مدونة مصطفى عباس اليكم ..

ازاي نستفيد اقصى استفادة واحنا بنشارك في المنتدى

النسخة الموجودة لديكم نسخة مطورة من المنتديات .. بها امكانيات جميلة وبديعه .. يجوز ان فيها اشياء جديدة علينا .. ويجوز احنا بنعرفها .. لكن حاقول لكم على طرق جميلة للمشاركة وتجميل مساهماتكم .. وصفحاتكم الشخصية ..
اولا : البيانات الشخصية ..
1 – من المفروض تكون سجلت يوم وشهر ميلادك .. وده حيديلك متعة ان يوم ميلادك تيجي ليك رسالة جميلة مننا .. واسمك حينزل في خانة اعياد الميلاد وقبل عيد ميلادك باسبوع كمان .. عشان الناس تنتبه وترسل لك تهنئة ..
2 – لو تحب تختار لنسك صورة شخصية تحطها امام اسمك في المشاركات حتلاقي الاف الصور من ممثلين سينما وشخصيات كرتونية ورجالية ونسائية عدد كبير جدا من الصور الشخصية تضفي على اسمك صفتك الجميلة بالشكل اللى انت عاوزه وبدون ماتحتاج انك تنزل أي صورة من أي مكان تاني .. وده طبعا اضافة الى انك ممكن تنزل أي صورة من جهازك مباشرة وبدون أي مواقع تحميل اضافية .. وكله حتلاقيه في الصورة الشخصية لما تفتح بياناتك الشخصية .. ومكتبة الصور فيهاالاف الصور اللى اكيد حتعجبك واحده منهم ..
3 – من على الخط .. المنتدى فيه كلمة من على الخط موجوده فوق مربع المتواجدين .. ودي بتسمح ليك انك تتابع اصحابك واصدقائك واخوانك المتواجدين وتعرف مكان كل واحد منهم على خريطة العالم .. ومن أي بلد كمان .. اضافة الى انك ممكن تتفرج على العالم كله برضه عن طريق اختيارك للستالايت وحتشوف الارض وكأنه متصفح جوجل ايرث عن طريق قمرين صناعيين تختار أي منهم فوق المربع اللى بيحتوي على الاختيارات فوق الخريطة ..
4 – ممكن ان تضيف أي صورة ومن أي مكان سواء من رابط معين أو من جهازة مباشرة من غير تحميل ولا مواقع تحميل ولا تتعب نفسك .. وده حتلاقيه في ادراج صورة في المشاركة .. واللى بقول عليه هو اختيارك بند ( حفظ صورة) وحتلاقي اختيارات منها تحميل أي صورة من جهازك مباشرة وتكون بكده بتكتب موضوع وتدرج في ايه صورة تحبها ..
5 – مربع السر بتاع الرد السريع بيكون بسيط .. لو ليك مزاج بعد ما تضيف الرد السريع انك تجمل خطوطك وتكبرها وتضيف عليها أي حاجه .. ممكن بعد ما ردك يتنشر تروح على كلمة edit وهي موجوده فوق الرد وتدخل كده على مربع الرد اللى فيه كل الاختيارات واستمتع ..
كل واحد مننا ممكن يحط التوقيع اللى هو عاوزه سواء كلمات أو صورة وبنفس الاسلوب اللى اتكلمنا عليه ..

لو ليكم أي ملاحظة او سؤال انا تحت امركم .. وارجو ان تكون النسخة دي عاجباكم ..
انا في الأول ما ركبت استايل ولا حاجه وده لسبب واحد .. ان المنتدى لسه في اوله .. ومحتاج سبب جميل وهو انه يفتح بسرعه بدون أي اعاقة .. ومن غير ازعاج لأي حد عاوز يدخل المنتدى .. وده اللى حرصت عليه .. وان شاء الله لما يكمل حنعمل الاستايل اللى عاوزينه ونعرضه عليكم .. وبمشاركة ابني الجميل (zodiac) ونشوف باذن الله طلباتكم ..

اتمنى ليكم مشاركة ممتعة وجميلة .. وكل واحد مننا يعرف ان ده مكان اتعمل عشانه هو شخصيا .. وعشان يعم فيه اللى هو عاوزه .. ولا بينا رئيس ولا متحكم .. كلنا بنشترك مع بعضنا في هدف واحد .. واعتقد انه من حقنا ..

تقبلوا افضل تحياتي ومحبتي ..

على سبيل المثال

هذه الصورة اخذت لمدينة القاهرة بعد تقريبها من خلال قسم من على الخط
ولكن عن طريق القمر الصناعي hibird ويمكنكم ان تلاحظوا ميدان التحرير
والجميل في هذا العرض انك تعرفون اسماء الشوارع والاماكن على صورة القمر

ايون ياعمى حاططلنا قمر صناعى فى المنتدى

الواحد بعدكده ياخد باله من ردوده ..^_^

على فكرة القمر جابنى ساكن فى حتة بنت حلااال

جابنى عند الازهر .. ساكن فى الميدان اللى جنبه ..!

وانا اصلا مش من هنااااك خالص ..

بس انا عرفت السبب

.. بس برده تسلم ايدك عالمنتدى الحلو ده ..

كويسه اوى المعلومات دى.. هاستنى رسالة عيدميلادى...

ربنا يكرمك ياستاذنا

تسلم ياصاحبى

وبالتوفيق دايما يارب

مشكور mostafa
بجد منتدى جميل
ومجهودك فيه واضح
ربنا يوفقك ويوفقنا معاك
ويبقى أحلى من أى منتدى

الله يا باشا

وربنا مجهودك فوق الوصف
طيب ليا سؤال
اظهر توقيعى ازاى؟

شكرا مصطفي باشا
واضح بدون لبس إنك تريد إسعادنا
بارك الله فيك

ربنا يوفق ويبارك

زائر

شكرا الك يا ادمنستور مصطفى وبما اني جديد عندكم الا انني قد استفدت من معلوماتك
والله يوفقك
ويجزيك كل خير

» مصطفى عباس يااحلى الناس
» مدونة برنس العشاق