فريسكا العزيزة على الكرسي

فرسكا
أتوقع إنك أنسان طيبة وودودة
ويمكن كمان حمالة آسية
لكن اشعر أن في داخلك منطقة آسي وحزن عميق قد يكون غير مبرر
فهل توقعي صحيح ؟؟

فريسكا

امته بتلاقي نفسك؟؟؟

اه السؤال ده ظريف
فين الاجابات وفينك انتى
مساء الخير
حد يخش ينورنا يا ناس

معلش ياجماعه اصبروا على الغلبانه دي شويه لان عندها مشاكل نت حبتين تلاته كده

يالا يابنتى تعالى بقي وجاوبي على المعجبين والمعجبات

........

تحيه للنجمه فريسكااااااااا

اه صحيح.. مقدرش انسى السؤال..
تخيلى يابنتى لو بقيتى نجمه كده ومعروفه.... (بصراحه متصوراكي فنانه بترسمى بايديكي وطبعا انتى عارفه ايه السبب .. (واخده بالك من ايديكي دي؟؟) مع انك عمرك مارسمتى بس المهم تخيلى كده معايا لو بقيتى نجمه هاتعملى ايه وهاتتعاملى ازاى مع الناس والبشر وفى حياتك والسؤال الاهم بقي هاتعرفينا وتعرفي اصحابك تانى ولا ايه نظامك ياتوتا

منوراني يا شمس


لو مش دخلتي كلية زراعة .. ايه الكلية اللي كنتي تتمني تدخليها و ليه؟

اي كليه ادرس فيها وراثه وهندسه وراثه
علوم ممكن او ممكن جامعه خاصه ادرس فيها يوتكنولوجي

2- ليه بتحبي تقرأي في علم النفس؟

احب افهم نفسيات الشر
وشخصياتهم


3- مين الكاتب المفضل ليكي؟

كتير
بحب ااقري لانيس منصور
وعبد الوهاب مطاوع

4- مين شاعرك المفضل؟

فاروق جويده
5- ايه الصفات اللي بتحبيها في أصحابك؟


طيبيبن و عاقلين جدااااااااااااااااااااااااا
متشابهين في التفكير
6- أخر سؤال : لو معاكي 100 الف جنيه تعملي بيهم ايه؟

• 
  


• 
  

هشتري بيهم تحف و انتيكات
ههههههههههههههههه
مشطوره علي مرورك شمس
شرفتيني بحضورك

ماشي يا ست ام بودي
علي العوم كله هيطلع علي الواد ابنك
انا هرد عليكي علي شويه الاسئله الصغيره دي
وعلي ما افضي دماغي
وارجعلك علشان اعرف ارد عليكي كويس
ايه اكتر حاجه بتعمليها فى يومك غير النو
حاليا يا ستي والله نفسي انام
بخرج من الساعه 10 الصبح
برجع 8 المغرب
الصبح في الكليه
والعصر في دوره icdl
بس برجع هلكانه ورايا شغل كتير قوووووووووووووووووووي
في الرساله متعطل
مش لقيه الوقت اعمله
دعواتك

م..
واحكيلنا على رسالة الماجيستير بتاعتك واحكيلنا نفسك نوصلى لايه من خلالها
عن زراعه الانسجه في النباتات الطبيه
تحديدا البردقوش
وكمان استحداث طفرات
وده الحمد لله وصلت له
الهدف اني ازود المحصول
زالمواد الفعاله في النبات
ده طبعا باختصار
يعني
علي العموم اكيد هرجع اكمل رد علي بقيت الاسئله
انشاء الله
اوعي تزعلي

بصى يا ست فريسكا منوره الكرسى
وبجد انا حاولت اسئلك لاقيت انك كتاب مفتوح يمكن بالنسبه لى
فمالاقتش اى سؤال اسئله ليكى
لانى هكون عارفه اجابته
هتسالى نفسك وتقولى امال دخلتى الموضوع ليه
هرد عليكى واقولك رخامه بقى اسحملينى
هههههههه

ماشي يا ست اوميجا
امري لله استحملك
وبراحتك برده
لو مش انا هستحمل رخامتك\ مين هيستحملها يعني

فريسكا العزيزة
منورة الكرسي
ده نورك يا عسل

وتفتعلك حلو اوي مع الاعضاء

الله يخليكي شكرا
ايه هي طموحاتك ؟
ابقي دكتوره في مركز البحوث الزراعيه
وهل في حاجه اتحققت ؟
لا لالالالالالالالالالالالالالالالالالالالالا
ربنا ييسر
دعواتك

وايه الي اتحقق وايه الي لسه بتسعيله ؟
اللي اتحقق اني ممكن ابقي دكتوره انشاء الله
يعني في الطريق للتحقيق
بس لسه مش اشتغلت في مركز البحوث
وده اللي بسعاله حاليا

اوصفلينا بأختصار فريسكا في سطر واحد
مش هعرف ارد علي السؤال ده
بس ممكن لو حد من اوميجا او ام بودي
بما انهم ااقرب اتنين ليه
يحب يرد ياريت
في فترة الترشيح

مين كنتي حابه يقعد على الكرسي ؟
اوميجا

مين اكتر شخص مقرب ليكي من عيلتك ؟
اختي
بتشتغلي ؟
لالالالالالالالالالالالالالالا
وايه طبيعه شغلك ؟
ربنا يكرمنا بالشغل الاول يارب

ايه الحاجات الروتينيه الي دايما بتعمليها في يومك ؟
الاكل النوم اقناه ام بي 4 او ام بي ماكس
ده لو فاضيه
يا اما الصبح في الكليه
وارجع انام

ايه الصفه الي عايزة تغيريها فيكي ؟
كتير
اهمهم
العند

كفايه كده
ارجع ولا بلاش؟
اكيد هتنوريني
بقول بلاش هههههههه

لالالالالالالالالالا

لو جه في بالي حاجه هرجع

هستناكي
تحياتي

أرجو الأا تكون أسئلتي خارج النص
سألت قبل كده وأسأل تاني يمكن تاتي الأجابة عليهم معاً
هل تهتمي بالامور السياسية والأجتماعية العامة للبلد ؟؟
وشكرا لتحملك

ازيك يافريسكا معلش دايماانا متأخر عليكى ومش عامل الواجب الصح معاكى
الله يسلمك
وبعدين ولا يهمك المهم انك جيت

اصل اخوكى بقاله شهر شغال فى القاهرة
والعيشة زفت هناك ولا نت ولا يحزنون يادوب برجع بيتى خميس نص يوم والجمعة
ربنا يعينك ياااااااااااااااااااارب

ر
المهم
هسألك كام سؤال كده وربنا يستر ^_^
مواصفات الشخص اللى تتمنى ترتبطى بيه ؟وهل موجودة فى حد قدامك ؟
سؤال صعب
زمان كان ممكن ااقولك اه عايزه واحد كذا وكذا
بس حاليا فعلا
كل اللي بتمناه
حد يكون ابن ناس
ويصوني ويراعي ربنا فيه


رأيك ايه فى الحب بين الولد والبنت عن طريق النت ؟


نسبه قليله جدااااااااااااااااااا هي اللي ممكن نقول انها حب
غير كده
موضوع فاشل فاشل فاشل
وفي الغلب حتي لو تم
احتمال الفشل كبيييييييييييييير جداااااااااااااا
لان الواقع غير الاحلام الورديه
اللي الطرفين بيرسموها لبعض
وهما علي النت
ايه نوعية الاغانى اللى بتبحى تسمعيها؟

بصفه عامه القديم
وجيل الوسط
عمرو دياب ومحمد فؤاد
وممكن لو اغنيه حلوه جديده
بس حاليا بحاول مش اركز في الاغاني
ربنا يتوب عليا منها
يااااااااااااااااااااااااااااااارب
واحسن اغنية بتحبيها ؟
امل حياتي
ومطربك ومطربتك المفضلة ؟
عمرو دياب وانغام وام كلثوم
افلامك المفضلة من انه نوعية ؟ و زى ايه ؟
الاكيد انه اجنبي
بحب الافلام الاجتماعيه
زي ايه دي بقي
مفتكرش
لاني تقريبا بجد عندي زهايمر الايام دي
لشوف الفيلم
بعدها انسي كان فيه ايه وحتي اسمه


لو معاكى 25 جنيه تعملى بيهم ايه ؟
هروح بيهم لحد اسكندريه وارجع
يعني ازور الطريق علي الافل
وكفاية كده
ليه بس دانت حتي اسئلتك حلوه
والنبي ابقي ارجع
هستناك

استاذ باهي
اسعدتني اسئلتك كثيرا
ولم يكن بها اي خروج عن النص
ولكن عذرا
يعلم الله انني هذه الايام
مشغوله جدااااااااااااااااااا
ومش لقيه وقت اعمل حاجات كتير
غير ان النت عندي بايظ
وبدخل بالتليفون
وما ادراك ما التليفون وفاتورته
فبحاول علي قد ما ااقدر ارد
واحد واحد
واكيد يسعدني اني اجاوب علي تساؤلات حضرتك

فرسكا
أتوقع إنك أنسان طيبة وودودة
ويمكن كمان حمالة آسية
ربنا يكرمك
يعني الي حد ما

لكن اشعر أن في داخلك منطقة آسي وحزن عميق قد يكون غير مبرر

فهل توقعي صحيح ؟؟
توقعك صحيح
وفعلا انا ساعات بحس اني كئيبه
وبشيل هم الدنيا بالي فيها
ولو مش هم نفسي يبقي هم اللي حوليه
دايما بحس اني خايفه من حاجه
وخايفه من اللي جاي
لدرجه اني اتخنقت من نفسي
بس حاليا الحمد لله
بدات اتخلص من الاحساس ده
ويعني بدات اتحاول اتقبل الامور اكتر
واسلم ان اكيد انشاء الله اللي جاي احسن
وان ربنا هو اللي مقدر اللي بيحصل
وبدات ارضي
واضحك في عز الهم
يعني
بحاول مش ادي
للحزن والهم مكان تاني في حياتي
وارضي بقدر ربنا اكتر
لاني مش هغير حاجه من المكتوب
فليه ااقعد اتعب في اعصابي
واحرق في دمي

نورتي يا استاذ باهي
ومعلش اتاخرت شويتين في الرد

أرجو الأا تكون أسئلتي خارج النص
سألت قبل كده وأسأل تاني يمكن تاتي الأجابة عليهم معاً
هل تهتمي بالامور السياسية والأجتماعية العامة للبلد ؟؟
وشكرا لتحملك
استاذ باهي
حضرتك مشرفني بحضورك
بالنسبه لسؤال حضرتك
انا بحب اعرف كل حاجه
ودايما عندي فضول المعرفه
ويبقي عندي فكره عن كل حاجه
فما بالك بشئون بلدي
بس الصراحه ساعات كتير الايام دي
بقي بيجي اكتئاب من كتر الاخبار السيئه اللي بسمعها
فمبقتش احب اعرف ولا اسمع حاجه
بس ده مش بيدوم كتير
علي العموم
انا دايما متابعه لقناه العربيه
وفيه قناه جديده اسمها on tv
بتعرض الاخبار بطريقه حلوه قوي بتعجبني
واللي بيفتني من القناتين
كده كده بقرا الجورنال يوميا
فيعني
تقدر تقول اني مهتمه
تحياتي كتير لحضرتك

اهلا بحضرتك استاذ مصطفي
منورني
معلش اتاخرت كتير جدا علي ما رديت
ماذا يجعل الانسان في نظرك اكثر اقبالا على التغيير في حياته
هل هي ظروفه النفسيه أم الاجتماعية أم العلمية

نقدر نقول ان جميع العوامل اللي حضرتك قلتها ليها تاثير
ولكن هي ممكن تختلف في الاهميه والاولويه
بالنسبه ليه اعتقد ان السبب الاساسي واللي ممكن يخلي الواحد عايز يتغير
هي العوامل النفسيه لان لاوم التغيير يكون نابع من الداخل ووراها دافع قوي علشان يستمر
لان النفس هي المحرك الاساسي لمعظم مجريات امورنا
بعد كده الظروف العلميه
لانك كل ما تتعلم اكتر ده هيفرض عليك واقع جديد
لانك بقيت تعرف اكتر
وبالتالي مينفعش انك تفضل زي ما انت لازم التعلم يقابله نوع من التغيير
بعدين الظروف الاجتماعيه
وزي ما قلت في الاول التلات عوامل ليهم تاثير و منقدرش نفصل واحد عن التاني ولكن بيختلفوا في التلاتيب و الاهميه
من شخص للاخر

هناك تغييرات كثيرة تطرأ على اسلوب حياتنا
فهل عبرتي مرحلة معينة في حياتك تغيرت فيها
صفاتك أو معتقداتك العادية طبعا ليس الدينية
وهل تشعري بأن كل سنة من سنين العمر تؤثر في حكمنا
على الاشياء ام انها تمر ونحن متصلبين بآرائنا

اكيد طبعا
انا كل يوم عدي عليا في الثلاث سنوات الاخيره
غير فيه حاجه
تحديدا بعد التسجيل للماجستير
احتكيت بناس واتعرضت لمواقف
علمتني كتير جدا
اهمها اني اتحمل الضغط
ومش استسلم بسهوله
وحسيت ان في صفات اتغيرت فيه
يعني مش بقيت خجوله زياده عن اللزوم زي الاول


واكيد برده ان مع التقدم في العمر نظره الواحد للامور بتختلف
لانك بتبدا تبص لالمور نظره شموليه
وبتفكر بعقلانيه اكتر
وطبعا مع زياده الخبره بعض الشئ
فاكيد صعب ان الواحد يظل محتفظ بنفس الاراء
التفكير بيتغير
وساعات كتير الواحد بيقول انا كنت بفكر كده ازاي

هي بتواجهني مشكله واحده
اني عنيده جدااااااا
فصعب قووووووووووووووي اني اغير قرار او فكره اخدتها
بس بحاول اني ااقلل العند ده
علي العموم ربنا يكرمنا كلنا يارب
ويوفقنا دايما اننا ناخد قررات صح في حياتنا ومش نندم ابدا علي اي قرار اخدناه
تحياتي لحضرتك استاذ مصطفي