يا عمري الدنيا ما تسوووووووووى

يا عمرى الدنيا ما تسوي تنام وخاطرك زعلان.
ولا فيها شيئ يستاهل يخلي قلبك يعاني.
لو كان لي خاطر عندك تبعد عنك الأحزان
فديت عيونك الحلوة تبسم لو علي شاااني
حبيبي من مدة بشوفك تاية وحيران
وأنا ولله لاشوفتك حزين زعلان
أنا بحبك
ونفسي ما تعيش لحظة ندمان
تري الايام محسوبة وأتاري العمر ده فاني
تصدق بسمتك ولله تفرح قلبي الولهان
يطير من الفرح ويبقي معاك في عالم تاني
أصلي أنا كل ما أشوفك زعلان

أعاتب نفسي بنفسي وان كنت مش الغلطان
غلوتك بتجري في دمي ولا يوصل لمكانتك أنسان
يمر الوقت وأثبتلك محبتي
أن الله أحياني
أضحي بعمري فا عيونك تنام أنت وأنا سهران
وأنادي جروحك لقلبي تيجي واحدة ورا التانية I love you

الله
الموضوع ده جميل اوى يالليالى كأنك كاتباه عشانى .. حلو اوى وكنت كمان محتاجاه
اصل انا مخنوقه وزعلانه اوى اوى من الدنيا ومخاصماها ومدوّرة وشي عنها ومش عاوزه اصالحها وزعلانه من نفسي ومخاصماها ومقاطعاها .. ومدايقه منها اوى اوى ولاطايقاها
الدنيا والحياه مزعلينى اوى

والموضوع ده كأنه جاى فى وقته.. انا فرحانه اوى ان ربنا قدّر و دخلته عشان اقرأه والله كأنه مكتوب ليه .. شكرا بجد اوى اوى عليه حسيت فى معناه باحساس جميل اوى والله.. حسيت انى بجد بحبك فى الله
شكرا جدا ياحبيبتى انتى فعلا الليل الدافي اسم على مسمى

ايه كمية الغلب دي كلها يا قوم
ما الدنيا حلوة اهي وزي الفل
حتى بصوا فيه جمال اكتر
من كده ، وبعدين ايه ما تسوا ولا
فيها حاجه تستاهل ، امال الفروالة
والموز والخوخ وكل الحاجات الحلوة دي
ما تسواش يعني ، وام عبد الرحمن بسرعه
طلعت خنقتها في اللى خلفونا ، مالكم
يابنات ، طيب اصحوا الصبح بدري كده
وصلوا لكم ركعتين الفجر ، وبعدهم
قولوا سبحان الله وبحمده سبحان الله العظيم
واقبلوا على الدنيا كده وشوفوا بتسوى
ولا لأ ، انا جرتها والله لقيت فيها حاجات
كتيرة بتسوى ، ومن ضمنها انتم كلكم

حبيبتي وغاليتي أم بودي
انا كمان بحبك في الله وربي أعلم بسرائر القلوب
بس انا لما كتبتب خاطرة الدنيا ما تسوي
قبلها قلت يا عمري..ززكنت أقصد ان مهما الدنيا تعبتك وغلبتك ودورت وشها الحلو عنك
دوري أنتي علي نصك الحلو فيها مع حبيبي توهبي له كل حبك مع أبن تتمتعي معاه بضحكته وتساعديه علي تجاوز ألامه وخدي من الدنيا أحلي مافيها مع أحب الناس لقبلك هتلاقي نفسك ما تقدريش تخصمي الدنيا لانها أولا قدرنا
ثانيا لان فيها ناس عزاز علي قلوبنا
معلش أنا طولت عليكي بس بجد ولله زعلت لزعلك وكان لازم أعمل اي حاجه ولو بمجرد كلام يمكن يريح قلبك ويكون سبب لصلحك علي الدنيا

أستاذي الغالي مصطفي:
انا ولله ما قصدت الحزن ولا الزعل لاني عارفة ان الدنيا ما تسوي
وهي في نظري ما هي ألا طريق أو جواز سفر للمرور علي الدار الأخرة ..دار الحق
التي فيها معادنا ولا يشغلنا في هذه الدنيا الفانية ألا طاعة ربي ومحبة رسوله صلوات ربي وسلامه عليه
عارف أستاذي:
اني كنت في الماضي أعطي أهتمامات كبيرة لأشياء كثيرة ومتشعبة وكنت ألهث وراء نيل هذا وتحقيق ذاك
والأن بعد فترة لا بالقصيرة ولا الكبيرة من الوقت وبفضل ربي علي
وجدت ان الدنيا
ماهي ألا ممر مهما طال أو قصر فأنه ممر للوصول الي اليقين الي الحقيقة المؤكدة وهي لقاء ربي عز وجل
ولابد لنا جميعا ان نراها هكذا وان نري قبل فوات ألاوان وقفتنا أمام الله تبارك وتعالي وهو يسأل
وهل من مجيب ؟؟؟؟؟؟
الله ثبتنا بالقول الثابت في الحياة الدنيا وفي الاخرة
اللهم أمين

عزيزتي ....
الليالي الدافئه ...
كلمات جميله جـــــــــــــدا ..

تحياتي لك
اماسي

ربنا يخليكي أماسي حبيبتي
تسلمي ويسلم ذوقك

عارفة ياليالى أنتى وام عبد الرحمن بكلمكم بجد
العيب مش فى الدنيا
العيب فينا احنا دايما بنبص للكوب على أنه نصه فاضى مع أن نصه كمان مليان
بنبص لشوك الورد ومش بنشم عبيره
بنبص للى احسن مننا ومش بنبص للى أقل عشان نحمد ربنا
أنا قريت حاجة عجبتنى أوى واحد قال انه كان زعلان عشان حافى ومش عنده جزمة يلبسها بعد كده قال أنه بيحمد ربنا على اللى هو فيه
عارفين ليه
عشان شاف واحد ملوش رجلين اصلا
يااااه والله يا جماعة دنيتنا حلوة بس احنا اللى مش عارفين نعيشها
وفعلا زى ما استاذنا قال
ركعتين الفجر والدعاء والاستيقاظ مبكر كمان بيخلوا اليوم جميل
والدنيا حلوة أوى أنا جربتها
أنا طبعا طولت عليكو بس بصراحة الموضوع بتاعك ياليالى عاوز قعدة
وأسفة للأطالة

لو أتأسفتي تاني انا هزعل منك بجد
نورتيني

» عيد ميلاد عمري
» يااجمل عمري
» مصر أم الدنيا
» ماذا تحب من الدنيا ؟
» الدنيا ربيع والجو بديع