دعوة للجميع للتعارف

هذه دعوة من الادارة لكل الاعضاء وبخاصة حديثي التسجيل

دعوة جميلة اخويه تصدر من قلوبنا لقلوبكم شويه بيانات نعرف بعضنا
هذا الكلام ليس موجه الى اعضاء معينين فكلنا نريد ان نتعرف على بعضنا البعض
وكلنا نأمل ان يكون هذا الموضوع فاتحة تعارف بيننا
فقط ما تريد ان تضعه من بيانات تعرفنا به عن نفسك واذا كان في تلك الاستمارة شيئ تعتقد ان خاص
فلا تكتب فيه شيئا ولن نسألك عنه مرة اخرى ، نريد ان نتعرف اكثر منك وحتى اعضائنا القدامى
هم ايضا مدعوون لملأ هذه الاستمارة واعتبروها بطاقة شخصية أو ورقة تعارف
وهذه هذ البيانات أدناه ومن هذه النقطة يمكنكم نسخ الموضوع ولصقه في الاجابة والكتابة في المكان الفارغ
وكما ذكرنا فان البيانات التي لاتقبل ان تدلي بها هي من صميم حقك الشخصي ، وانا والكل ينتظرونك
نبدا من هنا

الاسم الحقيقي ، أو الاسم المستعار كما تريد

البلد

الدراسة العلمية

الخبرات العملية

الهوايات

كيف تعرفت على المنتدى ؟

هل لك اصدقاء في المنتدى تعرفهم

اذا اردت ان تعبر عن نفسك في كلمات صغيرة فماذا تقول ؟

هل تفضل الكتابة في المنتدى وفي اي موضوعات ؟

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟

ما رأيك فيما يقدم من موضوعات في المنتدى وبصراحه ؟

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟

وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟

في امان الله

اهلا يا استاذى
طول عمرك مزبطنا ياريس

هبدأ انا علشان اشجع الناس الجميلة اللى هتشارك

نبدأ
..

اقتباس :: الاسم الحقيقي ، أو الاسم المستعار كما تريد
محمد
البلد
مصر والحمدلله
الدراسة العلمية
معايا ثانوية عامة ^_^
وفى اولى تجارة انجليزى
الخبرات العملية
ممممممم
يعنى اشتغلت رئيس مجلس ادراة 38 شركة فى مجال تهريب الأسلحة
^_^
لالا
هوه الحقيقة 30 مش 38 شركة
هههههههه
لا بجد المرة دى
الخبرات العملية لو كشغل
يبقى الشغل لسة مجاش
يعنى لسة نو خبرة
الهوايات
كتير
القراءة والكتابة(خواطروقصص وروايات وزجل)
والنت والكمبيوتر وطبعا الفوتوشوب
الرسم مؤخرا (لسة من اسبوع)
النوم والتصفير وتربيع اليد (ده لو اعتبرناها هواية مش عمل احترافى)
كيف تعرفت على المنتدى ؟
حضرتك ياباشا طبعا
تشرفت بدعوتك ليا
هل لك اصدقاء في المنتدى تعرفهم
اكيد
فى اللى اعرفه على الميل
فى اللى اعرفه هاتفيا
فى اللى اعرفه معرفة سخصية (مين غيره زناتى يعنى)
اذا اردت ان تعبر عن نفسك في كلمات صغيرة فماذا تقول ؟
انسان شايف انه ممكن يعمل كتير وكتير
بس لو اشتغل بمزاجه
او اتحط فى المكان المناسب ليه
هل تفضل الكتابة في المنتدى وفي اي موضوعات ؟
عامة انا ممكن اكتب فى اى موضوع
يعنى لو حد شاف مواضيعى
هتلاقينى هنا شوية وهنا شوية وهناك شوية
كده يعنى
بس بحب المواضيع اللى بعرف اتكلم فيها
يعنى ممكن متكلمش فى حاجة سياسة
لو انا مش واخد فكرة عنها
ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
طبعا بقرأ موضوعات للناس التانية
الموضوعات اللى بحب اطالعها
مممم
حسب المود
ممكن ابقى فى مود رايق
اشوف اى موضوع
ممكن فى مود مخنوق
ادخل فى مواضيع المسابقات
مود متحمس مثلا ممكن ادخل موضوع مناقشات
كده يعنى
كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟
اعضاء زى الفل (ربنا يجعل كلامنا خفيف عليهم دايما)
وكل وقت وليه ادان
وكل عضو وليه ودان
يوه قصدى
كل عضو يعنى بيبقى فعال فترة
ويريح فترة
وانا اولهم
بس اللى بشوفه ماشاء الله عليه
متصدر البوكس افيس دايما
هارى بوتر
ما رأيك فيما يقدم من موضوعات في المنتدى وبصراحه ؟
موضوعات كويسة
والحمدلله مفيش زى كتير من المنتديات الموضوعات التافهة زى
"زيدان ومى عزالدين اتخطبو ياولاد"
او
"ايه نوع الجيل اللى بتحطه على شعرك"
كده يعنى
انما مواضعينا تحس انها بتكلم ناس كبيرة (عقليا)
وفكرها متميز
طبعا لازم المواضيع الفكاهة والنكت علشان تطرى القعدة يعنى ^_^
كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟
الشكل والألوان
حاجة اساسية
يعنى مثلا مش هتشترى بدلة جاكيتتها احمر وبنطلونها اخضر
ولو كانت حرير
والزراير الماظ
الشكل برده بيشد الزائر وبيريج العضو
والتجديد المرة دى للمنتدى كويس
والوان حلوة
ولو ان مربع الرد مش حلو اوى بس يلا
ميضرش
وطبعا نوعية الموضوعات بتطغى على لون المنتدى
بس ده بعدين
يعنى احنا ممكن نعمل استايل حلو يشد الناس
وبعد ما الاعضاء يدخلو
نقلبه استايل وحش
ونحبسهم بقى

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟
يومية وكلما تحين الفرصة
لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟
عادى انا معروف فى اى حتة
خش على موقع وزارة الدخلية
هتلاقينى
Most Wanted
نياهاهاااه
وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
ممممماشى
انا ياسيدى انسان غلبان والله
ومعملتش حاجة يابيه
عامة اانا واحد فى حاله
بس محدش يجى يتنطط عليا ويقرفنى يعنى
من بعيد تشوفنى هادئ من قريب تشوفنى مجنون او عبيط
يعنى الحمدلله كل واحد اعرفه اقرب منى
لازم يشوفنى بطريقة غير التانين
مش عارف ليه
تحس انى حرباية مثلا
(مش حرباية اوى .. دكر الحرباية .. حرباي)
اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟
لا الحياة زى الفل
يعنى كفاية الدعوات اللى اول ماالواحد يحتاجها يلاقيها
ماعدا نوع واحد من الدعوات
(دعوات المطعم والسيما والمرسح ودعوة لشرم الشيخ وحاجات من دى طبعا.. )
نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟
ربنا يكرم الجميع
ومفيش ازعاج خالص
مين فينا ميحبش يرغى ؟
وياسلام لو عن نفسه

اى خدمة يا استازى

ويارب الناس تتشجع وتدخل معايا

ويارب نشوف رد حضرتك برده

مع السلامة

الاسم الحقيقي ، أو الاسم المستعار كما تريد
صــــــــــــافي
البلد
مصريه

الدراسة العلمية
الخبرات العملية
مايكفينى عمري

الهوايات
بحثت عنها كتير الى ان وصلت لها بالقدر وليس ببحثي: التأمل والتفكر والفلسفه ثم التدوين والكتابه

كيف تعرفت على المنتدى ؟
بالاصدقاء

هل لك اصدقاء في المنتدى تعرفهم
اكيد الجميع اعتز بصداقتهم من خلال المنتدى
اذا اردت ان تعبر عن نفسك في كلمات صغيرة فماذا تقول ؟
ملكوت سهل غوره الى الضياع

هل تفضل الكتابة في المنتدى وفي اي موضوعات ؟
اكيد احب الكتابه وبكل الاشكال وموضوعاتى حسب تفكرى وتأملي

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
اجد قراءة وتحاور فى موضوعات غيرى امتع بكثير من موضوعاتى والكتابه فيها ،، وافضل جميع الموضوعات ومنها الخواطر والادب بشكل خاص

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟
كل مكان فيه السئ والجميل ونخبتنا فيها افاضل وفضليات يستحقون التشييد والاعجاب بفكرهم والاجمل من ذلك بساطتهم وده بشوفه اجمل فاعليه منهم،، واتتبع ردود ومشاركات موضوعاتي وردود موضوعات الحوار والآراء

ما رأيك فيما يقدم من موضوعات في المنتدى وبصراحه ؟
اذا قارنا بالمنتديات الاخرى فهو رائع اما اذا تكلمنا عن المقارنه بالافضل فهو يحتاج لبعض التوجيه والخبرة ودي حكاية تحتاج لبعض الوقت .. فمقارنه مثلا بالبدايه حتى الان فالتطور فى اوجهه ومؤشر ايجابي سريع جدا ومطمئن.. والوقت القصير هو كل مانحتاجه

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟
كل شئ عباره عن سلسله مغلقه من اكثر من حلقه والجميع مرتبط ببعضه والنهايه مع البدايه.. وارى ان الاعضاء الجديد يرتفعون مع المنتدى وليس العكس وهذا امر مبشر كتير

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟
يوميا تقريبا

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟
وايه المانع.. سؤال يشرفني
وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
يشرفنى الاهتمام بشخصياتنا مصطفى اما انا فإمرأه تقريبا اعشق الوحده حتى لو بين ملايين الناس واحب دائما التأمل بعيدا عنهم.. بدون مايشعرون بذلك ابدا.. متقلبه المزاج وده يعود لكثرة التفكير ... احب تبسيط الامور المعقده واحب ان استخرج السعاده من فم الالم والحب من رحم اليأس والامل من كهف الكآبه... لست خياليه او مثاليه كما يعتقد البعض وانما افضل انتصار المعانى الجميله على المعاني المحبطه في حياتنا.. ومايثيرني كثيرا رسمة الراحه على قلوب كل قارئ بشكل عفوي بسيط وبطرق ومسافات قصيره... اما كتاباتى وارائي وتدويناتى فهى امور عزيزه لدي حيث اغمس قلمي في قلب حبيبي واكتب مااجده ومااريده فالحبيب صديق واخ وطفل وزوج ومثال شامخ ولوحه فنية رائعه وورقة زهرة مخمليه وتاريخ عريق محفور بخط ذهبي وحضارة قديمه ومستقبل طَموح... وهاأنذا اتناول القلم المغموس بحبر قلبه واترك يدي له لأمزج الفكر مع القلم واحكي او حتى بدون القلم العروق متواصله فى الحياة فجُل ما احتاجه هو ان انظر بعيدا نظره محدده حتى احيا الدنيا التى احبها..

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟
مكاني صحيح اذا كان هناك اناس احبهم ويحبوني فقط اما لا احب ان افرض نفسي فى مكان يكرهوني فيه حتى لو كانوا يحترمون فكرى وذاتي

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟

انا ايضا اتمنى التوفيق للجميع ولاجابة الاسئله ويتمتعون بها كما تمتعت بها

يسعدنى اجابتى على اسئلتك او ان تتقبل كل الموده والحب والتقدير لك مصطفى

الاسم الحقيقي ، أو الاسم المستعار كما تريد
ام عبدالرحمن او اشتقت الى الرحمن
البلد
مصر

الدراسة العلمية
بكالوريوس علوم اغذية شعبة اقتصاد منزلى ريفي..
الخبرات العملية
بعض الكورسات فى الطب البديل

الهوايات
النت ، الطبخ ، القراءه، التحليل

كيف تعرفت على المنتدى ؟
هو انا محتاجه اتعرف عليه،، ده انا الاوكرة بتاعة البوابة،،

(بجد وبحمشنه) : طبعا استاذى الفاضل مصطفىوكان شرف لي اكون من اوائل منتداه

هل لك اصدقاء في المنتدى تعرفهم
كللللللللللللللللهم.... حبايبي واصدقائي وفلذات اكبادي

منهم على الايميل ومنهم شخصويا

اذا اردت ان تعبر عن نفسك في كلمات صغيرة فماذا تقول ؟
انسانه هادية الطباع ،، معقدة شويه،،

هل تفضل الكتابة في المنتدى وفي اي موضوعات ؟
طبعا بحب الكتابه فى المنتدى،، وبحب اكتب فى الموضوعات اللى اعرف وافهم فيها شويه..

يعنى اى معلومه اعرفها بحب اقولها وخصوصا لو كان رأي .. وبخاف من الحوار حبتين.. وبزعل اوى لما الاقي قسم واقف ومافهوش نشاط وبحب اخترع فيه اى حاجه..بس طبعا مش اى حاجه.. اقصد موضوع يكون فيه نشاط وشغل

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
اه حكاية قراءة موضوعات الغير دي مهمه اوى لان اكيد بحب اقرأها لكن المشكله بقه ان الواحد مش عارف يحاصر الموضوعات كلها واحيانا كتير بيضيع منه موضوعات بجد بجد تستحق القراءه والشغل والنشاط فيها.. والحكايه دي مش لاقيه لها اى حل للأسف..

بالنسبه للموضوعات اللى بحب اقرأها طبعا اى شئ للشخصيه والامور الاجتماعيه والتحليلات النفسيه والحاجات الشخصيه لأي عضو..
(فضول)
كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟

السؤال ده محرج يااستاذى لانه عاوزصراحه بس لازم اجاوب عليه لانى عاوزه كده: الاعضاء حواليه حلوين جدا بس اكيد وانا منهم طبعا الواحد لما بيلاقي صحبه صغيرة ممكن بيمل من مثلا الردود والمشاركات وعارف مين هايدخل موضوعه ومحاصرهم.. بس برده احسن بكتير من اعضاء كتير ومابيكنوش موجودين.. والحمدلله معندناش حد عامل له شله وبيرد على ناس وناس لا.. والسؤال المحرج جاى اهو وهو فعالية الاعضاء لان انا بالنسبه لى العضو الفعال مش مشاركاته.. انا افضل ان العضو يشارك برد او اتنين بس يكون مؤثر ويستاهل الرد بجد عليه ومن خلاله نحترم رأيه وفكره وحتى لو كان الرد ده شئ شخصي ليه فاحنا برده بنحترم ثقته فينا انه اتكلم عن نفسه ادامنا.. دى نوعية اولى اما النوعيه التانيه من الاعضاء اللى فعالين فى نظرى هما اللى بيحبوا يشغلوا المنتدى بذكاء بموضوعات تستاهل حتى لو كانت منقوله بس تكون ممزوجه بأسلوبه وطريقته هو يعنى ممكن ياخد الفكرة عموما وبعدها يكتبها بشكله هو واسلوبه هو..

المواضيع اللى بحب اتابعها موضوعات الفلسفه مثلا او الكتابات الحرة وتقريبا انا بتابع معظم المنتدى

ما رأيك فيما يقدم من موضوعات في المنتدى وبصراحه ؟
اقدر اقول لحضرتك ان تقريبا النسبه الاغلبيه من موضوعات المنتدى ممتازه.. والحمدلله انما برده النسبه الوحشه مش صغيره ولا قليله وان شاء الله لما المنتدى يكبر اكتر هايكون افضل

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟
اولا نوعية الموضوعات مهمه جدا،، وبعدها اسلوب الاعضاء واهتمامهم ،، وبعدها اخر شئ الشكل والالوان وبرده لها عامل مهم فى النفسيه عشان القابليه على المشاركه

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟
دقيقيه.. هههههه بس والله لو كان في فرصه يعنى حسب النت وحتى لو مش شغال بحاول اكافح عشان اعرفه ادخله موبيل

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟

لا انتم اتدخلوا طبعا براحتكم دى حاجه مابتزعلنيش بس والله الواحد مش عارف يقول ايه عن نفسه.. على العموم خلى الطابق مستور ههههه

وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟

حاضر،، انا بنت من اسرة مصريه بسيطه وافرادهم متدينين الى اقصى حد ولله الحمد.. وستر ربنا علينا وعلى كل واحد فينا بسبب رحمته لينا ومن بعدها من طيبة وايمان وتقى والدى ووالدتى .. وهما بالنسبه لى عينى اللى بشوف بيها لو شافهم حد منكم هايحس انه شاف اتنين من اهل الجنه عليهم نور غريب وعجيب وجاذبيه ربانيه وجلاليه غريبه جدا،، هما سبب كل حاجه حلوة فى حياتى انا واخواتى وهما سبب نجاتنا من كل شئ وحش

لي تلات اخوات وانا اخر العنقود سكر معقود،، من مواليد السعوديه وطفولتي كلها كانت مابين الحرم المكى والنبوي ومابين الشعله والضبحه ومازلت افتكر حديقة الفوطه وشارع الملك فيصل وكل شجرة هناك وكنت وانا صغيرة ادوّر على الفوطه اللى فى اسم الحديقه ومكنتش بلاقيها طبعا،، ولسه فاكره البلد اللى كنت مولوده فيها واتربيت فيها وكل بيت عيشت فيه هناك ومدرستى والمدرسات وحتى برفان مدرستى المفضله وحركات مدرستى المفضله التانيه ،، وعربيات الايسكريم فى الطرق السريعه فى الرياض ومفارق الطرق فيها وليلها ،، اما الاعدادى والثانوي شوفت ايام صعبه وايام جميله بس اجملها كانت الجامعه لاني قابلت اخوات مش اصدقاء بحبهم جدا اكتر من نفسي ودعيت منهم اتنين هنا فى المنتدى واتمنى ادعى الباقي وانا وراهم وراهم بحب بكونوا حواليه دايما ومعايا بحتاجلهم كل لحظه وكل دقيقه ومش قادرة اتخيل ان الجامعه خلصت وخلاص تجمعنا مابقاش زى الاول والفكرة دي مابتخطرش على بالى وكنت اتمنى احضّر ماجيستير مخصوص ولو لسنه عشان اكون معاهم وبس،، العلم بالنسبه لى وسيلة مش غايه لكن بحب المعرفه والثقافه اكتر ،، يعنى اثقف نفسي بنفسي وباللى بحبه مش باللى مرغمه ادرسه وده بسبب انى عنيده بشكل كبير اوى،، وكفايه كده لاحسن دوشتكم بجد وابتديت اتكسف بصراحه اصلى نسيت نفسي معلش
اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟

طبعا،، طبعا ،، طبعا،، حاسه بكده ،انتم اغلى ناس بعد اسرتى واصحابي ،، وتقريبا بقضى وقتى هنا اكتر من اى مكان تانى وافتكر يوم فريسكا قالتلى مره لما كنت بدعيها المنتدى قالتلى بقه ده اللى واخدك منا واحنا مانعرفش عنه اى حاجه ،، ويمكن تكون هى دخلت عندا فيّه ودلوقتى انتم اللى سارقينها منا هى واوميجا ههههههههههه

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟

بالعكس خالص ده انا كنت عاوزه اسئله اكتر وكان عندى استعداد اجاوب بس ياريت ماكنش انا اللى ازعجتكم بالرغى الكتير ده

وبالنسبه للكلمه لأخوتى: انى بحبكم فى الله اوى يااجمل اخوه واخوات

الاسم الحقيقي ، أو الاسم المستعار كما تريد
أبرار
البلد
القاهرة

الدراسة العلمية
ليسانس آداب وتربية
الخبرات العملية
التدريس /كورسات كمبيوتر

الهوايات
القراءة/الرسم/النت/كتابة خواطر

كيف تعرفت على المنتدى ؟
بدعوة من أستاذنا الفاضل mostafa

هل لك اصدقاء في المنتدى تعرفهم
الحمد لله لى أصدقاء ولكن مش كلهم على اتصال بهم فمنهم الشخصى ومنهم من خلال المنتدى
اذا اردت ان تعبر عن نفسك في كلمات صغيرة فماذا تقول ؟
أنسانة بتحب الناس وبتحب الخير للكل حتى ولو على حساب نفسها

هل تفضل الكتابة في المنتدى وفي اي موضوعات ؟
نعم أحب الكتابة خاصة فى الموضوعات التى تمسنى

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
قراءة موضوعات الغير لها رونقها ومتعتها
وأحب الموضوعات الاجتماعية والعاطفية والمفيدة

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟
أعضاء منتدانا من خيرة الناس والفضل لله أولا ثم للمحبة التى جمعتهم وأوجدتهم فى هذا المكان
والفعال فيهم هو من يحرص على التواجد كلما سنحت له الفرصة وقدم لنا كل ما هو مفيد ورائع

ما رأيك فيما يقدم من موضوعات في المنتدى وبصراحه ؟
كلها موضوعات رائعة مفيدة جميلة معبرة

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟
ماشاء الله المنتدى فى تطوير دائم وعلو وسمو
وشكله جميل ولكن بتمنى الحد من الألوان الزاهية وعمل فواصل بين الاقسام لو أمكن ذلك

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟

كلما سنحت لى الفرصة
لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟
لامانع ولكن فى حدود المعقول وعلى قدر استطاعتى للرد
وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
إذا سُئلت فلن أتردد فى الأجابة إذا استطعت

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟
بالعكس عودنا منتدانا على الشعور باننا فى بيتنا واصحاب مكان

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟
شكرا للموضوع وبتمنى مكنش أزعجتكم بردودى
بارك الله فيكم ووفقكم الله لما فيه كل الخير لكم وللجميع
والسلام عليكم ورحمة الله وبركاته

في امان الله

زودياك
النبع الصافي
ام عبد الرحمن
ابرار

جميل ما كتبتم
مزيد من المعرفة حول شخصياتكم الرائعة
ومنتظرين بقية الاعضاء للمساهمة
اشكركم على شجاعتكم الفائقة
ولنتعرف اكثر كلما كتبنا عن انفسنا

الاسم الحقيقي ، أو الاسم المستعار كما تريد

اوميجا وهو يعنى قريب من اسمى الحقيقى

البلد
مصر (تحيا جمهوريه مصر العربيه)

الدراسة العلمية
بكالوريوس زراعه قسم ارشاد زراعى وحاليا طالبه ماجستير

الخبرات العملية
كلها يمكن من مجال دراستى

الهوايات

بحب جدا شغل البيت اوى

القراءه وخاصه فى علم النفس ولعب سودوكو واى كتاب لتوفيق الحكيم او انيس منصور ممكن اقراه من غير تفكير

ارخم على خلق الله

كيف تعرفت على المنتدى ؟

دعوه من اصدقاء(فريسكا وام بودى)

هل لك اصدقاء في المنتدى تعرفهم
بعتبرهم كلهم صحابى واخواتى من اول يوم دخلت فيه

بس اللى اعرفهم شخصيا فريسكا وام بودى وشمس الباديه ونغم الحياه

اذا اردت ان تعبر عن نفسك في كلمات صغيرة فماذا تقول ؟
انسانه عاديه جدا - طموحه اجتماعيه نوعا ما –عصبيه بس يعنى بقيت اهدى من الاول

هل تفضل الكتابة في المنتدى وفي اي موضوعات ؟

صراحه انا مش عندى ملكه الكتابه او التعبير عن اللى بفكر فيه بالكتابه علشان كده بجد صعوبه فى الرد او كتابه اى مواضيع

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
انا بقرا جميع الموضوعات اللى بيتم كتابتها يمكن مش بعلق عليها كلها بس ده مش عيب فى المواضيع هو عيب فيه لانى زى ما انا قولت مابعرفش اعبر عن راى بالكتابه علشان كده ممكن تلاقى مشاركاتى اغلبها فى المواضيع الترفيهيه

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟

بجد كل المواضيع بقراها وبتابعها بدون استثناء

والاعضاء كلهم ناس بجد زى العسل وكل واحد فيهم فى شىء بيميزه فى كتاباته وموضوعاته

ما رأيك فيما يقدم من موضوعات في المنتدى وبصراحه ؟
موضوعات هادفه يعنى فى منتديات تلاقى موضوعاتها تافه ومش بتقدم اى معلومه تفيد او هادفه

وطبعا استحاله يكون فى شىء واصل لدرجه الكمال يعنى الموضوعات الحلوه كتيره والاقليه اوى ممكن نقول مش كويسه

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟

تطوير للاحسن

كله بيكمل بعضه

زى الاكل كده ممكن يكون حلو اوى فى الطعم بس شكله مش كويس فتقرف تاكل منه والعكس

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟

يوميه وكلما تحين ليا الفرصه

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟

ولا يهمك

وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
انا مابعرف اتكلم عن نفسى بس اى شىء عايزين تعرفوه انا تحت امركم وطبعا انا هيكون ليا حريه الاجابه صوح

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟

لا ابدا كلكم ذوق وواجب

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟

لا مفيش ازعاج ولاحاجه

اه اكيد عندى كلمه

انا بجد حسيت من اول دخولى المنتدى انكم شخصيات تستحق الاحترام والتقدير من الاكبر سنا للاصغر سنا

وربنا يسهل ونعرف بعض اكتر ان شاء الله

هل لك اصدقاء في المنتدى تعرفهم
بعتبرهم كلهم صحابى واخواتى من اول يوم دخلت فيه

واحنا كمان بنعتبرك اختنا
وبنعتز بيكي وجميل اللى كتبتيه
قربنا كتير منك

يا ناااااااااااااااااااااااااااااااااس
يا هووووووووووووووووووووووووووووووووو
انا اعلن عودتى
وهتبقى بدايتها فى انى اعرف نفسى تانى
يمكن فى عروسه
او حد عايز عريس انا فى الخدمه

omiga k كتب:: الاسم الحقيقي ، أو الاسم المستعار كما تريد

محمد محمود زناتى

البلد
مصر منوفيه شبين

الدراسة العلمية
ثانويه عامه
وحته هندسه

الخبرات العملية
معايا دوره تنميه بشريه او اتنين
و
بحفظ قران
و
بتعلم لغه يابانيه

الهوايات

كتير يا بيه
سباحه وسله وجرى وشطرنج وقرايه
انا دوده قرايه
و
زى اوميجا
اموت فى الترزيل على خلق الله
بس يكونوا رزلا الاول

كيف تعرفت على المنتدى ؟

ابو الزوادك قالى
بعد ما استاذ مصطفى قاله يقولى

هل لك اصدقاء في المنتدى تعرفهم
اه
كله حبايبى جدا جدا
وبحس انهم اخواتى
يعنى عارف
ممكن ازهق من المنتدى
لانه حاسس انه بيتى
والواحد من كتر ما قاعد فى بيته بيزهق
ههههههه
بس طبعا حبيبى
زديوك

اذا اردت ان تعبر عن نفسك في كلمات صغيرة فماذا تقول ؟
طموح يهوى المشاكسه ولكن غير مسئول حتى الان

هل تفضل الكتابة في المنتدى وفي اي موضوعات ؟

طبعا احب بس بكسل
وفى اى موضوعات
مممممممممممم
النقد البناء
والقصص

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
طبعا بحبها
واحب مواضيع ليا
هى مواضيع زودياك
لانى بحس انى بقرا لنفسى
ومواضيع استاذ مصطفى مع النبع الصافى

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟
محترمين ومتحابين وتربطنا روح العائله
البنات اكتر من الولاد طبعا
هههههههه
فلت من السؤال
ما قولنا فى اللى فات

ما رأيك فيما يقدم من موضوعات في المنتدى وبصراحه ؟
مبلاش بصراحه دى
والله الصراحه على مر العصور عمرها ما عجبت حد
المهم
مواضيع منوعه
مش كله مفيد
ومشش كله وحش
يعنى حاجات تناسب الشباب
مع الناس الكبير
((استاذ مصطفى هتلاقيه باصص على ردى وبيقول
ناس كبيره يا زناتى
طيب
والله لاوريك))
معلش يا باشا
هههههههههه
انا زى ابنك الصغنن

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟

تكله يا باشا
الشكل مهم
عشان بحس بتجديد
انما الموضوعات
معتقدش ان فيها تجديد
ومعرفش اوزاى ممكن يحصل فيها تجديد بصراحه

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟

كانت يوميه
بس مشغوووووووووووووووووووووووووووووووووووووووووووووووووووووووووووول
فبقت اسبوعيه

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟

لا انا زعلان
وعايز تعويض
والله بقى ما انا لاعب
وهخرج بره التشكيه لحد ما تنصروا الغزلان على الفهود
هه
وادى قعده

لا

وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
اتلكم عن نفسى
مفيش هكتب كتير بس كلام معظمه ملوش لازمه
وبصراحه
معتقدش ان حد يكتب عن نفسه
الا لو كان اديب وفيلسوف
غير كده
شوف حد يكتب عنك
بس يكون صادق

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟

لا انتوا حلوين يا باشا
وزى ما حكيم قالى
المنتديات اللى زى دى
اللى بيعملها
بيعملها عشان لم الشمل
وهديه للاعضاء تجمعهم دايما
مش بنافس على جوايز يعنى

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟
الله يكرمك يا استاذى
وكلمتى الاخيره
انى بجد مبلاقيش ناس محترمه كتير
وبتمنى بجد اشوفهم واروح اسلم عليهم
واحضنهم حضن كبيييييييييييييييير
بس يلا
كفايه بنشوف طلتكم

بعد اذنكم ياجماعة
الواد ابو زناتى قال كلمة

"وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
اتلكم عن نفسى
مفيش هكتب كتير بس كلام معظمه ملوش لازمه
وبصراحه
معتقدش ان حد يكتب عن نفسه
الا لو كان اديب وفيلسوف
غير كده
شوف حد يكتب عنك
بس يكون صادق"

بجد يابنى انت يابرنس
دى تقريبا من افضل الاجابات اللى شفتها على السؤال ده
تسلم ياعمونا

جميل ما كتبته زناتي
ومفيش حد بيزعل من الصراحه
لكن احنا بنزعل من النفاق بس
والحمد لله هو مش موجود بينا
انتظر بقية الاعضاء لتلبية الدعوة

سامحوني انا ما بعرف كتير بالمنتديات جيت بدعوة من الرئيس استاذ مصطفى انا دراستي علوم سياسية جامعة الكويت واعمل سكرتيرة تنفيذية وتقريبا اول مرة ادخل منتديات اكتب فيها مسجله عندكم من ساعة يعني لسه جديده بالكرتون قريت شوية موضوعات اعجبتني كتير تستحق التكريم اعطوني وقت وفرصة حتى اكون مثلكم وان شاء الله استعين بيكم وبالرئيس طبعا لاكون جديرة بامنياتكم اشكركم واشكر صاحب الدعوة محاضرنا واستاذنا

اهلا بيكى وردة
عبيرك ملأ أرجاء منتدانا
ونتمنى ينتشر عطر مواضيعك الفواح
ويملأ منتدانا بهجة وسرور وأريج
تحيتى

تسلمين يالغالية
ماشاء الله من اول ما بدخل المنتدى دايما بتقع عيني على اسمك الغالي اتمنى يكون ظنك بيه في محله باذن الله اجمل التحيات لك

/الاسم الحقيقي ، أو الاسم المستعار كما تريد .. نجم النجوم /علاء نجم
البلد .. مصر..واعتذ بذلك جدا

الدراسة العلمية ..بكالوريوس اعلام

الخبرات العملية ..عمل طويل في مجال الاعلام

الهوايات .. القراءة ومشاهدة كرة القدم

كيف تعرفت على المنتدى ؟ ...عن طريق الاصدقاء

هل لك اصدقاء في المنتدى تعرفهم . .. نعم

اذا اردت ان تعبر عن نفسك في كلمات صغيرة فماذا تقول ؟ ...بسيط ..هدئ.. احب الاخرين

هل تفضل الكتابة في المنتدى وفي اي موضوعات ؟... بالطبع..في اكثر من مجال

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟ ..نعم احب القراءة للاخرين ايضا

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعه له ؟ ..لم اتعرف علي الاعضاء بعد

ما رأيك فيما يقدم من موضوعات في المنتدى وبصراحه . .لم تتح لي الفرصة لاني انضممت الان فقط . كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟ ساخبركم فيما بعد فقط تتاح لي الفرصة للاضطلاع
..حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟
كلما تحين لي الفرصة؟

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟ علي الرغم من انني قد انضممت اليكم اليوم فقط الا انني اشعر بقربي منكم وانني بالفعل بين اخوتي

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟ سعدت جدا بانضمامي اليكم.. خالص تمنياتي لكم بالتوفيق والسعادة ..فقط ارجو ان تعلموا انها المرة الاولي التي انضم فيها الي احد المنتديات لكني سعيد جدا بذلك

في امان الله
[/size][/quote]

ونحن ايضا سعداء جميعا بانضمامك الينا وهذه فرصة كريمة
لكي نحييك ونرحب بك في المنتدى الذي اصبح هو ملكك بمجرد
تسجيلك فيه .. فمرحبا بك .. واهلا وسهلا بين اخوانك

أهلا بك نجم النجوم
أن شاء الله تكون نجم تضىء منتدانا بانضمامك لكوكبتنا
وتفيد وتستفيد
أهلاً ومرحباً بك

..شاكر لكم اهتمامكم بمشاركتي وتهنئتكم لي زملائي الاعزاء مصطفي عباس وابرار

نورت المنتدى
\وسعيد بالتعرف ليك يا نجم
واضح ان حضرتك ذو خبره عمليه كويسه
تحياتى ليك

موضوع: شكر وتحية الخميس فبراير 04, 2010 4:50 am

اخي العذيذ محمد واسمح لي ان اخاطبك باسمك الحقيقي لاني احب هذا الاسم جدا لانه علي اسم الرسول صلي الله عليه وسلم ...اشكرك لترحيبك بي والحقيقة فانا اكثر منك سعادة بالتعرف عليك وعلي جميع الزملاء ...تحياتي

الاسم الحقيقي ، أو الاسم المستعار كما تريد
اماسي

البلد
المملكه العربيه السعوديه

الدراسة العلمية
طالبه جامعيه ..
الخبرات العملية
......

الهوايات
القراءه ... السباحه ...التسوووق
كيف تعرفت على المنتدى ؟
ســــــــــــــــــر ..

هل لك اصدقاء في المنتدى تعرفهم
بالطبع .

اذا اردت ان تعبر عن نفسك في كلمات صغيرة فماذا تقول ؟
طموحه ... حساسه ... عصبيه اوقآآت
جميله .... >> اههههههه .. { امزح }

هل تفضل الكتابة في المنتدى وفي اي موضوعات
ام انك تحب قراءة موضوعات غيرك ، وماهي الموضوعات التي تحب الاطلاع عليها ؟
سأجــــآآوب مستقبلاآآ ...

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟
ما رأيك فيما يقدم من موضوعات في المنتدى وبصراحه ؟
ايضآآ سأجاوبه مستقبلا ...

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟
تطور المنتدى بالطبع يكون في المظمون من حيث المواضيع واهميتها وفائدتهآآآ ولاكن ايضاا الشكل والالوان تعطي طابع مبدئي .. وتحفيز كذاآلك

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟
غالبــآآ يوميه رغم كسلي .... وكــ حد اقصى اسبوعيه

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟
لامشكله ...
وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟
امممممم ..
فتاه في العشرين من عمري (21) من عمري اكبر اخوتي ..
احمل قليلا من مسؤلياتهم ... متعلقه بهم بشكل كبير ..
لم يكن اغلى علي في حياتي اكثر اسرتي تلك ....
اواجهـ بعض المشكلات في الدراسه وفي الحياه اتمنى ان تمر ع خير .
اطمح كثيـــرآآ ان اكون بالقرب من الله تعالى وان يكون راضي عني ..
فلا .... يوجد اجمل من ذالك ........

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟
ابدا .. ( ماعليكم قصووووووووووور )

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟
احبكم في الله ..

في امان الله
في امان الكريم
{ بعض الاسئله لم اجاوب عليهآآ لاني طوال وجودي لم اكن كمآآ يجب وكما كان يتوقع مني
ولم اشارك بهذا الموضوع الا انني قادمه وبقوه ... ان شاء الله تعالى

تحياتي لك استاذ مصطفى ....

شرف لنا أ- نجم النجوم انضمامك اهلا ومرحبا بك

خالص شكري لك جميلة..وشرف لي انا انضمامي لمنتداكم الرائع والحقيقة اني سعيد جدا منذ اشتراكي وان كان لم يمر علي ذلك طويلا ولكني بالفعل سعيد .. مره اخري خالص شكري لكي جميلة

معذرة الاخت جميلة .. فور ردي علي ترحيبك بي بحثت عنك في هذا الباب لاتعرف عليك فلم اجد لك كتابات عن نفسك .. اتمني ان تكتبي عن نفسك مثل الاخت اماسي والاخت وردة حتي نتعرف عليك عن قرب..وذلك طبعا اذا اردت .. تحياتي..

ازيكم يابشر يالى هنا
انا عرفت نفسى قبل كده
فى المشاركة دى .. من هنا
فاسمحولى ياجدعان انا عايز اعرف نفسى تانى ليكو علشان لو حد حب يعرف مين هاذوها الشخص
ههههههههههه
بعد اذنكم طبعا

الاسم الحقيقي ، أو الاسم المستعار كما تريد

محمد

البلد

مصر حبيبتى وحبيبة الكل

الدراسة العلمية

تجارة انجليزى وان شاء الله اتخصص ادارة اعمال

الخبرات العملية

اشتغلت مندوب مبيعات (مستزلمات طبية وادوات تجميل)
وشغال نقاش على قدى يعنى جوا العائلة بس لحد دلوقتى لسة شهرتى موصلتش برة العيلة
هههههه

الهوايات

التأمل
التأليف وكتابة القصص والروايات
القراءة اوووى
النت بكل حواراته
الافلاااااااااااااااااام الاجنبى اول انجلش اول زا تايم ههههه

الرياضة عموما
حاليا رفع اثقال ولياقة بدنية
وزمان كرة سلة وكونغ فو وسباحة والعاب قوى

كيف تعرفت على المنتدى ؟

استاذنا الكبير طبعا
مصطفى عباس

هل لك اصدقاء في المنتدى تعرفهم

ليا واعتز بيهم جدا

اذا اردت ان تعبر عن نفسك في كلمات صغيرة فماذا تقول ؟

شخص صعب المراس

هل تفضل الكتابة في المنتدى وفي اي موضوعات ؟

انا بقالى مدة الحقيقة عندى كسل رهييييب
بس زمان ايام مجدى ههههههههه
كنت بحب اكتب فى المواضيع الفرفوشة والبرامج والتقنيات
بس بطلت

ام انك تحب قراءة موضوعات غيرك ، وماهي الموضوعات التي تحب الاطلاع عليها ؟

اى موضوع طالما عجبنى وحسيت انه لمسنى ان شالله لو نكتة

كيف ترى الاعضاء من حولك ؟ ومن في نظرك تجده فعالا ، وماهي الموضوعات التي تحب ان تتابعها له ؟

الاعضاء زى الفل الحقيقة
ومفيش كاتب بعينه بقراله بس زى ماقلت لو حد كتب حاجة لمستنى من جوا اكيد بقراها

ما رأيك فيما يقدم من موضوعات في المنتدى وبصراحه ؟

والله من تطور لتطور

كيف ترى التطوير اللازم للمنتدى وهل ينحصر في الشكل والالوان ام نوعية الموضوعات ؟

بيكملو بعض اكيد
الشكل والالوان
ونوعية الموضوعات

حدد زيارتك للمنتدى والاطلاع عليه ، يومية أو اسبوعية أو شهرية أو كلما تحين لك الفرصة ؟

كلما اتيحت ليا الفرصة اكيد

لم نقصد في اسئلتنا اشياء شخصية حتى لانكون متدخلين في اشياء شخصية ولكن هل تريد ان تتحدث في شئ من هذا ؟

مفيش مشكلة

وان كانت الاجابة بنعم / فهل يمكنك الحديث عن نفسك بخصوصية اكثر ، وكما تريد ؟

ببساطة نفسى اعيش فى اودة عالسطوح ومع نفسى
انا فى حالى والناس فى حالها

اننا نشعر دائما انك في مكانك الصحيح وبين اخوانك ، فهل تشعر انت بذلك أم ترانا مقصرين في شئ من هذا ؟

اكيد بين ناس جميلة جدا ربنا مايحرمنا من وجودكم يارب

نتمنى لك التوفيق وان لا تكون اسئلتنا ازعجتك ، وهل لك من كلمة اخيرة لنا ولأخوانك ؟
لا مفيش ازعاج ابدا
يارب مكونش انا ازعجتكم لأنى جاوبت للمرة التانية
اتمنى للجميع ان ينعمو بليله هادئة
او صباح مشرق
ايا كان التوقيت
ربنا يسعدكم يارب

» هذا القسم مفتوح للجميع
» دعوة خروف
» يجب غسل الملابس الداخليه بعد شرائها مباشرة للجميع