سؤال خفيف وبرئ .. وصغير..للناس الطيّبه؟!

نتناقش وبدون خناق مابينا الازواج والزوجات؟؟؟

وبدون مانقلب على بعضنا

هو سؤال خفيف على الودان ويارب مانطلع بره

ليه ياآدم بتفضل قعدةالقهوه

مع ان الميه السخنه والبراد والسكر والبن في البيت

ولو في سيجاره الست مابتقولش حاجه...

وصحبه حلوة فى ناس برضو في البيت من غير مانكلضم ونكشر عن انيابنا؟؟

بسأل آدم بتحب قعدة القهوه والصحاب اكتر ليه؟؟؟

واسأل حوا ايه اللى بيطفـش..... يوووه اقصد اللى بيخرج زوجك بره وبيحب يقعد دايما على القهوه

ويسلام لو كانت القهوه بعيده شويتين تلاته عن البيت

ويقول ياريت تبقي اكتر عشان ماتبعتلي العيّل بطلب ولا حاجه....

طيب من غير عصبيه انا هاسكت ياعزيزتى الزوجه واسالك تانى عشان تعيدى التفكير تانى

ليه آدم بيحب قعدة القهوه اكتر ولمة الأصحاب والطاوله والسيجارة مع انك جايباله الشاى والبن ولو فى كركديه وسحلب معندكيش مانع تجيبه له وكله على حسابه مش مهم
ماهو الاتنين على حسابه برضو
ماتقوليش بأه دي فراغة عقل ولا وقت ولا عيونه زايغه

انا مابقلبك عليه ولا حاجه...... لا سمح الله

ده سؤال برئ وبس

وهطلع انا من الملعب لحد مااشوف اللعـ.... اقصد الرد

صباح الفل عليكم

سؤال لذيذ يا صافى
وبما أنى من جنس حوا وزوجة هرد طبعا
شوفى ياستى أعتقد أن هروب يوووووه أقصد خروج الزوج إلى المقهى أو الكوفى شوب ليس له تفسير سوى التغيير فلو خرج الزوج بعيدا عن البيت ومشاكله وتقابل مع أصدقائه أستطاع أخد شحنة جديدة لمسايرة الحياة الزوجية
فى بلاد برة الزوجان يأخذان أجازة من بعضهما حتى لا يملا المكوث معاً طول الوقت
وبينى وبينك يا صافى خروج الرجل من البيت نعمة
بجد خصوصاً لو كان راجل كئيب بتاع مشاكل وبيتدخل فى كل شىء
مما يؤدى ذلك إلى كثرة المشاجرات بين الزوجين

مش عارفة بقى أنا كده رديتلك على سؤالك
بس اسمحى لى عاوزه أسألك سؤال صغنون ممكن؟؟
ياترى بقى من حق الزوجة هى كمان تخرج شوية زى الزوج ؟؟
طبعا لو آدم رد هيقول لأ طيعا والسبب أنها ست والست ملهاش الا بيتها
لكن أنا راجل
سؤال خفيف وبرئ .. وصغير..للناس الطيّبه؟! Icon_evil

وبصى بقى أنا همشى سؤال خفيف وبرئ .. وصغير..للناس الطيّبه؟! Icon_evil

عشان لو قعدتلك اكتر من كده هخليلك الموضوع ضلمة
سؤال خفيف وبرئ .. وصغير..للناس الطيّبه؟! Icon_rolleyes

سلامو عليكو

يــــــآآ بريئه يااصافي ....
الزوج ... متعود ع الخروج من المنزل دائما وخروجه في اوقات معينه للقهوه لايؤثر في نظام المنزل كما لو خرجت الزوجه وخروجه من مصلحه الزوجه فقد تستطيع اخذ حريتها في اعمال المنزل وان تفاجئه مثلا بشيئ ماا ... >> فديتني رومانسيه ...

يعني لاضرر ....

اطلع ياادم وانبسط واشرب قهوه ورووق كمآآآن ...
...... افهم صح سؤال خفيف وبرئ .. وصغير..للناس الطيّبه؟! Icon_redface

>> ...

لأ لأ لأ ياابرار ده انتِ حكايه وكلامك عاوز روقان وقاعده جميلة وفنجانين قهوه على مزاجك تستاهليه على الكلام الحلوده

شوفي... واحده واحده عليّه بأه عشان نتكلم ونقول

سؤال لذيذ يا صافى

تسلمي
وبما أنى من جنس حوا وزوجة هرد طبعا
شوفى ياستى أعتقد أن هروب يوووووه أقصد خروج الزوج

داخله على الحامي

إلى المقهى أو الكوفى شوب ليس له تفسير سوى التغيير

آه مش كده؟؟؟!!!!

فلو خرج الزوج بعيدا عن البيت ومشاكله وتقابل مع أصدقائه أستطاع أخد شحنة جديدة لمسايرة الحياة الزوجية

الشحنه دي فى الاخر بتيجى على راس مين.... آه اصلها تفرق برده ... اكيد العيال مش كده؟؟؟!!!

فى بلاد برة الزوجان يأخذان أجازة من بعضهما حتى لا يملا المكوث معاً طول الوقت

فعلا ... رغم ان التعامل واسلوب التعايش بيختلف مابينا وبينهم لكن لازم الاجازة...

وبينى وبينك يا صافى خروج الرجل من البيت نعمة

ياخبر ابيض... انا شخصيا فى صفك فى الموضوع ده بس وجوده مهم برضو والمشكله ان هما فى وقت اللزوم بيروحوا .

بجد خصوصاً لو كان راجل كئيب بتاع مشاكل وبيتدخل فى كل شىء
مما يؤدى ذلك إلى كثرة المشاجرات بين الزوجين

صحيح... بس مين يسمع ويفتنع انه كئيب؟؟؟؟؟.... لكن فى رايك هى الزوجه مش محتاجه كمان شحنه زيه ولا بتاخدها منين....

اوعى تقولي من المطبخ انا عارفه ان فيه شحنات كتير... ورغم انها مابتاخدش شحنات لكن الامور بتمشى برضو..بس اشمعنى الزوج؟؟...

مش عارفة بقى أنا كده رديتلك على سؤالك

رديتى ونورتى كمان بس الموضوع ياترى على الخروج عموما للزوج بس ولا الخروج للقهوه خصوصا؟؟؟

يعنى اشمعنى القهوه ... ولا نقولها للشباب الحديثين دلوقتى الكافي شوب... بس دى بأت للبنات والشباب يعنىمفيش حجه

بس اسمحى لى عاوزه أسألك سؤال صغنون ممكن؟؟
ياترى بقى من حق الزوجة هى كمان تخرج شوية زى الزوج ؟؟

يمكن الست بيتوتيه شويه .... او يمكن مش فاضيه.. ماتخربيش عليها البيت بأه وخليها مش فاضيه...
طبعا لو آدم رد هيقول لأ طيعا والسبب أنها ست والست ملهاش الا بيتها
لكن أنا راجل

طب ماتخلينا نسمع رأيه يمكن يقول كلمه تنصف.. تعالى نستنى حد منهم
وبصى بقى أنا همشى عشان لو قعدتلك اكتر من كده هخليلك الموضوع ضلمة
سلامو عليكو

بالعكس ده انتِ منورانى كتير... واسعدنى رايك وردك الجميل اشكرك وشرفتينى وفي انتظارك دائما

اماسي كتب:: يــــــآآ بريئه يااصافي ....
الزوج ... متعود ع الخروج من المنزل دائما وخروجه في اوقات معينه للقهوه لايؤثر في نظام المنزل كما لو خرجت الزوجه وخروجه من مصلحه الزوجه فقد تستطيع اخذ حريتها في اعمال المنزل وان تفاجئه مثلا بشيئ ماا ... >> فديتني رومانسيه ...

يعني لاضرر ....

اطلع ياادم وانبسط واشرب قهوه ورووق كمآآآن ...
...... افهم صح >> ...

ياجمال رومانسيتك يااماسي... مفيش اجمل من البراءه والرومانسيه في حوا ويحلف بيها آدم والله
بس يارب ماتكون ده اللى بيخليه يروح للقهوه لحد نص الليل...

انا معاكى ان الزوج والزوجه محتاجين هدنه كل فترة والتانيه بينهم او الاختلاء بنفسهم ولو فترة بس كل يوم؟؟؟؟؟؟؟؟؟؟؟

ليه كده طيب....

واحنا عاوزين زيهم نشرب قهوه بس بينى وبينك مفيش احلى من قهوتناونعملها بايدينا حتى تكون مضمونه
... احلى قهوه ليكى اماسي العزيزه... نورتي ياقمرايه

طرح جميل ومنطقي
لكن لي عليه بعض التحفظات في الإجابة
أنا أولا أقرب إلي رأي أماسي
قد تكون فترة الجلوس علي القهوة وبالذات إن كانت صغيرة
قد تكون مفيدة وملهبة للعواطف
أو علي الاقل مانعة للمشاكل
ثم لا يجب أن نحسب خروج الزوج للقهوة الهدف منه شرب القهوة
فاوفره بالمنزل لا بل فنجان القهوة وسيلة للخروج
وبعدين فكيها شوية علي الرجاله ياصافي
وخليكي زي أماسي ههههه

انا حكتب رأيي وبعدين اقرا اراء الاخرين
اولا الخروج من المنزل له قياس غريب
انا بلاحظة .. يمكن كمان من الكلام المكتوب
يعني مثلا الاكل موجود في البيت وانقى من
المطاعم .. يبقى الناس بتروح ليه مطاعم
والفرجة على الافلام أو مباريات كرة القدم
في البيت اهنأ واروع وبراحتك ، ليه الناس
بتروح سينما وتحضر مباريات رياضية
في الملاعب مباشرة
اعتقد ان فيه سر مابين اعتيادك ممارسة حياتك بالمنزل
وامورها وطقوسها وما بين ممارسة هذه الطقوس خارج
البيت ، هناك فرق معنوي كبير ، حتى انك تتمتعي برحلات
الشواء في البر او الحدائق اكثر بكثير منها في المنزل
اذا نتفق على ان ما يحدث في المنزل يختلف معنويا بما
يحدث خارجه .. كماان خروج الرجل من البيت له ايضا
اسبابه الجوهرية ومزاياه خصوصا لزوجته حيث انها
سوف تتفرغ قليلا لاتمام ما بيدها من شئون البيت
وبيني وبينكم مادام طلبت صراح برضه .. قعدة الراجل
في البيت كتير مش ظريفه ، هو كمان بخليقته مش بتاع
قعده في البيت لأنه كادح والبيت بالنسبة ليه راحه من التعب
وسكن يسكن اليه اخر الجهد .. لكن البيت بالنسبة للمرأة مملكتها
وهي رئيسة جمهورية بيتها ، يجي بأه صاحبنا ينازعها ويبقى
من المعارضة .. ده غير كل شويه مناقره واعملي كذا وبلاش تعملي
كذا ويعمل باشمهندس حتى على امور نسائيه مالوش فيها
زعلانين ليه خليه يروح بعيد شويه حتى عشان ما يمل كمان
من شكل مراته وتوحشه ويشتاق ليها .. وهي كمان ترتاح منه
شويه ولما يججي تقوله ربنا ما يحرمني من دخلتك علية يابو عباس

الناس في القهوة بتبقي بحريتها خالص
أنا جوز عمتي المقر الرسمي له بعد العمل هو القهوة
وعندهم في البيت كل حاجة
حكم

باهي كتب:: طرح جميل ومنطقي
لكن لي عليه بعض التحفظات في الإجابة
أنا أولا أقرب إلي رأي أماسي
قد تكون فترة الجلوس علي القهوة وبالذات إن كانت صغيرة
قد تكون مفيدة وملهبة للعواطف
أو علي الاقل مانعة للمشاكل
ثم لا يجب أن نحسب خروج الزوج للقهوة الهدف منه شرب القهوة
فاوفره بالمنزل لا بل فنجان القهوة وسيلة للخروج
وبعدين فكيها شوية علي الرجاله ياصافي
وخليكي زي أماسي ههههه

نظرة منطقية من رجل ومانقدر نقول عليها حاجه.........

بس احنا بنقول طعمها من ايد المدام احلى...
على العموم ... خلينا في البيت احسن.. مالها ميولدي افلام..

تحياتى باهى

[quote="MOSTAFA_ABBAS"]

اقتباس :: انا حكتب رأيي وبعدين اقرا اراء الاخرين
اولا الخروج من المنزل له قياس غريب
انا بلاحظة .. يمكن كمان من الكلام المكتوب
يعني مثلا الاكل موجود في البيت وانقى من
المطاعم .. يبقى الناس بتروح ليه مطاعم
والفرجة على الافلام أو مباريات كرة القدم
في البيت اهنأ واروع وبراحتك ، ليه الناس
بتروح سينما وتحضر مباريات رياضية
في الملاعب مباشرة
اعتقد ان فيه سر مابين اعتيادك ممارسة حياتك بالمنزل
وامورها وطقوسها وما بين ممارسة هذه الطقوس خارج
البيت ، هناك فرق معنوي كبير ، حتى انك تتمتعي برحلات
الشواء في البر او الحدائق اكثر بكثير منها في المنزل
اذا نتفق على ان ما يحدث في المنزل يختلف معنويا بما
يحدث خارجه ..

]
هو الصراحه المطاعم لها طعم تاني وروح تانيه برضو

وطبعا الكلام هايكون غريب وعجيب.. بس على العموم مش هايغريب لو المدام متشعبطه في ايد جوزها .. هانسكت ونبقي زى الفل... ومحدش يزعل يابنات من القهوه ولا حاجه.. بس مادام وحدى وحدى .. يبقي هايدنه غريب وعجيب...

اقتباس :: كماان خروج الرجل من البيت له ايضا
اسبابه الجوهرية ومزاياه خصوصا لزوجته حيث انها
سوف تتفرغ قليلا لاتمام ما بيدها من شئون البيت
وبيني وبينكم مادام طلبت صراح برضه .. قعدة الراجل
في البيت كتير مش ظريفه ، هو كمان بخليقته مش بتاع
قعده في البيت لأنه كادح والبيت بالنسبة ليه راحه من التعب
وسكن يسكن اليه اخر الجهد .. لكن البيت بالنسبة للمرأة مملكتها
وهي رئيسة جمهورية بيتها ، يجي بأه صاحبنا ينازعها ويبقى
من المعارضة .. ده غير كل شويه مناقره واعملي كذا وبلاش تعملي
كذا ويعمل باشمهندس حتى على امور نسائيه مالوش فيها
زعلانين ليه خليه يروح بعيد شويه حتى عشان ما يمل كمان
من شكل مراته وتوحشه ويشتاق ليها .. وهي كمان ترتاح منه
شويه ولما يججي تقوله ربنا ما يحرمني من دخلتك علية يابو عباس

آآه جت في الاخر على دماغنا واتقلبت على مصلحتنا.. هى دى الرجاله وبيقولوا ان كيدهن عظيم.. ده احنا طلعنا غلابه يامصطفى.. يعنى انتم كده بتريحونا طب كتّر خيركم...

والله انت طيب يامصطفى هى صحيح مملكة الست وحدها... بس الملكه محتاجه نزهه شويه ..
بفكر نعملنا قهوه وحدنا..

تحياتى .. وبدون مناغشه المرة دى كلامك مقنع اكيد

تسلم

fatfota كتب:: الناس في القهوة بتبقي بحريتها خالص
أنا جوز عمتي المقر الرسمي له بعد العمل هو القهوة
وعندهم في البيت كل حاجة
حكم

طب وعمتك مقرها فين؟؟؟

ماحنا بنقول نعمل لنا قهوه نسائي ونبقي على حريتنا

بس بينى وبينك يافتفوته مايقدروا الرجاله يستغنوا عننا

نعمل ايه بقي هايصعبوا علينا

خلينا في البيت وخلاص

تسلمى لوجودك يافتوتة السكر

هناك سؤال بعد كل ما قيل
لو وجد الأنسان نفسه في حاجة أن يكون لوحده أو مع الناس ولكن في جو غير الجو الذي هو فيه
ماذا يفعل ؟
ولو أسنمرت الأسباب التي دفعته لان يخرج من البيت
أيضا ماذا يفعل ؟

أنا كنت هاأتكلم تاني لقيت ما أتردش عليا في الأولاني

fatfota كتب:: أنا كنت هاأتكلم تاني لقيت ما أتردش عليا في الأولاني

ازاى يافتافيت السكر الحلوه معقول محدش يرد عليكى؟؟

مانقدرش طبعا.. هى السيده صافي ردت فعلا عليكى قبل رد المشرف باهى بس يمكن ماخدتيش بالك

وعامله كمان اقتباس على كلامك

انتى غاليه علينا ولازم نرد اكيد..

fatfota كتب:: أنا كنت هاأتكلم تاني لقيت ما أتردش عليا في الأولاني

ازاى ؟........ معقول ياقمرايه ماردش عليكى ده انتى السكره بتاعة المنتدى!!

انا رديت عليكى فيك زى ماجميلة قالت مشكورة وقلتلك...

طب وعمتك مقرها فين؟؟؟

ماحنا بنقول نعمل لنا قهوه نسائي ونبقي على
حريتنا

بس بينى وبينك يافتفوته مايقدروا الرجاله يستغنوا عننا

نعمل
ايه بقي هايصعبوا علينا

خلينا في البيت وخلاص

تسلمى لوجودك
يافتوتة السكر

__ ماقدرش ازعل الغاليين

باهي كتب:: هناك سؤال بعد كل ما قيل
لو وجد الأنسان نفسه في حاجة أن يكون لوحده أو مع الناس ولكن في جو غير الجو الذي هو فيه
ماذا يفعل ؟
ولو أسنمرت الأسباب التي دفعته لان يخرج من البيت
أيضا ماذا يفعل ؟

من حقه بالتأكيد يخرج ويغير جو وتخرج هيّ كمان وتغير جو انما لو استمرت يبقي خليهم بره عند الجو على طول ياباهى...

اى بيت في مشاكله ومقفول على قصص وحكايات

بس المهم ازاى نشحن نفسنا من اول وجديد ونكمل المشاوير

صباح النور ومساء الخير

يعنى ترمي الزهر وتخرجى عن اللعبه ياصافي

ايه البراءه دى؟؟؟؟؟؟؟

الصراحه الراجل لازم ولابد يخرج حبه عن البيت بس مش حبتين وياريت يكون بمزاج مراته مش بمزاجه هو هههههههههه

بجد والله ماقصدش تحكم بس دائما الراجل بيفضل يكون مع اصحابه او اهله اكتر منها بعد فترة من الجواز انا بقول يمكن عن الازواج مفتقدين موضوع الصداقه بينهم وبين بعضهم يعنى مراته عمرها ماتكون صديقه له طبعا عشان الغيرة او الغيظ وهو كمان نفس الموضوع

المشكله ان الراجل ليه طرق ينفس عن نفسه فيها زى القهوه او الخروجات انما الست غالبا مابتقطع علاقاتها او معظمها وبتكتفي بالبيت بس بتكون محتاجه تخرج وخصوصا لو مع زوجها

موضوع حلو ولذيذ بس لازم تيجى الملعب ياصافي

اشكرك لموضوعك الحلو

ههه
كلامك مضبوط ياام عبد الرحمن
الراجل لا يستطيع المكوث في البيت بصفة مستمرة حتي لو كان البيت جنة
والست تقدر تقعد في البيت ولو كان نار
وعندي مثال جميل قي هذا الشأن
سمعته حديثا سأضعه في موضوع أمثال وحكم إن شاء الله
شفوه وقولوا رأيكم فيه
أبقي شفوه

أم عبدالرحمن كتب:

اقتباس :: صباح النور ومساء الخير

صباحك نور ومساؤكِ خير أم عبدالرحمن

اقتباس :: يعنى ترمي الزهر وتخرجى عن اللعبه ياصافي

ايه البراءه دى؟؟؟؟؟؟؟

عشان استمتع بكلامكم ولعبكم يارحمه ومفيش اجمل منه اكيد..

اقتباس :: الصراحه الراجل لازم ولابد يخرج حبه عن البيت بس مش حبتين وياريت يكون بمزاج مراته مش بمزاجه هو هههههههههه

لو كان عليها...... اكيد حايكون نفس رأيك... يعينى على الرجاله..
يظهر الستات عاوزين خروجكم قبلكم..

اقتباس :: بجد والله ماقصدش تحكم بس دائما الراجل بيفضل يكون مع اصحابه او اهله اكتر منها بعد فترة من الجواز انا بقول يمكن عن الازواج مفتقدين موضوع الصداقه بينهم وبين بعضهم يعنى مراته عمرها ماتكون صديقه له طبعا عشان الغيرة او الغيظ وهو كمان نفس الموضوع

ماهو تحكم في محله ماتقلقي خالص!!... وطبعا اصدقاء الراجل بتختلف عندهم الامور .. بيحسوا انهم مازالوا متفرغين وان محدش منهم بيحاسب التانى عن شئ محدد.. واسباب كتير برضو.. انما الصداقه بين المرأه وزوجها بالطبع صعبه يعنى معقول هايروح يقولها في واحده عاكستني في الشارع او اعجبت بواحده كانت لابسه حلو؟؟ او هايقول فى وشها انتِ عيوبك كذا وكذا؟؟..

أكيد مش هاتسكتله.. والله اعلم ابوالعيال هايجراله ايه ساعتها
يااما تخاصمه ويحايل ويدلع بأه..

طب بذمتك فى صديق ولا حد من الاهل حيقعد يدادى ويدلع ويصالح فيه؟؟

اقتباس :: المشكله ان الراجل ليه طرق ينفس عن نفسه فيها زى القهوه او الخروجات انما الست غالبا مابتقطع علاقاتها او معظمها وبتكتفي بالبيت بس بتكون محتاجه تخرج وخصوصا لو مع زوجها

ده صحيح لان مسؤوليتها في البيت اكتر وزى ماقلت فى الاول ان المرأه بيتوتيه أكتر وكمان الاولاد وارهاق البيت وهكذا

اقتباس :: موضوع حلو ولذيذ بس لازم تيجى الملعب ياصافي

تسلمى انتِ الاحلى أكيد.. وطبعا انا معاكم وأحب اسمعكم

شرفتي

اقتباس :: اشكرك لموضوعك الحلو

الشكر لكِ

باهي كتب:: ههه
كلامك مضبوط ياام عبد الرحمن
الراجل لا يستطيع المكوث في البيت بصفة مستمرة حتي لو كان البيت جنة
والست تقدر تقعد في البيت ولو كان نار
وعندي مثال جميل قي هذا الشأن
سمعته حديثا سأضعه في موضوع أمثال وحكم إن شاء الله
شفوه وقولوا رأيكم فيه
أبقي شفوه

وشهد شاهد

.. ربنا يخلي كلامنا خفيف عليكم..
بس تواجد الاب او الزوج لازم في البيت ومهم جدا

مفيش مانع يخرج للقهوه او حتى اى مكان.. بس على طول............!!!!!!

وبدون خنـــــــــــاقه تانى...

وقلبنا الآيه...

وقولنا: لو السيده بجلالة قدرها... خرجت هي وبأه في قهوه وخرجت للقهوه وقضت الوقت تتسامر مع اصحابها..
وماتقلقوا يارجاله هاتاخد العيال معاها مش هاتسيبهم ليكم في البيت...

هاترضوا؟...

يظهر غاويه خنـــــــاقه والله

طبعاً مش هانرضي وبشدة
ومن غير زعل زي حضرتك ما تفضلتي ليه تتم مقارنات لأشياء لأشياء لا تصلح بها المقارنات علي أطلاقها مثلا :1
- طلبني صديق يعيش بمفرده في منتصف الليل لاحل له مشكلة ويريدني أذهب له ..حتي لو كانت من أستدعتك صديقة.. هل تقبلي هذا الأمر لنفسك ؟؟
خدثت خناقة أثناء جلستي في المقهي تستدعي الذهاب للقسم للشهادة .. هل يصلح لك هذا إن جلستي علي المقهي
؟؟
أتوقع كل منا له أستعداده وعموماً
وها أقسم لك الحسبة قسمه حلوه
أنا أقف في الزحمة وأجيب العيش والأنبوبة وأتحمل المضايقات في ذلك
ومكافاة ذلك أقعد علي القهوه شوية
ياإأما نعكس الأمر تجيب هي الأنبوبه والعيش وتقعد علي القهوة
وأنا أفتح التلفزيون وأقعد في البيت

بالتأكيد احترم رأيك باهى واشكر لكَ مشاركاتك ومساهماتك الفعاله

في امور لا تحتاج لمقارنات بس مش شايف معايا ان في امور بإت تعملها المرأه زيها زي الراجل تماما ويمكناكتر وخصوصا فى مصرنا الحبيبه
على العموم زادنى شرف تواجدك

إيها النبع الصافي
لن أقسم لك لأن ليس هذا من طبيعتي
أني أكن لك كل الود والأحترام
لشخصك ولرايك
لذا سأتمادي في الحوار
هذا لو سمحت لي وكان متاح ذلك في الطرح ؟؟؟
أتفق تماما معك وأزيد
فكلانا (الرجل والمرأة ) موظف
وكلانا يخرج من العمل مرهق يريد الراحة
لكن ينام الرجل وتأتي المرأة وكأنها مقصرة
تحاول عمل الطعام وشؤن المنزل سريعا
حتي لا تغضب احد
وينام الجميع إلا هي تعد وتنظف البيت لما هو أت
وإذا نامت غضب الرجل وقال لا اجد من يسهر معي
هذا الأمر يحدث ولا يرضي أحد
وكان يمكن أحتماله
لو سمعت كلمة شكر أو حب أو تفدير أو مشاركة
أو حض الأولاد علي مشاركتتها في شؤن البيت
أو تخيرها بين العمل والمنزل
إ ذا كانت الميزانية للرجل تتحمل
نعم يحدث وأكثر
بإنه قد يكون هناك إيذاء جسدي أو نفسي
لكن مع هذا ليس كل ما يتاح للرجل يجب أن تفعله المراة
وقد أعجبني قول أمراة قراته وأنا مراهق
فزاد ثقتي في المراة وخلصني من كثير من السلبيات
كان زوجها يغازل السيدات
قالوا لها أفعلي مثله ليشعر تأثير ذلك عليه
قالت أنا أحترم نفسي ليس له فقط
بل لله أولا ولنفسي ثانيا فإن سقط هو أنا لا أسمح لنفسي بالسقوط
أعتذر لإطالتي
وشكرا لك

الموضوع ساحه كبيرة لكَ ولتشريفك وتشريف الاخرين كذلك باهى وبالتأكيد تنورة وأشكر لكَ سعة صدرك في الحوار كما اشكر وأحترم رأيك في المرأه كذلك وسبحان الله عندما جعل رسول الله يوصى بالنساء خيرا وبأهل بيت الرجل خيرا

هذا لانها لم تكن يوما مخلوقا ضعيفا خلقه الله بدليل ماتتحمله من مشكه نفسيه وجسديه كما تقول ولكن هى مخلوق مهيمن تتحمل كثيرا وترضى بالقليل ولو كانت كلمه

هناك حلقه مفقوده ياللاسف بين الرجل والمرأه وهى كيف تتفهم شخصية كل منهما

فأنا كإمرأه اطرح مثلا وجهة نظرى العموميه على بنات جنسي في مكامن ضعفنا وقوتنا .. كذلك يتفهم كل رجل (بصفه عامه) وجهة نظرة في الحياة..

وتلك الحلقه تستطيع جيدا ان تجعل الامور تتقارب بشكل جيد بين تفهم كون وطبيعة الرجل لدى المرأه والعكس صحيح

اشكرك باهى وسعيده بوجودك المشرف

» هذا القسم مفتوح للجميع
» س سؤال ..طب ج ؟..اه ج جواب
» سؤال حر لنا جميعاً
» سؤال سهل بس محتاج تركيز