ليه!! ليه !! ليه كده....

صديقاتى واصدقائى
سمعت كلمات عجبتنى اوى
وانا بسمعها لاقيت نفسى بكلم نفسى
بجد احنا بقينا كده ولا ده كلام اغنيه وخلاص
حبيت اقولكم نفسى قالت لى ايه
وايه الى فكرت فيه
تعالوا معايا كده وشفوا اللى سمعته
...........................................................................
حوش اللى وقع منك..........قبل ما يتسرق منك
وخلى بالك من اللى معاك......لكل حاجه تضيع منك
وحاول تفوق بمزاجك .....بدال ما تفوق غصب عنك
دا أحنا بقينا ياصاحبى فى غابه.....فيها ملايكه وفيها ديابه
كل يجى مليون غدار......بتقابل لك عشره غلابه
اللى بياكل حق التانى
واللى بقى من جوه انانى
واللى بتضيع منه حاجه
ما بترجعلهوش تانى
الطيبين مننا اتظلموا من الخاينين
ونسينا ليه كلنا ان احنا بنى ادمين
عايشين نخون جوانا لون وبره لون طيب اوى
الكل تاه جوة الحياه وقلوبنا ااااااااااااااااه تعبت اوى
دا أحنا بقينا ياصحبى فى غابه.....فيها ملايكه وفيها ديابه
كل يجى مليون غدار......بتقابل لك عشره غلابه
اللى بياكل حق التانى
واللى بقى من جوه انانى
واللى بتضيع منه حاجه
ما بترجعلهوش تانى

كلمات ممكن تقولوا انها عاديه على كتير من الناس
انما ممكن اكون فكرت فيها من نواحى كتير اوى
هل فعلا فيه ناس كده
بناخد حق غيرها
وياريت على كده وبس ............
لالالالالالالالالالالالا
ادول كمان بيستحلوه ليهم وبيقولوا ده بتاعهم همه
يااااااااااااااااااه
معقول فى كده معقول
بقوايستنوا اما حاجه غيرهم تقع علشان ياخدوها
معقول
للدرجه دى بقوا فى زمن صعب اوى كده
وحش.....غول....بياكل اللى يقف اودامه لو كان عضمه لين ما لوش ضهر يتسند عليه
بقى القوى ياكل الضعيف
الكبير بيطغى على الصغير
ليه .............وعشان ايه ده كله
احنا خلاص بقينا فى غابه
بقينا عايشين فى دنيا كلها وحوش
ايه اللى جرالنا............ايه اللى احنا فيه ده
وليه كده
علشان ايه...... دنيا فانيه..........فلوس رايحه مش جايه
ولا عشان متع زايله
ياااااااااااااااااااااااااااه
حاسه انى عايزة اصرخ واملى الدنيا صراخ
ياااااااااااااااااااااااااااااااااااااااااااه
بنخسر بعض ليه وعشان ايه
ليه بقى فينا طبع الغدر
ليه بقى فينا طبع الكراهيه وزايده عن اللازم كده
ليه بنبص للى فى ايد غيرنا وكأننا عايزينها تزول منه وتبقى لينا احنا وبس
ليه الاخ بياكل اخوه
ليه يستغنى عن امه وعن ابوه
حتى الاخت مهما كانت مرتاحه ومبسوطه بتحسد الاخت على عيشتها
حتى الخيانه بقت طبع او بقت لازمه للكل يتعامل بيها
اللى بيشتغل مع واحد ممكن ياخد منه شغله
الصاحب لو حس ان صاحبه هيترقى
يقول لالالالالالالا
انا لازم اخدها منه
ونسى الصحوبيه والصداقه فى ثانيه
كأنها لم تكن
ليه؟
ليه؟
ليه؟
اسأله كتير اوى بتدور جوايا
منها اللى محلوله
ومنها اللى مالهاش حل الا بتغير الطبع
وبيقولوا فى الامثال
ما يطلع الطبع إلا بطلوع الروح
يا الله
ارحمنا ..................اغثنا.................ارفع مقتك وغضبك عنا
ليه ما نحبش بعض
ليه ما نقفش جنب بعض
ليه ما نسالش على بعض
نفسى الاخ يرجع يقف جنب اخوه والاخت كمان
الصاحب يبقى وفى لصاحبه
نعيش حبايب جيران واقارب
.......................................
ياترى بردو لسه بتقولوا ان الكلمات دى عاديه
وما لهاش اى اهميه
.....................................
بعتذر لأن الموضوع باللغه العاميه
لانه جالى كده
ولازم طبعاً أشرككم معايا فى اللى قريته
وتعجبت منه..أيه رأيكم؟؟