نفسي أكون سفاح ومصاص للدماء (دريكولا )!!

نفسي أكون سفاح ومصاص للدماء (دريكولا )!!
قال لي شاب في مقتبل العمر قريب لي :
عارف ياباهي أنا نفسي أكون إيه ؟؟؟
قلت له إيه؟؟
وأنا مبتسم ومتخيل أنه سيقول لي مثل كل من هو في سنه في بداية المرحلة الثانوية ....
نفسي أكون دكتورأو مهندس أو طيار أو صايغ ذهب أو حتي أحمد عز نفسه
فلم أرد أن أحرق عليه المفاجئة وقلت له:
إيه ياباشا كنت عايز تكون إيه؟؟؟؟ فقال ما أدهشني:
نفسي أكون سفاح أو قاتل!!! المهم يخافني الناس فأدهشني جوابه الغير متوقع لي ولما طلبت منه التبرير...! برر وبصورة منطقية ومقنعة جدا !!
لكن لم يكن هذا هو هدفي في الكتابة الأن بل أوحي لي
بهذا الحوار أوجهه لكم إحبائي الكرام ؟؟؟!!!!
وهو ماذاكنت تتمني أن تكون ؟؟غير ما أنت فيه الأن ؟؟؟
مثل ما قال أحد الأطفال أريد أن أكون جزار فلما سأل لماذا؟؟
والكل متخيل إنه يريد العنف ففاجئهم قائلا
علشان أكل لحمة كتيير !!
فماذ كنت تريد أن تكون؟؟؟!
فضفض معانا ياسي الأمور
وأنا في إنتظارك ؟؟

ههههههههههه ...
مش حتضحك علينآآ مثل رساله المجهول !!

والله انا بريئه جدآآ ...
كنت بتمنى ادخل المدرسه ...
ولما دخلت تمنيت اكبر واكبر لحتى اخلص ...
مش بفكر لبعيد ....

ودحين كمآآن امنياتي محدوده ...
احصل ع وظيفه جميله

وياريت تحكي لنــآآ كيف اقنعك الشاب { مصاص الدماء

تحياتي لك ...

شوف يااستاذ باهي
وانا صغير كان نفسي اكبر زي اخويه وانزل من البيت من غير ماحد يقولي رايح فين
وكان الموضوع ده شاغلني جدا وده لاني بحب الحريه جدا

أنا كنت أتمنى أكون مهندسة ديكور
بس ربنا ما أراد
وكنت اتمنى اكمل دراسة الجامعة
يعنى اكون معيدة وماجستير ودكتوراه
ههههه بس اتجوزت وطبعا ضاعت الأحلام
حلو موضوعك باهى
يسلمو cheers

أماسي أنت عزيزة علينا خالص ربنا يخليكي
هههههههه أنت لسه فاكرة الحبيب المجهول ههههههههه
ربنا يسعدك
واضح من أمنياتك وبساطتها طبيعتك البسيطة
لكن ألا كنتي مثلا أو مازلتي تتمني أن تكوني شيء أخر غير أماسي التي تعرفينها مثل شخصيةعامة أو رياضية أو قوية أو فائقة الزكاء أو مروأة دماغك من المشاكل
فضفضي ياستي ماحد واخد منها حاجة
في إنتظارك

ا

أخي مختار شكر لمشاركتك
لكن بعد أن تحقق ما كنت تتمناه ألم يخاطرك إحساس أحيانا في أن تكون شيء أخر غسير ما أنت عليه الأن
تكون في بلدك مثلا
وتنهي الغربة
أو أي شيء اخر في إنتظارك

شكرا ياأبرا لإشتراكك معنا
وشكرك علي الثناء علي موضوعنا
والحمد لله علي ما وصلنا إلية
لكن في واقعم التي أنت فية الأن أمازلت تتمني أن تكوني مهندسة ديكور وماذا كنت تتمني الصفات الي تتحلي بها الأن فكري
وأنا في أنتظارك

[quote="باهي"] أماسي أنت عزيزة علينا خالص ربنا يخليكي
هههههههه أنت لسه فاكرة الحبيب المجهول ههههههههه
ربنا يسعدك
واضح من أمنياتك وبساطتها طبيعتك البسيطة
لكن ألا كنتي مثلا أو مازلتي تتمني أن تكوني شيء أخر غير أماسي التي تعرفينها مثل شخصيةعامة أو رياضية أو قوية أو فائقة الزكاء أو مروأة دماغك من المشاكل
فضفضي ياستي ماحد واخد منها حاجة
في إنتظارك

والله يااستاذ باهي ..
انا طماعه شويــآآ ...

{ حابه اكون كاتبه روااائيه ممتآآزه ...
يعيش معي القارئ تفااصيل دقيقه وتصل اليه المعاني بشكل مميز ... }

حابه كمآآن اكون مهندسه معماريه عن طريق التصميم بالحاسب ...

وحابه كمآآن اكون مبدعه في عالم المطبخ ...

وبس
وطبعآآ كلو بالمشمش ...

وشكرآآ ليك جدآآآ ...
ممكن تكون اول مره افكر في امنيات اتمنآآهآ وصعبه تتحقق بس اكيد مش مستحيله >>
متفائله صح ..!

عذرا ع الاطآلـــــــــــــه

ههههههههه سفاح مرة واحده

انا بقي ماوصلتش لمستوى السفاح ده لكن انا اتمنيت حاجات كتير اوى وانا صغيرة وكل ماكنت اروح في مكان اتمنى اكون زى الموجودين يعنى كنت اتخيل نفسي مدرسة واتخيل ان كنت هاشرح بالشكل الفلانى وكنت بتخيل التدريس ده من ناحية بعيده عن المدرسين كنت بتخيلها من ناحية الطلبه يعنى اقول مثلا لو كنت مدرسة هاخد بالى من طالبه كانت قاعده ورا لكن مش دايما اللى ورا خايبه زى الناس مامتصورة

واعمل حسابي مااعملش الحركه (س) دى عشان ماتجيش طالبه تقول عليه زى مازميلتى قالت على المدرسه بتاعتنا .. واقعد اعملى ملاحظات فى بالى عن الطلبه لما اكون مدرسه

... بس ده مثال

تخيلت نفسي كتيييييييييييييييير دكتورة وكنت بحب اوى الموضوع ده وكنت بجيب لعب كتير للطب

واكتر شئ كنت بتمناه وقريب لقلبي وكان حلمى اوى حكاية المضيفه كنت اتمنى اطلع مضيفه لانى كنت بحسدهم ان كل شويه طالعين من طيارة ونازلين لطيارة تانيه وكنت بحب اكلهم اوى .. وانهم بيشوفوا السما والبحر وبيروحوا بلاد كتير
وياما حاولوا عندى يكرهونى فى موضوع المضيفه دى بس كنت ببص عليهم وبحبهم اوى ... وكنت افكر ليه مضيفات الطيران في مصر مش محجبات واتخيل نفسي اكون زيهم بس محجبه
وسبب تعلقي بيهم لان وانا فى طفولتى كنت بسافر كتير اوى وكنت بحب المطار والطيارات

وكان الحاجه الحلوة اللى بارزة فى شخصيتى وماكتشفتهاش اوى هى ان معظم العابي كانت للطبخ والاكلات واتخيل نفسي وانا برتب مطابخى واعمل اكلات وانظمها .. ولما كنت بكبر كنت دايما فى اعتقادى ان مابعرفش اعمل اى اكل وكنت بحاول اتعلم وابقي شاطرة ومع ذلك لسه الفكرة جوايا ان لسه برده مابعرفش
ودلوقتى تخصصى اساسا اكلات واطعمه وبحاول اجرب واتعلم ولسه نفس الفكرة موجوده كل ماادخل المطبخ اقول مش هاعرف اعمل الاكله ولا اخترع ..

طولت عليكم .. استاذ باهى حضرتك بقي كنت نفسك تطلع ايه؟

بعتذر للرغي ههههه

أماسي
أنا فرحان خالص أنك جيتي تاني ترغي معانا أمال أحنا عاملين الباب ده ليه علشان كل إلي عايز يرغي يدخل ولذا لا داعي للإعتذار عن التطويل لأن ماكو رغي من غير تطويل
وانا سعيد جدا أن أحلامك الماضية بدأت تتفتح وتعبر عن نفسها
وللعلم أحلامك لو تنازلنا عن المهندسة المعمارية يمكن تحقيقها مثل الروائية الممتازة والمتميزة في المطبخ وأنا في أنتظارك ياباشا نرغي شوية هو حد واخد منها حاجة أرغي أرغي ولا يهمك

مني أهلا بيك معانا وشرفتي
ونبدء من أخر الكلام
إنه لا داعي للإعتذار علي التطويل لأنه زي ما قلت لأماسي هو فيه رغي من غير تطويل !!!!!
وحكاية أنك كنت تتقمصي المواقف وتتخيلي نفسك فيها هذا يدل علي إنك لك خيال وأفق واسع وأن نفسك طموحة لتحقيق أشياء كثيرة
أما ما تذكريه بشأن الطبخ كله يدل علي إنك طباخة ممتازة لكن لايعرف ذلك إلا بعد الحكم علي ما تصنعين ونحن تحت أمرك أعزمينا وأحنا نيجي نقول رأينا ولا نسأم من ذلك أبدا
نحن في إنتظارك دائما وشرفتينا
إلي اللقاء

المشكلة ان الامور تغيرت والاحلام تبدلت
ايامنا كان الناس يتمنون اشياء
واقعية وجميلة لحياتهم ومستقبلهم
الآن معظم الشباب امنياتهم غريبة
ليس فقط غريبة ولكنها لاتمت الى واقع ولا منطق
ولكنها تمت الى ما وصلنا اليه من حال
فالذي يتمنى ان يكون مغنيا او لاعب كرة قدم
او حتى حرامي .. فالامنيات انحسرت في الكسب
والمال فقط ولا امنية لمركز ولا وظيفة محترمة
ولا حتى طبيب او غير ذلك فكل الوظائف التي كما
نحسبها راقية اصبحت لا تدعم طموحات الناس
في العيش الكريم فنحن نرى الشباب يفنون ايام
شبابهم في التعليم ثم بعد ذلك وبعد حصولهم على
شهادة من كليات محترمة ولها مركز اذا بهم ينتهى
الحال بمقهى أو جلسه عاطلين عن العمل والكل يعلم
متطلبات الحياة .. وهكذا انقلبت الموازين واصبح
الحصول على المال غاية الناس شباب وكبار بغض
النظر عن الامنيات القديمة التي تبدوا غرقا في الاحلام بالنسبة لصعوبة الحياة التي نحياها

نعم أخي مصطفي الامور تغيرت بالنسبة للجيل الجديد لكل ما ذكرت حضرتك من أسباب لكن كنت أعني أيضا مواصفات في نفسك كنت تتمني غيرها مثل أن تكون خجول أو قصير أو أسمر وتريد عكس ذلك أو فتاة سمراء تريد أن تكون شقراء وهكذا إلي أن نجد من يتمني أن يكون دروكولا أو الرجل الخفاش باااي
في أمان الله
باهي

أنا فهمت حضرتك عايز تقول إيه ولذا أنا نفسي في المناقشات الهامة يكون صوتي عالي بدلا ما يكون همس من خجلي
وشكرالك

برافو عليك فاتفوتة
فعلا أريد أن أقول نفسك تكون إيه في حاجة مش فيك
زي أبن الناظر في فيلم الناظر صلاح الدين الي كان عايز يبقي روش وصايع كنوع من التنفيس عن الكبت إلي تكون عنده نتيجة لاأسلوب أبوه في التربية
وما تعاني منه انت من أنخفاض الصوت في المناقشة
يمكن التدريب عليه وهايكون فيه نتيجة أن شاء الله
وشكرا لمشاركتك
نورت وشرفت

» بحث عن نفسي
» جننتك نفسي .. قبلت جنانك