lماهو الاحتباس الحراري؟؟؟؟

اهلا ياشموسة
اولا ازيك وحشتينا ومتغيبيش كتير علينا
ثانيا
بصى ياستى
انا هكلمك عن الاحتباس الحرارى بإسلوبى الشخصى بعد كده هحطلك شوية لينكات للمصادر العلمية علشان لو انا غلطت ولاحاجة تقدرى تلاقى اللى انتى عايزاه

اولا الاحتباس الحرارى احنا كنا بناخده فى ثانوي
وبيبقى عامل زى الصوبة كده فوق الكرة الارضية
يعنى الغازات والعوادم وادخنة المصانع وكل الهباب ده
بيطلع للغلاف الجوى الخارجى عند طبقة الاوزون
ويعمل زى coverحوالين الكرة الارضية
علشان كده سموه الصوبة الحرارية
ومش كده كمان
زى مانتى عارفة الشمس اما تنزل على الارض
فالأرض بتاخد جزء من الآشعة دى وبترد الباقى تانى وتعكسه فيطلع الفضاء
مع وجود الاحتباس الحرارى والصوبة اللى هو عاملها
الاشعة الزيادة دى تيجى تخرج من غلاف الارض متعرفش
فالبتالى تتردلنا تانى وبتعمل الحاجات اللى هتخلى العالم كله ينفجر ان شاء الله
يعنى هى اللى بترفع درجة حرارة الجو وتلاقيها مش طبييعية والجو حر اوى
وهى بتسبب ذوبان الجليد فى القطبين
والفيضانات واختلال التربة وتلوث الهواء الجوى
ومع مرور الوقت هتسبب امراض زى سرطان الجلد والحاجات اللى ربنا يعافينا منها دى
وده لأن معظم الاشعة الزائدة اللى المفروض تترد للفضاء تانى
بتبقى اشعة ضارة
علشان كده من حكمة ربنا ان خلاها تترد فى الفضاء
انما مع التلوث بقى بقت محبوسة معانا فى نفس القمقم
وطبعا خبراء البيئة صوتهم اتنبح علشان يخلو الناس تبطل العوادم والمصانع ترشح دخانها وكل ده
والناس برده ولا هى فى الدماغ
وهاقولك ليه مسمعناش عنها من زمن
لأن تأثيراته بدأت مع ظهور المصانع
هتقوللى المصانع ظهرت من ايام الثورة الصناعيةفى انجلترا
هقولك صح
بس على ماتكونت الصوبة اللى عملت الاحتباس ده
كانت خدتلها وقت طويل
وبدأنا نسمع عنه (او الغرب يسمع عنه)على ماعتقد فى منتصف من القرن العشرين
وطبعا على ماجه مصر
كان جه عالألفية الجديدة هههههههه

ده ياستى ملخص بسيط عن الاحتباس الحرارى او Global warming

ودى برده لينكات اتمنى انك تقريها علشان انا مش واثق فى اللى قلته ده
ههههههههههه

الأحتباس الحرارى < ويكيبديا >

الاحتباس الحرارى من BBC