسه تسرح لها شعرها وتلبسها فساتين وتهتم بأنوثتها
وتقف ادام المرايا تحط روج شويه .. تحب تجيب فيونكات واكسسوارات

وتسرح شعرها وتحط برفان وتلبس فساتين منفوشه وتحب كل اللى حواليها يعاملوها كأنها ليدى رقيقه وأمورة طبعا

.....

ولما بتكبر...... اول حاجه تستناها لما ماما تديها الاذن انها تبدأ تحط مكياج وتحب تاخده طبعا من حاجات ماما الكبيرة .. وتلبس من عندها حاجاتها

وغالبا ده بيظهر قبل ماتروح الجامعه وتتحايل عليها انها تحط حاجه فى وشها او تديها ايشارب او بلوزه تقولها لا لما تروحى الجامعه انتى لسه فى ثانوي واعدادى
تقولها البنت انا كبرت خلاص لسه هاستنى الجامعه؟..

ماما تقولها ابدااااا عيب ......

الكلام ده كان قديم ومن زمان والامور اتغيرت ؟؟ ولا لسه موجود؟

أنا عن نفسي والدتى قالتلى قبل تالته جامعه ممنوع اى مكياج يتحط على وشك.......
قلتلها ولا يهمك.. لاتالته جامعه ولا رابعه كمان ولاتزعلى...

بس طبعا التقليد كان ليل نهار.. وخصوصا ان فى اخوات كبيرة

............

فى الاعتبار ان في قدوة ام واب .. وتربيه .. التربيه على الدين قبل السلوك ....... وعشان نقول حرام المكياج ولابد الحجاب ونمنع اى فطرة للأنوثه جوّه بناتنا. يبقي غلط فى حقهم
ولو قلنا الحجاب والمكياج مش هو الدين والبنت تعمل اللى هى عاوزاه مدام هى محترمه وتحافظ على نفسها يبقي بنضحك على نفسنا

الزمن التغير والاوضاع اتغيرت والاجيال كمان اتغيرت

ولو عندك انتى بنت او انت كأب

صغيرة وبتشوف ماما طبعا حاطه مكياج بره البيت او جوه.. طبعا هى بتفرق.. انما وقتها ماتفرقش عند البنت لانها لسه صغيرة

المهم هاتقدري تسمحى لها انها تستخدم أول صابع روج مثلا امته؟
هل لازم تكون في الجامعه مثلا؟

وانتى ابتديتى تحطى مكياج امته؟؟؟؟؟؟ وكان ايه احساسك ؟

ولو عارض قرارك مع والدها؟ ايه يكون رد فعلكم تجاه البنت؟

وأيه رأي الاباء فى الموضوع ده؟ تحب تسيب الموضوع للأم انها تعالجه وتتعامل هى معاه ولا تحب تتصرف انت كمان فيه .. وخصوصا لو لقيت بنتك مثلا بدأت تاخد بالها اوى من نفسها وتحط بشكل كتير وكبير وملفت؟
وفي سؤال تانى خاص للمرأه والرجل بشكل عمومى؟

بتحبى تحطى مكياج ومهم بالنسبه ليكى؟
وللراجل:
بتحب شكل المرأه بالمكياج ولا ماتفضلهوش؟
انا اسمع كتير ان الرجاله مابيحبوش شكل المكياج خالص على المرأه ورغم كده لما بيشوفوا واحده حاطه مكياج بتلفت نظرهم جدا.....

أيه رأيكم في الموضوع ده؟
أحب انتظركم وانتظر أرائكم سواء لبناتكم او ليكم

:
موضوع جميل
وفكرة جديده
انا عن نفسي مش من محبي المكياج اوي يعني
وبستغرب من البنات عندنا في الجامعة
بيحطو مكياج كتير
بس انا بشوف ان المكياج الكامل ده
لو الواحده رايحة سهرة او في مناسبة او فرح
ماشي
وبرضو كل ما يكون المكياج رايق كل ما يكون احلى

اما بقى
عن بعد كده لو بقى عندي بنت

اكبد مش هخليها تحط مكياج وهي صغيرة
يعني على 18 سنة او 17 وبرضو هادي وخفيف

ومرة تانية عايزة اقولك ميرسي على الموضوع الجميل ده

كلام جميل وموضوع رائع
وسأقول رأيي بصراحة وببساطة
بالنسبة لي لا أحب المكياج
وحتي في الأطار الأسري
أحب الكياج الذي يضاهي الطبيعة
مثلا خدود وردية ولمسات تعالج فعل الزمن
لكن لأن تضع ألوان صارخة
من وجهة نظري هذا رسم لوحات وليس جمال طبيعي
وبالتأكيد لن اسمح لبناتي في أي سن
بالخروج بالمكياج
في حين أسمح لهم قبل مرحلة البلوغ
بلبس ما يروق لهم وترك شعورهم للبنس والتوك
حتي يحصلوا علي الأشباع
وعند البلوغ قادر بفضل الله علي أقناعهم بالألتزام
أن لم يقتنعوا هم بانفسهم وهو الأرجح
والله الموفق

انا برده ياثلوج نزلت الجامعه في عين شمس اتصدمت من منظر البنات ومكياجهم وحتى عندنا هنا فى المحافظات بشوف البنات بيحطوا بشكل غريب جدا رغم ان البساطه فى كل شئ جميل اوى

وانا معاكى فى السن ده للبنات واكتر كمان شويه والافضل اننا نحببهم فى البساطه فى كل شئ مش المكياج وبس

أنا بشكر وجودك ولحوارك حبيبتى

احترم وجهة نظرك جدا استاذ باهى وربنا يعينك على البنات وتربيتهم

هى صعبه لكن برده مخيفه لو حد بصلها بعين الاعتبار

المهم التربيه الاوليه والبيئه اللى بينشأ فيها الطفل

أنا شوفت أطفال والله فى سن 4 و10 بيتفرجوا أدامهم على قنوات غير مشفرة لأفلام ؟أجنبيه

وعجبتنى فطرة الاطفال جدا لما لقيتهم بيخبوا وشهم من منظر مخجل لكن برده اشفقت عليهم لأنى عارفه ان من كتر المناظر دى بعد كده هايبصوا عادى على التلفزيون وهايعتبروا ان الامر ده حاجه طبيعيه وعاديه

وحزنت على الفطرة اللى ربنا حطها فيهم

بشكر وجودك حضرتك اللى نورنى

موضوع المكياج بالنسبه للمراه الوحشه ممممممممممممم يعني ممكن يعمل حاجه لو كان بشكل جيد
لكن المراه الجميله مش محتاج اي مكياج
وكانت امي الله يرحمها تقولي الحلو حلو لو قام من النوم والوحش وحش لو حط مكياج كل يوم
وانا مع راي الاخ باهي في وضع بعض اللمسات القليله ويمشي حلها
ام عبدالرحمن موضوع جميل وتسلم الايادي