طرق تزيين الاكلات

5-

الخيار الحلزوني

انا مسميّاه الأسورة اصل شكله جميل والطريقه ان احنا هانقطع الخيار على حسب الحجم اللى عاوزينه.. ممكن نقول تلت الخيارة بالضبط



ده الحجم الوحيد المناسب..
المهم ناخد التلت ده ونحط فيه عود خشبي من الوسط (عشان الخياره تتماسك لما نقطّعها)



وبعدها نبدأ نقطعها بالسكين دايرمايدور يعنى زى البرتقاله لما بنقطعها بلفه لحد الاخر او زى طريقة الطماطم الاولى.. لحد مانول للأخر.. بس طبعا البرتقال والطماطم بنقطع القشر بس لكن الخيار بنقطعه نفسه لحد مانحاولش نوصل للوسط اوى..


اعتقد ان الطريقة دي مش محتاجه سكين حاد يعنى ممكن اى سكين..



وبعد ماننتنهى لللآخر نسحب العود الخشبي



وبعدها نلف الطرف الاول مع الاخر وده شكلها النهائي


يتبع

6-

طبق الخيار
طريقة عاديه وبسيطه اوى
نقطع جزء صغير بالعرض من الخيارة بس تكون كبيرة شويه

وبعدها نحفرها ونشيل الجزء الداخلى منها

وده يكون شكلها وهى مجوفه بس مانوصلش للآخر يعنى تكون زى الطبق

ونحشيها بقة اى حاجه انتم عاوزينها .. يعنى اخترعوا براحتكم

يتبع

7-

قارب الخيار
هاناخد جزء من الخياره ونقطع بالطول جزء القشرة وحته من اللب كمان زى الصورة ونتخلص منها

وبعدها نقطع برده جزء بس مجرد شريحه صغيرة لكن مش لحد الاخر .. نسيب جزء صغير بحيث تكون الشريحه متماسكه فى جزء الخيارة

نرفع الشريحه الرفيعه ونثنيها ونثبتها بعود خشبي كأنها شراع القارب بس خلى بالكم من الهوا لأحسن يطيّر الشراع


نبدأ نفرّغ الجزء اللى ظاهر فى الصوره من لب الخيار.. عشان نقدر نعمل القارب


وبعدها نحشي الجزء المجوّف بأى حشو ونحط على العود زيتونه

وده شكلها النهائي.. وسيري على بركة الله يانورمادي الخيار تو
يتبع

افكار وصور جميلة تسلم ايديكِ

اكيد مفيش احسن من ورده الطماطم
حلوه و سهله و الاهم من كده لونه
احمرررررررررررررررر
بعشقه
تسلمي علي المجهود
يا عسل

النّبع الصّافي كتب:

افكار وصور جميلة تسلم ايديكِ

تسلمي لوجودك

freska كتب:

اكيد مفيش احسن من ورده الطماطم
حلوه و سهله و الاهم من كده لونه
احمرررررررررررررررر
بعشقه
تسلمي علي المجهود
يا عسل

ربنا يخليكى ليه يافريسكا واللى وجودك احلى بكتير

8- طرق تزيين البرتقال




هانعمل حوالى خمس طرق بس مش هاعرف اسميهم لكن هارقّمهم بالصور

1-



نخطط البرتقاله بسكينه حادة ورفيعه اوى ونلف التقطيع .. نقطع جزء ونسيب جزء زى الصورة كده

...........

2- الورده



الطريقة التانيه تكون التقطيع فيها طوليا بنقطع شريحة رفيعه اوى ونسيب شرحه وبعدين مانقطعش للآخر عشان تثني الشرائح المقطوعه وتكون شبه الورده وطبعا استخدام السكين حاد ورفيع..
في طريقه تانيه والدتى كانت دايما تعملها لكن معندييش صورة لها بس هى شبه الطريقه دى لكن بدل الشرائح الرفيعه اللى بنقطعها فى البرتقاله تكون الشرائح عريضه وتكون تقريبا اربع او خمس شرائح ونثنيها برده زى دى
اعتقد شكلها بيكون افضل واسهل فى التقشير والاكل

.............

3-الحلزون:



من نفس الطريقه التانيه ناخد شريحة برتقال من فوق ونقطع نصف قطر منها.. زى اللى باين فى الصورة لينا .. تقريبا قد المسافه اللى واخداها السكينه من الشريحه



وبعدها نلف كل جانب عكس الاخر وتكون شبه الحلزون وممكن نعمل كده فى الليمون برده

4- سلة البرتقال

الطريقه سهله برده



الطريقه دي هانجيب فيها البرتقاله ونقطع منها الرأس ومانتخلصش منه لأنه ليه فايده فى الطريقه اللى جايه..
المهم فى الطريقة دي هانعمل اننا بنقطع شريحه عريضة شويه من البرتقال من الجانبين ونسيب جزء منها ملتصق بالبرتقاله نفسها

وبعدين نفتح الجانبين ونحط فيها حبّات عنب احمر او اخضر او اى لون وتكون ده شكلها

اعتقد ان الطرق دي بسيطة وفى نفس الوقت رقيقه وجميلة اوى


يتبع

5- سبت من البرتقال

الطريقة دي عاوزه شغل حبتنين تلاته..

الاول نجيب قشرة ابرتقاله من رأسها (اللى ماتخلصناش منها)
ونعملها قاعدة السلّه او السبت... وبعدين نغرز فيها اعواد من الخشب



طبعا هى مقطعه زى الشرائط وده افضل علشان شكل السبت وتقريبا هايكون عدد الاعواد حوالى سبعه




بعد كده هانجيب شرائط قشر البرتقال اللى استعملناها فى اول طريقة ونكون حريصين انها ماتتقطعش بقدر الامكان .. ومانكونش اتخلصنا منها..

ونبدأ بعمل (خياطه) مع الاعواد .. يعنى هانجيب طرف الشريط من الاول ونبادله مع الاعواد مره من الامام ومره من الخلف مع عود آخر لحد مايوصل الشريط للآخر

طبعا هاتكون بحذر وهاتكون بدايتها من القاعده الى القمه.. وبعدها نحط فى السبت اى شئ تحبوه زى اللى ظاهر فى الصورة الجماعيه الاولى للبرتقال..

يتبع

9- الكيــــــــــــــــــــــــــوي


مابحبهووووووووووووووش بس شكله جميل والله
وسبحان من ابدع انا رأيي هو مش محتاج اصلا اى تزيين لأن الوانه رائعه سبحانه الخالق..
ونعمل حبة طرق على قدنا..

1-


الطريقة دي زى طريقة البرتقال بالضبط بتكون بسكينه حاده او بمقشرة البطاطس ونخطط على الكيوي

2-




ودي من الطريقة الاولى نقطّع من الكيوي شرائح

3-


ودى من الشرائح نقدر نقطّع الشريحه نصفين وتكون على شكل هلال نحطها بنفس الطريقة الظاهرة فى الصوة على شكل حلقه او ورده ونحط وسطها كرزه مثلا او فراوله

4


الطريقه دي شائعه جدا فى معظم الفاكهه والخضر مثل الطماطم والخيار والجزر والفجل والليمون والبرتقال كمان



وده شكل الفجل..
وفيها اننا بنعمل من وسط الثمره رقم 8 يعنى على شكل مثلثات وبعد الوصول للنهايه بنفصل الجزئين عن بعضهم بشكل ملتوى


يتبع

10- الكمــــــــــــثرى

1- دجاجة الكمثرى

الطريقة دى عجبانى جدا جدا
شكلها حلو وفى نفس الوقت بسيطه والفكرة جميلة

بنجيب الكمثري ونقطع الجزء الأول منها من المكان العريض علشان نعمل قاعده ليها



ومن قرب القاعده اللى قطعناها نيجي من احد الجانبين ونقطع بخط عمودى على القاعده يعنى قطع رأسي



وبعدها نقطع بشكل افقى مقابل للخط الرأسى اللى قطعناه وبالتالى هاينفصل الجزء اللى قطعناه من الكثرى بس مانشلهوش منها



نكرر نفس العملية مبتعدين بمسافه صغيرة بين القطع والتاني كأنها رسمه بيضاويه وطبعا كله بينفصل من الكمثرى



ونفس الموضوع نعمله من الجانب التاني للكمثري..
وبعد كده هانعمل عيون الدجاجه بحبتين قرنفل (مسمار) وفم الدجاجبة بحبة صنوبر مقشرة


اما الجزئين اللى قطعناهم من الجانبين هاندفعهم بشويش للخارج كأنهم جناح الدجاجه



وبعدها تكون الشكل النهائي للدجاجه الكمّثريّه الطّعْمه كده:



يتبع

2- قنفد الكمثرى

هو شكله يخوّف بس الفكرة تستاهل..
ماتخافوش .. منها ونجربها


هانقشر الكمثرى ونقطع نصفها ودي ممكن نستخدمها لو كان فى كمثرى باظت مثلا جزء منها والجزء التاني سليم



المهم بعد مانقشّرها نغرز فيها حبات الصنوبر المقشر كأنه شوك القنفد .. ونعمل العين بالقرنفل والفم بشريحة فلفل احمر صغيرة




وده الطبق النهائي للطريقتين