اكسبي قلبه بالألوان

تلعب الألوان دورا مؤثرا علي الحالة المزاجية للانسان‏,‏ والمرأة الذكية تستطيع أن تسخر الالوان لكسب قلب زوجها واشاعة التفاؤل في حياتها لذلك قدم خبراء علم النفس عرضا لتأثير الالوان وانعكاسها علي الرجل‏.‏

الأسود‏:‏ لون انيق يعتبر ملك السهرات فمن المحبب ان ترتديه عند دعوة زوجك لك علي العشاء مثلا فهذا اللون يجعله يشعر بأنك أميرة‏.‏

الأحمر‏:‏ لون دافئ للإحساس بالدفء وينشط الدورة الدموية لذلك ارتديه عندما تشعرين بانخفاض مستويات الطاقة بداخلك فيزيدك حيوية عندئذ سوف يراك زوجك اكثر شبابا وحيوية ونشاط‏.‏

البرتقالي‏:‏ يساعد كثيرا في تعديل المزاج‏..‏ فارتديه عندما تلاحظين علي نفسك او علي زوجك علامات الضيق العصبية‏.‏

الأخضر‏:‏ اختاريه عندما تشعرين بالقلق او في حالة وجود مشاجرات بينك وبين زوجك لأنه لون هاديء قادر علي تخفيف حدة التوتر والاحساس بالارهاق لارتباطه بالطبيعة‏.‏

التركواز‏:‏ يساعد علي تقوية مهارة التواصل بين الزوجين واستمرار حلقات النقاش بينهما واحساس كل منهما بالآخر‏.‏

الأبيض‏:‏ يشع صفاء ونقاء ويعكس ملامحك الطفولية ويظهرك امام زوجك طيبة بريئة ملائكية‏.‏

الوردي‏:‏ لون شديد التأثير علي الرجل‏..‏فهو يقوي المشاعر بين الزوجين ويزيد من الارتباط العاطفي لتحفيزه القوي للمشاعر‏.‏

الأزرق‏:‏ لون الاسترخاء وتخفيض درجة حرارة الجسم بمقدار درجتين وينصح الخبراء المرأة بارتدائه عند قضاء عطلة الاسبوع في مكان هاديء والدرجات الفاتحة منه تشعرك بأنك جزء من الفضاء والبحر مما يضفي عليك حالة من الرومانسية‏.‏

الأصفر‏:‏ ارتديه عندما تحتاجين للصفاء الفكري ورؤية الاشياء بواقعية وتحديد نقاط تميزك‏.‏

البنفسجي‏:‏ جميل وناعم‏..‏ارتديه في وقت العصر لارتباطه بالهدوء ولكن ابتعدي عنه في حالة توتر مزاجك لأن كثرة النظر اليه تحرك الحزن والكآبة‏

موضوع دماغ بس ليه تعليق رخم مش قادر اكتمه
المفروض ان الزوجة بس اللى تلبس اللأولوان دى
ولا الزوجة والزوج علشان يطقمو يعنى
طب لو عنده عيال يلبسو زيهم
؟
ماشى
لغاية هنا كويس
طب لو حد رن الجرس ايه اللى يحصل
ومين يفتح الباب
وو وو
اسئلة كتيرة ومحيرة هنحاول ندورلها على اجابات معاكم فى برنامجنا
" العلم فى الراس مش فى الكراس "

معلش بقى اخوكى رخم
والنبى مايكون التعليق ضايقك ولا حاجة
ولو ضاايقك

هسيبه زى ماهو
مش ماسحه
مانا رخم بقى
ومين يعنى فريسكا دى ؟
ايه يعنى
^_^

عارفه فريسكا الألوان فعلا لها سيكولوجيه عند الانسان وانعكاسها على عقله الباطن مؤثر جدا

واحيانا يكون الانسان حابب يلبس لون معين عشان يكسر حاجز النفس اللى جواه او يلبس لون محدد يعبر عن الاحساس النفسي المتملكه

موضوعك جميل جدا ورائع وانا عن نفسي بحب الابيض
والالوان المتدرجه منه
شكرا لكِ

موضوع جميل فرى
بس فى ناس بتحب الوان معينه وصدقنى ممكن تكون بعيده تماما عن مزاجه يعنى ممكن تكون مبسوطة ولابسه اسود عادى يعنىا

بص يا زودياك باشا
بيني و بينك عندك حق في كل اللي انته بتساله
ماهو صحيح ليه دايما هي اللي لازم تعمل علشان هو
مفيش مره هو يعمل حاجه
زمن
بس ده ما يمنعش يا عسل
اني مثلا بحب الالوان و فعلا بتفرق معايا قوي و كتير قوووووووووووووووووي بلبس حسب مزاجي
ولنفسي مش علشان خاطر حد
بس انا لقيت الموضوع كده اعمل ايه بقي
الرجاله مطلعه عين الناس كلها
و بعدين يا عسل
فريسكا دي تبقي اختك الكبيره
علشان يعني انتي بتسال مين فريسكا
ماشي يا عسل
وبرده عادي ابقي قول اي حاجه نفسك فيها
براحتك خالص
قدري استحمل اخواتي الصغيرين

تصدقى كلام زى الفل
انا بحب الاحمر والاسود جدا
وممكن البسهم انا والمدام
زى الفل
بس عجبنى قوى قوى
بس لو هى هتلبس اى حاجه تانيه
زى الفل
الاالوان كلها الفاتحه بتعجنى على البنت اكتر من الولد
وشووووكرا

واحيانا يكون الانسان حابب يلبس لون معين عشان يكسر حاجز النفس اللى جواه او يلبس لون محدد يعبر عن الاحساس النفسي المتملكه
صافي اولا مشكوره علي المرور
ثانيا انا بجد كده
بلبس حسب مزاجي او المود اللي انا فيه
و شويه الموضوع بياثر معايا
وانا عن نفسي بحب الابيض

ربنا يجعل ايامك كلها بيضه و سعاده و هنا انشاء الله
تحياتي

اوميجا
عندك حق
في الاول و الاخر الموضوع ارتياح و اذواق
تحياتي

انا بحب الاحمر والاسود جدا

تصدق وانا كمان جداااااااااااااا
الاالوان كلها الفاتحه بتعجنى على البنت اكتر من الولد
مش عارفه ايه الموضوع ده
مش انت اول ولد يقول كده في كتير بيقول كده
ايه السبب مش عارفه؟
علي العموم مشكور يا باشا علي المرور
تحياتي

باشا ايه بس
انا لا باشا ولا حاجه
انا على باب الله
وعلى العموم
الواد اللى بيلبس وردى واصفر والكلام ده
بحس انه واد
سيس

الاالوان كلها الفاتحه بتعجنى على البنت اكتر من الولد

تصدق بقى انا محبش الفواتح
اه والله
يعنى اما اشوف بنت لابسة اسمر او كحلى ويا سلام لو كانت جميلة
بريل
هههههههههه
عالعموم هى مسألة ازواق برده

امشى ياض يا تعبان ياله
اهم شئ تكون البنت برضه متفائله
والا لو كانت متشائمه
معايا
اكيد
الحياه هتبقى مانجا
بس فسدانه
البنت تلبس خمار
برتقالى
وعبايه
فوشيا
وبس

الثنــــــــــائي الصغنن هنــااا ..
ياااســــــــــــلام ...

عزيزتي .. ابرار
موضوع روعهــ ... ..
يسلمووو ...

تحياتي لك ... اماسي

اماسي
مشكوره علي مرورك
ومبسوطه ان الموضوع عجبك
تحياتي
فريسكا

معلش يافرسكاا .. انتو خربطتوني جدااا ...
كنت مفكراك ابرار .. وبعدها فكرتك صافي ..

الحمد لله حليتي لياا الغز
تحياتي لك
اماسي

ولا يهمك يا قمر
كلنا واحد
المهم ان الموضوع
عجبك
تحياتي

موضوع جميل يافرسكا
بس أنا شايف أن الألوان مش كل حاجة
لا بد أن تكون الحالة النفسية وإنفعالات الوجهه كذلك
مثلا ما فائدة لون جميل ووجه كشر
ثم سؤال زوداك منطقي ليه ما يلبس كذلك الزوج اللون المناسب للحالة كذلك والأولاد علي البيعة

استاذ باهي
مشكور علي المرور
واكيد الالوان مش كل حاجه
بس ممكن تساعد في تحسين الحاله النفسيه
وحكايه الزوج والزوجه
هنعمل ايه بقي قدرنا احنا البنات اللي لازم نعمل كل حاجه
علشان خاطر الرجاله
زمن