ثلوج دافئة على كرسى الاعتراف (1)

اخوانى واخواتى
اعضاء المنتدى الكرام

اهلا وسهلا بكم مع اولى ضيوفنا ....

على كرسى الاعتراف ( 1 )

ولاول مرة ... وحصريا فى هذا المنتدى ، وفى هذا المكان

انتم الان على موعد باللقاء المباشر مع ....

مع زهرة من زهور المنتدى ...

مع ...

واحدة من اسرة خواطرنا ...

مع ...

عضوة استطاعت ان تفرض نفسها علينا ـ بمجهودها الواضح ، ومتابعتها الجيدة .

مع ...

احدى عناقيد خواطرنا الرائعة ...

مع ...

شخصية انا شخصيا رغم اعجابى الشديد بها ـ الا اننى حقيقى اشعر بقشعريرة البرد تنتابنى وانا اذكر اسمها .

الا انها باحساسها الدافىء تعوضما كثيرا عما يشعرنا به لقبها .

مع ...

ثلــــــ دافئة ــــــــوج

وجها لوجه ...

انت تسأل وثلوج تجيب ...

انت تستفسر ووثلوج تفسر ...

انت هنا وثلوج معك ...

ونحن فى انتظار اسالتكم واستفساراتكم ... لكل ما تريدون معرفته .

واهلا بضيفتنا الرائعة ( ثلوج دافئة ) على كرسى الاعتراف لمدة اسبوعين من الان .

وللحديث بقية ... ان كان فى العمر بقية

مع خالص تحياتى لكم

ودعواتى لها

جمال شحاتة

ثلوج دافئه الحبيبه...
بدأ كرسي الاعتراف بيكي
وتحت جهاز الكشف عن الاعتراف والاقرار...
ابعتلك احلى تحيه واجمل سلام..
واهنئك بأول نجاح لكى معانا فى المنتدى..
شكرا لك استاذ جمال لأنك اتحت لنا فرصة التحدث مع ثلوج دافئة..
عاوزه اقولك ان بالرغم من الفترة القصيرة اللى اتعرفنا على بعض فيها لكن حبيتك اوى.. وحسيت انك اخت صغنونه ليه وجميله وصديقه ممتازه..
وطالبه (للأسف) شاطرة وبتجيب مجموع حلو..
بس ماتخافيش هاعوضهالك التيرم الجاى مش هاسكت..
قلتلك يابنتى خاصمينى ..
نورتى كرسي الاعتراف ياسكر....
واببدأ بأول سؤال ليكى:
احكيلنا عن نفسك وشخصيتك ورؤيتك ليها..
يعنى مثلا لما بتبصي فى المرايه بتقولى ايه لنفسك..
نقدك وتشجيعك..
احكيلنا عن شخصيتك وقربينا منها..
وهارجعلك تانى استنينى

العزيز جمال شحاته

اشكرك بشده على الكلام الجميل ده
بجد احرجتني
ويارب اكون زي ما وصفتني بجد

وان شاء الله يكونو اسبوعين حلوين
وانا في الخدمه

ثلوج بنفسها منورانا
يا ميت أهلا وسهلا بيكِ حبيبتى
drunken

يازين ما اخترت يا جمال
بجد
مفاجأة حلوة
Laughing

أنا بس هرحب حاليا
لكن هرجعلك تانى ومعايا أسئلة حلوة زيك
لى عودة ان شاء الله
منورة يا حبيبة قلب المنتدى وحبيبتى أنا Wink

شخصياً

ام عبد الرحمن

]ثلوج دافئه الحبيبه...
في الخدمه
بدأ كرسي الاعتراف بيكي
اه شفتي
في وش المدفع ياعيني عليه هههههههه

وتحت جهاز الكشف عن الاعتراف والاقرار...
لا من غير اجهزة انا هقول على كل حاجه
ابعتلك احلى تحيه واجمل سلام.
ميرسي
وانا اردها بأجمل باقه ورد
واهنئك بأول نجاح لكى معانا فى المنتدى..
اشكرك
شكرا لك استاذ جمال لأنك اتحت لنا فرصة التحدث مع ثلوج دافئة..
وانا استغل الفرصه دي علشان اشكرو تاني على الترحيب الجميل ده

عاوزه اقولك ان بالرغم من الفترة القصيرة اللى اتعرفنا على بعض فيها لكن حبيتك اوى..
وانا والله
وحسيت انك اخت صغنونه ليه وجميله وصديقه ممتازه..
ده شي يشرفني
وطالبه (للأسف) شاطرة وبتجيب مجموع حلو..
هههههههههههههه عديهالي بقى
بس ماتخافيش هاعوضهالك التيرم الجاى مش هاسكت..
ربنا يستر
قلتلك يابنتى خاصمينى ..
مقدرش ههههههههههه
نورتى كرسي الاعتراف ياسكر....
منور بوجودك
واببدأ بأول سؤال ليكى:
اتفضلي
احكيلنا عن نفسك وشخصيتك ورؤيتك ليها..
اممممم
انا بنت عاديه
زي اغلب البنات في السن ده
فيها مميزات وعيوب
ومقدرش احدد ايه اكتر من ايه
انما لو عايزة الصفات البارزة اوي
مرحه
يعني بحب اضحك
عصبيه نوعا ما خصوصا قدام الناس الي بحس انها بارده شويه
وطموحه
يعنى مثلا لما بتبصي فى المرايه بتقولى ايه لنفسك..
بقول ايه الحلاوة دي
كل شويه بتحلوي يابت
هههههههههههههههه
بفكر ازاي ابقى احسن
وابقى حاجه كويسه
نقدك وتشجيعك..
نقدي اكيد عن حاجات ضيعتها من ايدي
بسبب التسرع
لو حاجات مكنتش كويسه فيها
تشجيعي:
ان انا لما احط حاجه في بالي بأذن الله بقدر احققها
احكيلنا عن شخصيتك وقربينا منها..
مقدرش اقولك شخصيتي مثاليه
ولا سيئه
لكن بين البينين
حل وسط يعني
وهارجعلك تانى استنينى
مستنياكي
تنوري في اي وقت

عاشقه الوهم

cheers

ثلوج بنفسها منورانا
ايوة انا هنا
النور نورك Smile

يا ميت أهلا وسهلا بيكِ حبيبتى
وبيكي
drunken

يازين ما اخترت يا جمال
بجد
مفاجأة حلوة
بس اكيد انتي احلى
متشكرة

.
Laughing

أنا بس هرحب حاليا
ليه بس؟

لكن هرجعلك تانى ومعايا أسئلة حلوة زيك
وانا في انتظارك في اي وقت

لى عودة ان شاء الله
ان شاء الله

منورة يا حبيبة قلب المنتدى وحبيبتى أنا Wink

شخصي
ميرسي ليكي اوي على الكلام الحلو
انا في انتظارك

صباح الفل ياثلوج
كيفك حبيبتى
قبل أى حاجة اسمحيلى اقدم لك هدية صغيرة
اتفضلى
ثلوج دافئة على كرسى الاعتراف (1) 3010298

باقة ورد وأحلى مشروب
ودلوقت يا زهرة منتدانا
هسألك سؤال صغير
قوليلى أيه بيعجبك فى حياتك وأيه مبيعجبكيش وفى الحالتين
أذكرى الأسباب؟
ولى عودةإن شاء الله

ابرار

ميرسي على الهديه الجميله دي
قوليلى أيه بيعجبك فى حياتك وأيه مبيعجبكيش وفى الحالتين
الي بيعجبني هما اهلي واصحابي
والناس الجميله الي حواليا

والي مبيعجبنيش يمكن ان في ناس كتير مش بتفهمني صح
او الدراسه شويه
وكمان انا بحب اخطط لقدام كويس
بس اوقات كتير الظروف بتغير الحجات الي احنا عايزنها بحجات تانيه مضرين نرضى بيها
لمبرر ان ما باليد حيله

أذكرى الأسباب؟
الاسباب في الحاجات الحلوة
هي انو الانسان ميقدرش يعيش لوحدو
يعني لازم يكون في حد جمبك والجميل لما يبقو الناس دي كويسه
وفي الي مش بيعجبني
هو ان الاراده والعزيمه بتنهار قدام حاجه اسمها القدر او الظروف

ثلوج دافئة كتب:: العزيز جمال شحاته

اشكرك بشده على الكلام الجميل ده
بجد احرجتني
ويارب اكون زي ما وصفتني بجد

وان شاء الله يكونو اسبوعين حلوين
وانا في الخدمه

ثلوج المنتدى الدافئة

اولا ... اهلا بيكى ضيفة عزيزة على كرسى الاعتراف ( منورة )

ثانيا ... كل ما قيل عنك لهو اقل القليل مما يجب ان يقال ـ فهذا حقك .

وان شاء الله تكونى قدها وقدود وتكونى ضيفة خفيفة على الكرسى ونكون ايضا ضيوف خفاف على قلبك .

وبالتوفيق ان شاء الله

دعواتى القلبية لكى

وتحياتى

جمال شحاتة

جمال شحاته

اعجز عن شكرك على كل الكلام الرائع الي كتبتو عني

وانا كمان اتمنى انهم يكونو اسبوعين حلوين
وان شاء الله الاسئله حلوة
وانا في انتظار الجميع

جيت تانى اهو..
احكيلى بقى:
بيمثلك ايه الليل؟؟
والحلم ؟؟
والتمرد؟؟
والمثاليه؟؟
والمستقبل؟
دعوه بتدعيها دوما وتطلبيها من ربنا؟؟
اكتر اكلاتك المفضلة لقلبك
اكتر الاشياء اللى كنتى بتمارسيها وبطلتى تعمليها؟؟

وكفايه كده لحد ماارجع تانى بأسئله اجمل..

والله دي فرصة جميلة من جمال شحاته مديرنا الهمام اننا نرحب بالبنوتة الشقية ثلوج .. وفعلا اسمها يبرد خصوصا في البرد ده .. بس اكيد في الصيف حتنفعنا ياجمال ..

وبعد الترحيب اللى ذكره الاستاذ جمال مش حلاقي كلام اكبر منه طبعا ..
وندخل في الاسئلة على طول بعد ان نشكر لها استجابتها لصاحب الموضوع طبعا ..

ايه اللى بتشوفيه افضل في المواقف التالية :
1 - عندما نستيقظ من النوم على حلم مفزع .
2 - عندما نصدم من قريب ونعمل بعد ان كان بالنسبة لنا اقرب من حبل الوريد انه اخطر من العقرب وأنه كان يستغلنا اسوأ استغلال .
3 - عنما نفيق على انفسنا فنجد ان ايام عزيزة من عمرنا ضاعت هباء .
4 - عندما ننجح في امتحاناتنا بعد جهد متواضع .
واخيرا
ماذا نفعل عندما يوجه الينا كل الاسئلة دي ؟

جيت تانى اهو..
اهلا وسهلا
نورتي
احكيلى بقى:

بيمثلك ايه الليل؟؟
يعتبر احلى وقت في اليوم
هدوء
والحلم ؟؟
الحلم ؟
هو الي بيقوي الواحد على حجات كتير صعبه
وصعب ان الانسان يعيش من غيرو
والتمرد؟؟
وضع طبيعي
لما يكون النظام السائد مش مناسب للشخص
والمثاليه؟؟
نجم في السما
محدش يقدر يلمسو او يوصلو
والمستقبل؟
الغد المشرق بأذن الله
دعوه بتدعيها دوما وتطلبيها من ربنا؟؟
ان ربنا يحسن خاتمتي
وان انجح واتوفق
اكتر اكلاتك المفضلة لقلبك
كتييييييييييييير
معكرونه بالباشميل ( دي على رأس القائمه )
وكمان الورق عنب
لحمه بيكاتا
اكتر الاشياء اللى كنتى بتمارسيها وبطلتى تعمليها؟؟
مفيش
كلو روتيني جدا

وكفايه كده لحد ماارجع تانى بأسئله اجمل..
اوكي
وانا بستناكي

والله دي فرصة جميلة من جمال شحاته مديرنا الهمام اننا نرحب بالبنوتة الشقية ثلوج .. وفعلا اسمها يبرد خصوصا في البرد ده .. بس اكيد في الصيف حتنفعنا ياجمال ..
ههههههههههههه
في الصيف هينفع والله
ميرسي على الكلام الجميل ده
وبعد الترحيب اللى ذكره الاستاذ جمال مش حلاقي كلام اكبر منه طبعا ..
اه اكيد
وندخل في الاسئلة على طول بعد ان نشكر لها استجابتها لصاحب الموضوع طبعا ..

ايه اللى بتشوفيه افضل في المواقف التالية :
1 - عندما نستيقظ من النوم على حلم مفزع .
اقول بسم الله الرحمن الرحيم
واهدا شويه
واقرأ ايه الكرسي
وارجع اكمل نوم
2 - عندما نصدم من قريب ونعمل بعد ان كان بالنسبة لنا اقرب من حبل الوريد انه اخطر من العقرب وأنه كان يستغلنا اسوأ استغلال .
اعتقد انسان زي كده صعب ان الواحد يقدر يرجع يمكل معاه
يعني خلاص ننهي كل الي ما بينا على طول
3 - عنما نفيق على انفسنا فنجد ان ايام عزيزة من عمرنا ضاعت هباء .
مش هنتحسر لانها راحت
بس اكيد نفكر ازاي نعمل مستقبل وحاضر احسن من الي راح منا
4 - عندما ننجح في امتحاناتنا بعد جهد متواضع .
ههههههههههه
والله فرحه لاتوصف
ربنا مش بيضيع تعب حد ابدا
واخيرا
ماذا نفعل عندما يوجه الينا كل الاسئلة دي ؟
نجاوب واحنا ساكتين ههههههههههههههه

اشكرك مصطفى عباس على تشريفك ليه هنا في الكرسي
تحياتي

ثلوج دافئه: اهلا وسهلا بيكي يا قمر المنتدي انا جات امسي عليكي واسألك كام سؤال لو تسمحيلي؟
1_ من هو الشخص الذي يعتبر لكي القدوه؟وما الذي اعجبك به؟
2_في رأيك من هو الصديق؟ وهل وجدتيه؟
3_ايه اكتر حاجه حصلتلك وشعرتي بعدها الخوف الشديد؟
4_ هل لديكي أخوات بنات وان كان لا كنتي ستختارين من من أصدقائك؟ولماذا؟
واكتفي بهذا القدر من الاسئله واتركك للاجابه
تقبلي مودتي flower

؟

اهلا اهلا ياثلوج
منوورة الكرسى وحياتك
المهم

المفروض ان احنا نسألك وانتى تجاوبى
خلاص
هحاول اسألك
يارب
ليه اخترتى اسمك هنا فى المنتدى ؟
ولو مكنش ثلوج كان هيبقى ايه
؟
وايه اللى عرفك بمنتدانا الحلو ده ؟
مممم
كفاية كده
وخلى شوية لمرةتاينة

سلم

اهلا اهلا ياثلوج
اهلا بيك
منوورة الكرسى وحياتك
شكرا
النور نورك
المهم

المفروض ان احنا نسألك وانتى تجاوبى
ده المفروض
خلاص
هحاول اسألك
يارب
ربنا معاك
ليه اخترتى اسمك هنا فى المنتدى ؟
لانه حلو اوي

ولو مكنش ثلوج كان هيبقى ايه

ثلوج دافئة
وايه اللى عرفك بمنتدانا الحلو ده ؟
الاستاذ مصطفى عباس
مممم
كفاية كده
وخلى شوية لمرةتاينة
اوكي ماشي
انا بستنى

سلم
سلام

هلا ثلوج
أيه أخبار الكرسى
أوعى تكونى مش مرتاحة عليه
قوليلى بقى
بتقضى وقتك أزاى؟
ومين من أفراد أسرتك
قريب منك وأسرارك عنده؟
ولى عودة بس يارب متزهقيش منى
مش عاوزه حاجة اجيبهالك وانا جاية المرة الجاية؟
طب يا حبيبتى سلام مؤقت

ماشي بقا كده جاوبتي علي كل أسئلتهم ما عدا انا طيب انا زعلانه منك scratch

ثلوج دافئه: اهلا وسهلا بيكي يا قمر المنتدي انا جات امسي عليكي واسألك كام سؤال لو تسمحيلي؟
اهلا بيكي
طبعا اتفضلي
1_ من هو الشخص الذي يعتبر لكي القدوه؟وما الذي اعجبك به؟
والدي
السبب انو شخص ناجح في حياتو

2_في رأيك من هو الصديق؟ وهل وجدتيه؟
الصديق هو الصورة الممالثه لصديقه
او بمعنى اخر
المكمل ليه
يعني وقت الشده يلاقيه
ويلاقيه كمان وقت االفرح والحزن

اه لقيتها

3_ايه اكتر حاجه حصلتلك وشعرتي بعدها الخوف الشديد؟
ممممممم
بصراحه مش فاكرة
4_ هل لديكي أخوات بنات وان كان لا كنتي ستختارين من من أصدقائك؟ولماذا؟
لا معنديش
اختار صديقتي المقربه
لانها اكتر من اخت
واكتفي بهذا القدر من الاسئله واتركك للاجابه
اديني جاوبت
تقبلي مودتي flower

؟
تقبلي احترامي

هلا ثلوج
اهلا بيكي

أيه أخبار الكرسى
مريح الحمد لله
بس ملوش مسند Sad

أوعى تكونى مش مرتاحة عليه
لالا
زي الفل
قوليلى بقى
بتقضى وقتك أزاى؟
في الايام العاديه في المزاكرة
وغير كده مع عيلتي وعلى النت ونووووووووم
ومين من أفراد أسرتك
قريب منك وأسرارك عنده؟
اخويا
وبابا
ولى عودة بس يارب متزهقيش منى
لالا انتي توري في اي وقت
مش عاوزه حاجة اجيبهالك وانا جاية المرة الجاية؟
كويابه ميه
ريقي نشف ههههههه
طب يا حبيبتى سلام مؤقت

ماشي اوكي
هستناكي

ههههههههههههههههههه
هو انتى
بجلاله قدرك
ثلوج
ودافئه
طيب خليها على الله
ان شاله تكون براكين بارده
كل اللى ربنا يجيبه كويس
نخش فى المفيد
قولى ورايا
والله العظيم لقول الحق
بصى بقى يا تنت
اولا انا مش بعرف اسأل اسئله مفيده
واكيد مش هقولك كيف تحسبين عدد الاكترونات وما هى الاكترونات المهجنه
بلاش
هيطردونى من المنتدى
بس انا ليا سؤال فرتك دماغى
انتى ازاى بتمتحنى امتحانات نص سنه
هتموتينى
سالت كل اللى فى الكوكب
ومخدتش اجابه
وثانيا عايز اعرف ايه طموحاتك
ونفسك فى انهى كليه
واخر سؤال
ايه رايك فى شغل المراه
هل تحبى تشتغلى
ولا تصونى اولادك وجوزك لما تتجوزى
واوعى تقولى مفيش تعارض
لانه اما هذا واما ذاك
خلصت اهه
اى خدمه
وطالما كرسى الاعتراف
اى انكار مش هيفيدك
المكان كله محاصر وهينفجر سواء جاوبتى او لا
سلالالام

ههههههههههههههههههه
هو انتى
بجلاله قدرك
ثلوج
ودافئه
اه شفت
طيب خليها على الله
ان شاله تكون براكين بارده
كل اللى ربنا يجيبه كويس
يارب
نخش فى المفيد
قولى ورايا
والله العظيم لقول الحق
والله العظيم اقول الحق
ههههههههههههههههههه
بصى بقى يا تنت
اولا انا مش بعرف اسأل اسئله مفيده
واكيد مش هقولك كيف تحسبين عدد الاكترونات وما هى الاكترونات المهجنه
بلاش
ايوة كده كويس
هيطردونى من المنتدى
بس انا ليا سؤال فرتك دماغى
انتى ازاى بتمتحنى امتحانات نص سنه
هتموتينى
سالت كل اللى فى الكوكب
ومخدتش اجابه
لان انا مش عايشه في مصر
الكواكب كلها هههههههههههههههه
وثانيا عايز اعرف ايه طموحاتك
ونفسك فى انهى كليه

والله طموحاتي ان اكمل في كليه كويسه
اي هي بالضبط ده بقى حسب المجموع

واخر سؤال
ايه رايك فى شغل المراه
هل تحبى تشتغلى
ولا تصونى اولادك وجوزك لما تتجوزى
البيت والاولاد دي التزامات اساسيه
والشغل يعتبر التزام برضو
ولازم الوحده تختار يا البيت يا الشغل
واوعى تقولى مفيش تعارض
لانه اما هذا واما ذاك
خلصت اهه
لافي تعارض
صعب او مستحيل ان الوحده توفق بين الانتين
خصوصا لما يكون في اطفال كتير وصغييرين
اى خدمه
ميرسي
وطالما كرسى الاعتراف
اى انكار مش هيفيدك
المكان كله محاصر وهينفجر سواء جاوبتى او لا
مدام هينفجر يبقى ياريتني ماجاوبت هههههههههه
سلالالام
سلام

ثلوج دافئة
ابعث لكِ بأرق التحية واجمل الاماني
لكم أحببت أسمكِ فقد جعلتي مخيلتى تتفقد فيه جيدا.. وتخترق كل معانيه فأحترت كثيرا فيه..
كيف نشعر بدفئ الثلوج..
فقد عبّرتي احساس عميق بين متناقضين كبيرين..
يدل اختياركِ لأسمكِ بشاعرية شخصيتكِ ورومانيستها
واستفسر معكِ ببعض الامور:
هل تحبي ان تكتبين؟؟
وماهى المواضيع التى تحبي ان تكتبي فيها..
واذا كنتِ كتبتى يوما خواطر فهل بمقدوركِ ان تملى علينا بعض الاجزاء منها؟؟
ماهو هدفكِ فى الحياه؟؟
وماهو الطريق الذي تسيرين فيه عندما تتعاملين مع من حولكِ
ومالذي يسعدكِ من الشخص الماثل امامكِ فى شخصيته ويجعلكِ تحبين معاملته؟؟
تكاثرت الاسئلة واحب ان اعود مره اخرى لأرى مااخرجته كنوزكِ الينا
كل التحيه اليكِ منّي

ثلوج دافئة
ابعث لكِ بأرق التحية واجمل الاماني
وتحياتي لكي ايضا
لكم أحببت أسمكِ فقد جعلتي مخيلتى تتفقد فيه جيدا.. وتخترق كل معانيه فأحترت كثيرا فيه..
كيف نشعر بدفئ الثلوج..
فقد عبّرتي احساس عميق بين متناقضين كبيرين..
مهو ده الجميل فيه

يدل اختياركِ لأسمكِ بشاعرية شخصيتكِ ورومانيستها
واستفسر معكِ ببعض الامور
تحليلك جميل
والي حد ما صحيح :
هل تحبي ان تكتبين؟؟
اه اكيد
لانها طريقه جميله جدا عشان تعبري عن احساسك
وماهى المواضيع التى تحبي ان تكتبي فيها..
خواطر
واذا كنتِ كتبتى يوما خواطر فهل بمقدوركِ ان تملى علينا بعض الاجزاء منها؟؟
بس كده
الخاطرو الي هحطهالك دي انا الي كتبتها
وهي لشخص مش موجود
ده من وحي خيالي
وحط اليومين دول وحده في الخواطر
ماهو هدفكِ فى الحياه؟؟
اني اكون شخصيه متميزة وناجحه
وماهو الطريق الذي تسيرين فيه عندما تتعاملين مع من حولكِ
بحاول اكون كويسه مع الكل
لحد ما يصدر من الطرف التاني حاجه تضايقني وقتها الطيبه والطريقه الكويسه بتتغير بسرعه
ومالذي يسعدكِ من الشخص الماثل امامكِ فى شخصيته ويجعلكِ تحبين معاملته؟؟
انو يكون واضح ومش خبيث
ويكون طيب
وذكي
ويحاول يفهم كلامي صح
تكاثرت الاسئلة واحب ان اعود مره اخرى لأرى مااخرجته كنوزكِ الينا
وانا في انتظارك
كل التحيه اليكِ منّي
وتحياتي ليكي

» باهي .. على كرسي الاعتراف
» مطلوب على كرسى الاعتراف !!
» ام عبد الرحمن على كرسى الاعتراف (2)
» HARRY POTTERعلى كرسى الاعتراف (3)
» الليالى الدافئة على كرسى الاعتراف (4)