بيت العز يابيت خواطر

مافكرتيش حانعمل ايه على الفطور انهارده يابرار..


طيب انا مش عاوزة اعطلك عن قراءة القرءان وانا هارتب حبة في البيت لحد ماتخلصى ونقرر نعمل ايه انا وانت على ما البهوات يصحوا

ولو في حاجه ناقصه هاصحى اى واحد من رجالة وشباب المنتدى يقوموا بقى يجيبوها.. احنا بقينا الظهر

ومديرنا مصطفى نموسيته كحلى والبهوات زودياك وهاري بوتر نايمين من يومين ماهو ماصدقه خلصوا امتحنات

اما اشوف ايه اللى ورايا

ياخبر

صحانى المجرم ده

والله ندبحك بكرة ونخلص يااسمك ايه

صباح الفل عليكِ ام عبدالرحمن... اصحى باينتى يالا......

صباح العسل ياابرار ربنا يزيدك يارب

صباح الجمال ياجميلة

معلش ياجماعه دماغي ملخبطه عشان فنجان قهوة الصبح ماشربته بس اعوضه بعد المغرب باذن الله

وعشان كده صحيت متأخر

أفوق واكتبلى كلمتين حلوين كده واجيبلكم على طول.. ونشوف هانعمل ايه...

امال فين اماسي وثلوج دافئة .... وليالى دافئة وشمس بارده

كلهم لسه نايمين برضو

ياخبر على كسل انهارده

صحوهم على مااغسل وشي واقعد اسمع ابرار شويه في القرءان صوتها ماشاء الله عليه

انا كنت بضحك عليكم وعامله نفسي نايمه وانا اصلا مكنتش نايمه وكنت شايله الاكل تحت السرير عشان افطركم بيه وهديه منى ليكم انا عازماكم على حساب ماما وبابا انهارده

مكنتش عاوزه اتعب الاستاذه جميله ولا طبعا اختى ابرار حبيبتى
وخليها عليّه انهارده وبكره نتشارك كلنا

شوفوا احنا عاملين ممبار




وبصراحه احنا كمان معزومين عليها برده ..... بس دول اللي لحقتهم على ما الباقي كانوا في النار

واما الكبده دى معموله بحلطة مامتى حبيبتى خفيفه وروووووووعه في نفس الوقت:



وهو اساسها او على راي ماما روحها التوم والخل وبنحط زيت ذرة وملح وفلفل اسمر وبعدها نحط المكونات دى على زيت مش كتير ونحطها كلها مع بعض ونسيبها حبتين على النار ونقلبها ومانطولهاش على النار عشان ده سر من اسرار الكبده لو طولت تكون وحشه ودليل على الست الغير ماهره ولو قعدت قليل يبقي نيّه وكده ماستوتش


وكان فيه مخ مالحقتش اصورة للأسف...


ماعلينا...

وللي بيحب الكوارع... دى اكلة الحبايب ... برده ماصورتهاش بس جبتلكم صورتها...


وجايبه من عندى محشي ورق عنب عشان نفسي فيه صراحه



كل سنه وانتم طيبين

وعقبال كل سنه نكون مع بعضنا ياااااااااااااااااارب يارب

والنبي ياصافي لو عملتلك قهوه بعد الفطار اعملي حسابي عاوزة ادوقها من ايديكى لو سمحتى

...............

انا مشغله الاغنيه دى دلوقتىىىىىى

ام كلثوم يا ليلة العيد آنستينا






ياليلة العيد انيستينا وجددتى الامل فينا ياليلة العيد
هلالك هل في عنينا فرحناله وهنينا وقولنا السعد هايجينا على قدومك ياليلة العيد

الله اكبر الله اكبر الله اكبر لا اله الا الله

الله اكبر كبيرا والحمدلله كثيرا وسبحان الله بكرة واصيلا

لااله الا الله
وحده

صدق وعده

ونصر عبده

واعز جنده وهزم الاحزاب وحده


لا اله الا الله

ولا نعبد الا اياه


مخلصين له الدين ولو كـــــــــــــره الكافرون


اللهم صلى على سيدنا محمد

وعلى آل سيدنا محمد

وعلى أصحاب سيدنا محمد

وعلى ازواج سيدنا محمد

وعلى ذرية سيدنا محمد وسلم تسليما كثيرا

كل سنه وانتم طيبين

دبحنا الخروف بس محدش جه ساعدنا خالص خالص

انتم فين يارجال المنتدى الشامخوووووووووووووون

ونساء المنتدى القوارير

سيبتوني لوحدي ولا ايه؟؟؟؟؟؟؟؟؟؟؟؟؟؟

البيت مهجور من غيركم

حد يقدر ؟

الا ام عبد الرحمن

موضوعك هايل وجميل

ومنتظرك تكمليه

رائع والله

بس شايفك ماشية فيه قلت بلاش اقطع احبل افكارك

وكل سنة وانتي طيبة

واشكرك على نشاطك الأكثر من رائع

اخص عليكوا
كده محدش يصحيني
اصلي العيد
وكمان تدبحوا الخروف من غيري
يلا بقي
امري لله
كل سنه وانتوا طيبين

سلام الله عليكم
أنا جيت أُبتت حضور بس وأقعد شويه وأمشي
لغاية ما أشوف راجل معايا يتشجعني وييجي ينام معايا
لاني أستحاله أنام وحدي في غرفة وباقي البيت بنات وستات
دا لو وحدة عايزة تدق مسمار في الحيط مش هاتلقي ألا أنا
أيه ده
هههههه
خروف دي ولا حته منه
هههه
الخرفان عندنا يابا في البلد
مين إليي في الصاله دي فرسكا
أخفهم ضررا
وطي حسك ياباهي دا أنت وحدك
علي رأيك يافرسكا
ولذا أنا ماشي وجاي إن شاء الله بكرة
سلام
سلام

صباح الورد والاعياد عليكم

انا صاحيه الصبح وعامله مجات كبيرة نسكافيه ساده لكل اللـ يحب يشرب معايا

وكله معمول حسابه

وشغلت اغنية لمحمد منير والسماعات في الغرف كلها بتغني اغنيته

يالا اصحوا ومستنياكم في الصاله

صباحك جميل اماسي

لا ياستاذي لن اسمح بذلك بتاتا..........
والله والله لو ماعملتنا اكله من ايديك الدهبيه دي هاعمل عمايل وحشه في بيت المنتدى بتاعك اوى اوى

وبعدين انت عارف تهديدات القطط.....

بتكون عامله ازاى

هاجيب كل اصحابي القطط المقطقطين وهانقلب البيت كله........

ايه رايك استنى الاكله ولا اقلبها قطط.....

وبعدين انا نفسي اعمل معاك حديث صحفى....

هانعملنا فنجانين كركديه ساقع فى البرد ده ونقعد فى الجنينه عشان نتلج فى وقت التا ده واستغلك يااستاذى عاوزة اسالك اسئله كتير اوى اوى لانى بحب اتعلم من حضرتك جداااااا زى مانت عارف

منتظره تنور بيت خواطر والا ازاى يعنى تكون شاريه لينا وماتكونش موجود

منتظرينك.......

كل سنه وانتى طيبه يافريسكا وبعدين انتى خم نوم نمتى ونصحى فيكى مش عاوزة تصحى

قومى اطبخى اللحمه يافالحه ولا سهرانه طول الليل في البلكونه انتى وشاعر الغروب ومستخبيين ومش عاوزن تطلعوا.. وسرحانين مع بعض

من لقى احبابه نسي اصحابه ياستى ايوا ياعمممممممم

محدش ادك.........

لو حصلكم حاجه ماتقلقوش دى عينى بس

هههههههههههههههه

رايح فين ياستاذ باهى؟؟

هو دخول بيت خواطر زي خروجه

انت تجيب هدومك وابحاثك وكل حاجاتك وتيجى هنا وشوف تحب تقعد مع مين ويجوا ليك ونستدعيهم على الفور.......

المهم والنبي ساعدنا شويه فى موضوع الخروف ده بهدل البيت........

منور البيت ...

احنا صاحيين ياست اماسي وفايقن على الاخر

بس ايه الشياكه دى؟؟؟؟؟؟؟

كل سنه وانتى طيبه

هاتى العيديه بقي......
ههههههههههههههههههههههههههههه

تعالى اقعدى معايا شويه

صباحك ومساءك جميل زيك صافي

تسلم ايديكى على النسكافيه

انا بحبه ساده مر ده مزاج

وبينى وبينك انتى بتعرفي تظبطيه جدااااااا

مفيش احلى من الصباح فى فنجان نسكافيه وكلمات رقيقه من كلامك الحلو

وخوااطرك الادبيه بتاخدنا لبعيد اوى اوى

كل سنه وانتى طيبه ومنير صوته رائع ومبهج الصبح جداااااااا

أنت هاتحبسيني ياأم عبد
دي أيام عيد أروح أشم هوا
أثم ناسيين أنو عيد
ثم أني في البيات لازم يكون مععايا راجل تاني
لأنكم بتثرثروا كثير وأنا بعد فترة بزهد
وأنا هاتيلي هاري بوتر أو جمال شحاته ممكن أبيت معاهم أو واحد منهم
باااي

يازودياك انا اساسا مااخدتش عيديه من حد عشان اديلك انسي بقي العيد ده


كل لحمة وخلاويص

حضرتك محبوس من اول مااجيت يااستاذ باهى

وبعدين اختار اللى انت عاوزه منهم واحنا هانحاول نعمل عازل للصوت عشان الرغى بتاعنا

بس الرغى مابيحلاش الا نص الليل

يالا جيب حد من حبايبك لان خلاص مابقاش في فرصه للخروج عن البيت

انا هاستأذنكم اروح لجدتى وهابات عندها وده يومى من كل اسبوع مع مامتى ... وهاسيبكم واجيلكم بكرة الاربعاء باذن الله بس على مااجى ممكن حد يقولى البيت ناقصه ايه لحد دلوقتى عشان نكمله

وكمان اللي يجي يقولنا عمل ايه فى العيد

انا شخصيا تقريبا مااختلفش عن اى عيد غير ان افرق ان طبعا عندى حالة وفاة وهى بنت خالى وكان الاربعين بتاعها تانى يوم العيد عشان كده كان عيد حزين شويه بس انا فرحت معاكم اوى اوى....

وطبعا عشان حالة الحزن مااخدتش عيديه من حد

بس ناس اقاربنا جم وزارونا وبس

كل سنه وانتم طيبين العيد خلص وعقبال ميت سنه

هاجيلكم بكرة وهاجيبلكم حاجات حلوه عشان ابرورتى موصيانى اجيبلها حاجه حلوة

وطبعا هاجيبلكم معاها يعنى هى بس معقول؟؟؟؟؟؟؟


وعاوزة اقولها اشربي قهوه عشان تفوقي شويه بلاش النعانيعو ده

وادخلى بقي يافريسكا من البلكونه انتى وشاعر الدنيا بقت تللللللللللج

واستاذ مصطفى قال مستحيل هاقعد فى غرفه لوحدى مش عاشان انا الريس يعنى... لازم اكون مع اهلى واصحابي وكمان مابحبش الوحده وهانشوف هايختار مين ويكون معاه

وكمان استاذ باهى بيوضب هدومه اهو فى دولاب الرجاله مرغما يعينى

تصبحوا على خير واشوفكم غدا بالليل