مواقف وافعال للأم

كلنا حصل مواقف وحكايات مع امهاتنا.. والايام دي عيدها وكلنا بنحتفل بيه مع كل أم بينا وبنترحم

على كل ام توفاها الله
تعالوا نتذكر مواقف وافعال بينا وبين امهاتنا حصلت ومازالت متعلقة بأذهاننا ومابتروحش ابدا مهما دارت الايام والسنين
ولو كنا لفينا ودورنا فى حياتنا ماكنا هانلاقي اجمل او احن من تلك القلوب وتلك المواقف معانا
سمعت مقوله جميلة بتقول ان الام مستحيل تغلط فى الحكم لابنها ودائما قلبها شفاف ناحيته.. طبعا ولكل قاعدة شواذ
ياترى فاكرين مواقف وافعال لأمهاتنا معانا ايه؟؟
منتظرة اطلالتكم الجميلة

يااااه.... صافى
أكيد الواحد عمره ما راح ينسى مواقف كتير عملتها أمه معاه
عن نفسى لن أنسى حاجة عملتها أمى معايا
هو مش معايا معايا
لكن هحكيلك
أنا كنت مسافرة بره
وهناك تعبت وجاتنى الزايدة
وطبعا أمى مكنتش معايا
لكن تخيلى
فى نفس اللحظة اللى اتوجعت فيها وكنت بصرخ ودخلونى حجرة العمليات
كانت أمى نايمة وفجأة نهضت من سريرها مفزوعة
وتصرخ وتقول لمن حولها
أختكم حصل لها حاجة
أختكم فى خطر
تخيلى
وربنا بكتبلك وجسمى كله بيترعش لمجرد لتذكرى للموقف
طبعا فيه مواقف كتير ليها معايا
بس بصراحة ده أقواها
شكرا صافى لموضوعك المميز
وكل سنة وأنتِ طيبة
مودتى

كل سنه وانتى بالصحه والسلامه .. وعيد ام سعيد عليكى وعلى والدتك وامهاتنا جميعا
كما قلت من قبل فى هذا الموقف .. ان الام لايخيب حكمها على وليدها
ابرار لكِ ان تتخيلى كم اقشعرّ كياني لتلك الحادثه التى بينك وبين والدتك وصدقينى مااكثرها ومااروعها من حنان وحب
سبحان الله هو من جعل فيها تلك الاحاسيس
مهما بعدت المسافات او قربت
فالام هى الام
شكرا لاطلالتكِ على موضوعى ..