جننتك نفسي .. قبلت جنانك

فاكرة
يوم ما عرفتك
أول كلمة سمعتها منك
كنتي بتقوليها بصوت واضح
يوميها رديت عليكي
لما قلتي
جننتك نفسي
قلت لك قبلت جنانك
قولنا ساعتها ان جنانا صعب
لأ اقصد حبنا
يمكن كان اجمل حاجه فيه انه صعب
حتى على كل اللى حوالينا
صعب علينا في البعد ده
نوصل لكل ده
لدرجة انك تقوليها
مجنونة
وانا ارد بقلبي وعقلي
مجنون
وهو احنا مش كنا سعدا بالجنون ده
قبلت جنانك
ومن اول ما عرفتك
حتى انتي كمان
قبلتي جناني
يبقى دلوقي بتستغربي
ولا فاكراني عاقل
الف بعد الشر عني وعنك من العقل
انا قبلتك كده بجنانك
وانتي جننتيني نفسك وخلاص

عارفه
اغبي حاجه ممكن نقع فيها ايه
اننا نفكر شويه بعقلنا
جربتي وجربت
ولا طولنا حاجه كويسه
وبعدين انا بحبك كده
مجنونة
وانتي قبلتيني برضه مجنون
فاكرة
لما حلفنا
وكذبنا
وعقلنا شويه \واتجننا
تفتكري اي ناحيه كانت سعادتك
وسعادتي
ناحية العقل ولا القلب
جايه دلوقتي بتحكميه
وهو كان فين لما اتجننا
طيب فاكرة
لما كنا بنحلم مع بعض
واحنا على البعد ده
ورسمنا الدنيا بريشة جنوننا
كان فين العقل اللى لما كنا بنفكر فيه بيلوعنا
طيب فاكرة لما كنتي في حضني
وانا وانتي بينا كل المسافات دي
كان اجمل حاجه فيكي جنونك
واعقل حاجه فيه جنوني
وانا عارف من الأول اني مجنون
وكمان قبلت جنانك
جايه دلوقتي بتحسبيها
كلام عبيط وملامة
وخصام \زي العاقلين
كان فين العقل ده
وتفتكر حيوديكي فين
وحيوديني فين
ده مش بعيد يجننا ياعبيطة
طيب حسألك
ايه اجمل
تكوني عاقلة كده
ولا تجننيني نفسك وحبك وقلبك
واقبل انا جنونك
يا اجمل مجنونة
واعقل حبيبة
قبلت جنانك
لحد ما تعقلي وترجعي لجنانك تاني
وحتلاقيني اول مجنون بيحبك
وقابل جنونك

جميلة خاطرتك ومشعة بالروح..

اعدت لنا ارواحنا من جديد مصطفى .. ورافقت معها شذى البهجه وهلت منها روائح الحب

تسلم الايادى وسطور الكلمات.. ودمت لنا بالخير كله

من يشم روائح الحب اقوى من احساسك صافي ؟
يبدو ان الجنون له من يتذوقه ايضا
فمرحبا في ساحته
كنت اظن ان الخاطرة ضعيفة
حتى تحركت اناملك اليها
تحياتي وجنوني

» بحث عن نفسي
» نفسي أكون سفاح ومصاص للدماء (دريكولا )!!