تشرب قهوة مع مين (لعبة جديدة )

طب انتى من مشجعى ايه وانا اشربه معاكى
المهم ندردش سوا
ايه رأيك؟؟؟

والله موضوع القهوه ده موضوع يكيف الواحد
وانا بحب القهوه جدا بس مش بعرف اعملها كويس
وده هيترتب عليه اني اكون معزوم
ومش عارف مين بيعمل قهوه جميله وبوش
وعندي كل الاستعداد اشربها مع اي حد بس يعزم بقلب جامد
وانا موجود

ياسلام دي هتكون اجمل قهوه وخصوصا انها من ايدك
وياريت مع القهوه نتكلم في احوال الدنيا والناس ونشوف العالم الي حولينا بيمشي ولا ايام وبتعدي
ونشوف ايه ممكن نتعلمه من تجاربنا وتجارب الاخرين في النجاح والفشل
وياريت نتكلم في بكره وانت بتعملي فنجان تاني كمان هيكون الكلام سكر زياده او مانو زي مابيقولوا

صباح الخير عليكم استنونى على العزومه كله الا القهوه والنسكافيه والمزاج والبن المحوج والوش

أنا بلا فخر خليت ناس من عيلتى ادمنوا القهوه من بعد ماكنوا مابيطيقوش حتى ريحتها وحتى في ناس دخلت جديده العيله وبيطلبوها منى مخصوص .. الغريبه انهم بيقلولى انتى بتحطى فيها حاجه بيضا تسحر اللى بيشربها

الحمدلله بعرف اظبطها كويس عشان كده اسمحولى بأكبر طقم قهوه ليكم كلكم يعنى لحبايبي وعشان كده هايطلع نفسي حلو فيها عشانكم بس .. واكيد لازم اظبطها لاستاذ مختار بما انه مابيعرفش يظبطها وكمان هاتبقي بوش وتقيل كمان

واستاذ باهى لو بيحب المحوج يبقي من عينى واكيد ابرورتى الحلوه هاشربها أحلى قهوه داقتها في حياتها ومش هاسيبك ابدا ياثلوج الا لما تتعلميها كويس اوى عشان احنا كان عندنا اعتقاد زمان في مصر ان اللى بتظبط القهوه وتعمل الوش حلو يبقي ست بيت شاطرة .. وبينى وبينك هى دى الحاجه الوحيده اللى بعرف اظبطها في البيت كله ههههههه

أماسي دوقي قهوتى ومش هاتندمى

اما استاذ مصطفى الكبير هاقدمله القهوه وانا طبعا مرعوبه انها ماتعجبهوش بس هايبقي اختبار حقيقي ليّه

المرة دى عزومه ببلاش عشان تدمنوا قهوتى المرة الجايه بفلوس هههههههه

وانا معاكم في كل مواضيعكم وصباح الفل والمزاج على كل الموجودين

ثلوجتى الحلوه تسلم ايديكى عل قهوتك وموضوعك الجميل

هي دي أم عبد الرحمن بتاعة النهاردة وبتاعة زمان

الكريمة الودودة بارك الله فيها

اقتباس :

واستاذ باهى لو بيحب المحوج يبقي من عينى

تسلم عينك يارب

وفعلا أنا بحب البن المحوج

وأشرب الفجان قبل ما المسه من منظره الخارجي ورائحته

فبارك الله فيك وأدامك لنا وللمنتدي

اليوم لم أذهب للعمل أخذته أجازة علشان الأنتخابات التي تجري اليوم بخصوص مجلس الشعب المصري أحب أتابعها وأرصد ما فيها
فتمنيت أشرب فنجان قهوة مع أخي وصديقي مختار
أهنئه مرة أخري بعيد ميلاده وأتحدث معه عن الأنتخابات