جارتنا الهندية

موضوع: جارتنا الهندية السبت مارس 13, 2010 2:34 pm

لنا جارة هندية .. على قد حالها .. كل حياتها نص في نص .. نص معرفة.. ونص بخت .. ونص رزق .. كده يعني .. حصل في حياتها حادثةغيرت حياتها .. وشكلها

ماشية في السوق عثرت على خاتم بيلمع .. اخدته وراحت لصاحبتها .. لما شافته قالت لها شكله الماس .. وده ذهب ابيض .. ما صدقتش الهندية .. وراحت لسوق الذهب واكتشفت انه فعلا الماس من نوع السولتير كمان وحوالي 4 قيراط

وكانت بتلبسه وتتعايق قدام اصحابها وتحكي وتتحاكى عليه وفرحت اوي بيه .. لدرجة انها اصبحت مشهورة بيه .. يعني اقترن الالماس بصاحبتنا الهنديه .. كانت كل مناسبة يشوفوه الناس عليها ويعجبوا وهي كمان كانت فرحانه جدا بيه لأنها اعتبرت ان وجوده عبارة عن هديه ليها على تعبها السنين كلها واصبح عندها شئ له قيمة في حياتها

مرت ايام وصاحبتنا على الوضع ده . وبعدين جاها فكرة شيطانية .. قالت هو قيمته
كبيرة اوي .. طيب مانا ممكن اجيب بثمنه عشرين خاتم من الاكسسوار واروح استفيد ببقية السعر بدل مانا لابسه واحد بس
وقالت في نفسها كل واحد حيشوفني لابسه خاتم اكسسوار مش حيصدق وحيعرف انه
الماس لأن الناس عرفت اني بالبسه ..وراحت ما كدبت خبر باعت الغالي واشرت بقيمته عشرين خاتم فالصو وبدأ تظهر بيهم قدام الناس

الصراحه الخواتم اشكالها حلوه ومن بعيد تقول الماس .. والناس صدقت .. وحتى هي كمان فرحت وقالت ما كل يوم البس واحد واديني محدش عرف عني حاجه وفاكرينهم كلهم اصلي

وتمر الايام والعشرين خاتم .. واحد يصدي .. وواحد يطفي بريقه .. وواحد تحس انه
مش اصلي من منظرة ترميه .. وواحد تقع فصوصه
وقعدت صاحبتنا لا هي احتفظت بالغالي الاصلي ولا عرفت تلبس غيره

فهمتوا حاجه ؟؟

فخمتووو فخمتو

مشكلة الحياة الاختيار فعلا
تختار متعة كبيييرة مؤقتة
ولا متعة اصغر دائمة ؟

تسلم يا استاذ تيفا

الطمع اقل ماجمع

بس فكرتنى بحاجه طريفة بتحصل معايا الفترة دى كتير واوعوا تضحكوا!!!!!!!!!!!!!!!!!!!!

كل مااشوف او يكون في ايدي الـ 200 جنية اللـ طالعه الايام دي في مصر وعملوها جديده ماقتنعش ان معايا فلوس اصلا

واقول اسمى معايا 200 جنــــــــــــــــيه ..........

والاخر تبقي ورقه واحده

وبكون عاوزة افكهم بأى طريقه احس بس فيها ان في فلوس في ايدي...

بس مفيش فايده هما 200 جنيه برضو

رضا

الحمدلله

الحاجه الوحيده اللـ عاجبانى في ورقة الـ200 جنية دي انها تشبهه فلوس زمان المصريه

ايام الجنيه الكبير وال5 جنية

اكتر من كده مابحبش امسكها للسبب اللـ قلتلكم عليه

وتحياتى للجارة الهنديه.. مخ هندى فعلا.....

مش المفروض ان الواحد ياخد كل حاجه هو عاوزها في الدنيا لازم يكون في حاجه ناقصه لان هى دى الدنيا

دى كانت عاوزه تجمع بين القيّم والعدد

ومارضيتش بنصيبها سواء هنا او هنا وصعب اوى الشعور ده ان الانسان مايرضاش باللى بين ايديه
ربنا يرحمنا بس على العموم الهنادوة بيحبوا الغوايش والخلاخيل الكتير.. ولما كنت بجيب الاكسسوارت بتاعتهم زمان اول مااطلعها من الكيس الاقيهم هشين اوى واتكسروا وازعل واروح اخلى بابا يجيبلى تانى وتالت لحد مايزهق
ههههههههههههه

فكرتنى بالاطفال الصغنانين
لما اهليهم يعطووهم مثلا 10 جنية ورقة وحدة
يقولوا ورقة وحده بس با بابى انا عاوز الكتيي
ههههههههههههههههه
ويكونوا الكتير دول جنية ولا حتى نص جنية ربعين
اه طبعا فهمنا
ان الغالى ديما ثمنه فيه
وانت غالى جدا علينا يا استاذي
تسلم ايدك

الواقع أن الهنود لهم تفكير خاص بهم
لدرجة أن اليومين دول أستغلوا الضغط الدولي علي باكستان بسبب أتهامات أفغانستات لها وضربوا في جارتهم
أنا الجارة الهندية فعلت ما رأته صالحا لهاأستفادت بالنقود بعد أن باعت الخاتم الأصلي وقد تكون ملت منه أو خافت أن تفقده وأشترت ما يعوضها في منظره
لكن
اظرف ما في الطرح أنه نرك العنان لكل واحد يكتب في ما يراه فهو موضوع مفتوح
شكرا لك يامصطفي

» حوار جارتنا كل يوم مع جوزها