ليه حياتنا الزوجية اصابها الفتور

انا مع الواد زودياك
بس ان شاء الله
ناوى اتجوز واحده متدينه
تفهم حقوق زوجها وحقوقها كويس
وبعد كده
مش هتحتاج تسعدنى ولا اسعدها لانها هتبقى بالفعل سعيده وانا كمان

ليكى حق فى كلامك فعلا ياابرورتى وده يمكن بسبب التعود الموجود فى البيت يعنى نفس الوشوش ونفس الحياه ونفس ريتمها وعشان كده الواحد بيزهق وبيمل ومفيش جديد
بس زى ماقال الجوكر .. وتقريبا هو هو هارى بوتر .. المهم يعنى ماعلينا .. هو كلامه صح فى حكاية التدين وانه يدور على البنت المتدينه وهو كمان لازم يكون مناسب ليها ولدينها بس حبيت اقول ملحوظه على كلامه ان سمح طبعا ان مش كل شخص متدين عارف كويس دينه طالب منه اىيه او ايه التعامل المطلوب فى الدين يعنى الدين المعامله مش التدين بمعنى التقفيل وحفظ الاحاديث والسنه والقرءان..
دى حاجه.. والحاجه التانيه كمان ان فى ناس متدينين فاكرين ان معاملات الزواج دى غلط ومش صح علشان تزمتهم وده للأسف

اهم حاجه نرجع للرسول عليه الصلاه والسلام لما كان بينزهه السيده عائشه وكان بيخليها تعيش سنها وحياتها بطريقه كويسه وكان بيغير حياتها وبيجددها ليها

وكويس اوى ان كل واحد يغير من نفسه ومن بنى جنسه علشان يقدر يواجهه مشكله زى دي
وانا طبعا لسه ماجربتش فأحب اسمع نصايحكم جداااااا

تسلمى لموضوعك ابرورتى الغاليه حلو اوى

انا احيكى على الموضوع ده لانه كان موضوعى من فتره وحاولت اصلح اى زوجه اوبلاش زوجه بل الحبيبه وهو ده ادق كلمه نقدر نعبر بها صدقينى انا عن نفسى هى دى طريقتى فى بيتى مع زوجى فى مملكتى واخيرا اولادى ياريت كل زوجه تحس بالحب والدفء وتنسى انها زوجه تتخيل انهاالحبيبه والعشيقه لزوجها تفتكر كل كلمه حلوه قالها او هديه اهداها لها وتنسى الدنيا من حواليها هى وزوجها فقط لاغير .
.

الموضوع مهم جدا والكلام مفيد للغايه والتغير من الاشياء الاوليه في الحياه الزوجيه
لكن احب اضيف ان تغير الشكل مهم وكمان تغير الجوهر مهم
وانا اتكلم علي اسلوب الحوار طريقه النقاش احترام الاخر واتمني ان يكون في يوم مثلا السبت اوالاحد او اي يوم للنقاش بحيه وتقيم العلاقه الزوجيه وطرح الاقتراحات وطرق الحل
الموضوع فعلا كبير وانا سعيد بمشاركت الاخت ابرار موضوعها الشيق